Exodo 15:20

Ang Biblia 2011

Unya si Miriam, ang babayeng propeta nga igsoon ni Aaron, mikuha ug tambor, ug ang tanang mga babaye misunod kaniya nga may mga tambor ug nanayaw sila.

Cross References

Genesis 31:27

Ngano nga mikagiw man ikaw sa tago ug gitikasan nimo ako ug wala nimo ako pahibaloa aron nga ako magpagikan unta kanimo nga may kalipay ug mga pag-awit uban ang tambol ug alpa?

2 Samuel 1:20

Ayaw kini isugilon sa Gat, ayaw kini ibalita sa mga kadalanan sa Askelon; tingali unya ug ang mga anak nga babaye sa mga Filistihanon mangalipay, tingali unya ug ang mga anak nga babaye sa mga dili tinuli manghugyaw.

2 Samuel 6:14

Ug si David misayaw sa atubangan sa Ginoo sa tibuok niyang kusog ug si David gibaksan ug usa ka lino nga ephod.

2 Samuel 6:16

Sa diha nga ang sudlanan sa kasabotan sa Ginoo miabot na sa siyudad ni David, si Mical nga anak ni Saul milantaw sa bintana ug nakakita kang Hari David nga nagluksolukso ug nagsayaw sa atubangan sa Ginoo ug siya mitamay kaniya sulod sa iyang kasingkasing.

2 Samuel 6:5

Si David ug ang tibuok banay sa Israel naghudyaka sa atubangan sa Ginoo uban sa tanan nilang kusog, uban ang mga alawiton, mga lira, mga alpa, mga tambor mga kastanyeta ug mga piyangpiyang.

2 Mga Hari 22:14

Busa si Hilkias nga pari ug si Ahikam, si Acbor, si Safan ug si Asaias miadto kang Hulda nga propeta nga asawa sa tinugyanan sa mga bisti nga si Sallum nga anak ni Tikba nga anak ni Harhas, ug sila nakigsulti kaniya. Niadtong tungora si Hulda nagpuyo sa Jerusalem sa ikaduha nga bahin sa siyudad.

1 Cronicas 15:16

Unya si David misugo sa mga pangulo sa mga Levihanon sa pagtudlo sa ilang mga kaigsoonan ingon nga mga mag-aawit, uban sa mga tulunggon, sa mga alpa, sa mga lira ug sa mga piyangpiyang, aron sa pagpatugbaw sa tingog sa kalipay.

1 Cronicas 6:3

Ang anak ni Amram: si Aaron, si Moises ug si Miriam. Ang mga anak nga lalaki ni Aaron: si Nadab, si Abihu, si Eleasar ug si Itamar.

Nehemias 6:14

Hinumdomi, O akong Dios, si Tobias ug si Sanbalat sumala niining butang nga ilang gibuhat ug usab ang babayeng propeta nga si Noadias ug ang uban nga mga propeta nga buot mohadlok kanako.

Salmo 149:3

Ipadayeg kanila ang iyang ngalan uban sa pagsayaw, mag-awit kaniya pinaagi sa gagmay nga tambor ug sa alpa!

Salmo 150:4

Dayega siya uban sa tambor ug pagsayaw; dayega siya uban ang mga tulunggon nga may kuwerdas ug sa plawta!

Salmo 30:11

Ang akong pagbangutan gihimo nimo nga pagsayaw; gihukas nimo ang akong bisti nga sako ug gibaksan nimo ako sa kalipay,

Salmo 68:11

Ang Ginoo naghatag sa mando; dako ang panon sa mga nagsangyaw sa balita:

Salmo 68:25

ang mga mag-aawit nag-una, ang mga tigtugtog nagsunod, sa taliwala nila ang mga dalaga nga nagtugtog sa mga gagmayng tambor:

Salmo 68:26

“Dayega ninyo ang Dios diha sa dakong katilingban, ang Ginoo, O kamo nga gikan sa tuboran sa Israel!”

Salmo 81:2

Pagpatugbaw ug usa ka awit, patingoga ang mga tambor, ang mananoy nga lira uban ang alpa.

Exodo 2:4

Ug ang igsoon nga babaye sa bata nagtindog sa layo aron sa pagtan-aw sa mahitabo kaniya.

Ecclesiastes 3:4

panahon sa paghilak, ug panahon sa pagkatawa; panahon sa pagbangutan, ug panahon sa pagsayaw;

Jeremias 31:4

Tukoron ko ikaw pag-usab ug ikaw matukod, O ulay nga Israel! Dayandayanan na usab nimo ang imong kaugalingon sa mga tambor nga gagmay, ug ikaw moadto sa sayaw sa mga naglipay.

Miqueas 6:4

Kay gikuha ko ikaw gikan sa yuta sa Ehipto, ug gilukat ko ikaw gikan sa balay sa pagkaulipon; ug gipadala nako kanimo si Moises, si Aaron, ug si Miriam.

Numeros 12:1

Unya si Miriam ug si Aaron misulti batok kang Moises tungod sa babaye nga Cusihanon nga iyang gipangasawa kay siya nangasawa man sa babaye nga Cusihanon.

Numeros 12:2

Ug sila miingon, “Kang Moises ba lamang diay nakigsulti ang Ginoo. Wala ba usab siya makigsulti kanamo?” Ug ang Ginoo nakadungog niini.

Numeros 20:1

Ug ang katawhan sa Israel, ang tibuok katilingban, miabot sa kamingawan sa Zin sa unang bulan ug ang katawhan nagpabilin didto sa Cades ug didto namatay si Miriam ug gilubong siya didto.

Numeros 26:59

Ug ang ngalan sa asawa ni Amram mao si Jocabed nga anak ni Levi, siya natawo kang Levi didto sa Ehipto, ug iyang gipanganak kang Amram si Aaron ug si Moises ug si Miriam nga ilang igsoong babaye.

Lucas 2:36

Ug diha usab si Ana, usa ka propeta nga babaye, anak ni Fanuel nga sakop sa banay ni Aser. Siya tigulang na kaayo. Nagtipon siya ug ang iyang bana sulod sa pito ka tuig sukad sa ilang pagkaminyo,

Mga Buhat 21:9

Kini siya may upat ka anak nga dalaga nga nagpropesiya.

1 Mga Taga-Corinto 11:5

apan ang babaye nga wala magtabon sa iyang ulo samtang nag-ampo o nagpropesiya, nagpakaulaw sa iyang ulo, sama ra nga gikiskisan ang iyang ulo.

1 Mga Taga-Corinto 14:34

ang mga babaye kinahanglang maghilom diha sa mga iglesia kay wala itugot kanila ang pagsulti, hinuon kinahanglang magpaubos sila sumala sa giingon sa balaod.

Mga Maghuhukom 11:34

Unya si Jefta miabot sa iyang balay sa Mispa ug nakita niya ang iyang anak nga babaye nga migula aron sa pagsugat kaniya uban ang mga tulunggon ug mga pagsayaw. Bugtong siya nga anak niya; gawas kaniya wala siyay anak nga lalaki o anak nga babaye.

Mga Maghuhukom 21:21

Ug pagbantay kamo, kon ang mga anak nga babaye sa Silo manggula aron sa pagpanayaw sa mga sayawan, panggula kamo gikan sa kaparasan ug ang matag lalaki manakmit ug iyang maasawa gikan sa mga anak nga babaye sa Silo ug pangadto kamo sa yuta ni Benjamin.

Mga Maghuhukom 4:4

Si Debora nga usa ka propeta nga babaye, asawa ni Lapidot, maghuhukom sa Israel niadtong panahona.

1 Samuel 10:5

Human niana, lakaw ngadto sa Gibeat-elohim diin atua didto ang kampo sa kasundalohan sa mga Filistihanon ug unya sa imong pag-abot didto sa siyudad, ikaw makatagbo ug usa ka panon sa propeta nga nanglugsong gikan sa habog nga dapit nga nagdala ug alpa, tambor, plawta ug lira diha kanila nga nagpropesiya.

1 Samuel 18:6

Samtang namauli sila, human mapatay ni David ang Filistihanon, ang mga babaye nanggula gikan sa tanang siyudad sa Israel nga nag-awit ug nagsayaw aron sa pagsugat kang Hari Saul, uban ang mga gagmayng tambor, uban sa kalipay, uban sa mga awit sa mga tulunggon sa paghoni.