Exodo 15:2

Ang Biblia 2011

Ang Ginoo mao ang akong kusog ug akong awit, ug siya nahimo nga akong kaluwasan; kini mao ang akong Dios, ug ako magdayeg kaniya, ang Dios sa akong katigulangan, ug pasidunggan nako siya.

Cross References

Genesis 17:7

Ug himoon nako ang akong kasabotan tali kanako ug kanimo ug sa imong mga kaliwat sunod kanimo sa tanan nilang kaliwatan alang sa usa ka kasabotan nga dayon aron ako mahimong Dios nganha kanimo ug sa imong kaliwatan sunod kanimo.

Genesis 49:18

Naghulat ako sa imong kaluwasan, O Ginoo.

2 Samuel 22:3

ang Dios, akong bato, nga kaniya ako modangop, akong taming ug sungay sa akong kaluwasan, akong panalipod ug akong dalangpanan, akong manluluwas; ikaw nagluwas kanako gikan sa kapintas.

2 Samuel 22:47

“Ang Ginoo buhi ug dalaygon ang akong bato, ug pasidunggan unta ang akong Dios, ang bato sa akong kaluwasan,

2 Samuel 22:51

Mga dagkong kadaogan ang iyang gihatag sa iyang hari, ug gipakita niya ang gugmang walay paglubad ngadto sa iyang dinihogan, kang David ug sa iyang mga kaliwat hangtod sa kahangtoran.”

2 Samuel 7:24

Imong gilig-on alang kanimo ang imong katawhan nga Israel, aron mahimong imong katawhan hangtod sa kahangtoran ug ikaw, O Ginoo, nahimong ilang Dios.

2 Samuel 7:5

“Lakaw ug sultihi ang akong alagad nga si David, ‘Kini mao ang gisulti sa Ginoo: Buhatan ba nimo ako ug usa ka balay nga akong kapuy-an?

1 Mga Hari 8:13

Ako nagtukod alang kanimo ug usa ka matahom nga balay, usa ka dapit nga imong kapuy-an hangtod sa kahangtoran.”

1 Mga Hari 8:27

“Apan tinuod ba gayod nga ang Dios magpuyo dinhi sa kalibotan? Tan-awa, ang langit ug ang kinahabogan nga langit dili makaigo kanimo, unsa pa kaubos kining balay nga akong gitukod!

1 Cronicas 16:14

Siya mao ang Ginoo nga atong Dios; ang iyang mga hukom anaa sa tibuok nga yuta.

Salmo 109:1

Ayaw pagpakahilom, O Dios sa akong pagdayeg!

Salmo 118:14

Ang Ginoo mao ang akong kalig-on ug ang akong awit; siya nahimo nga akong kaluwasan.

Salmo 118:21

Nagpasalamat ako kanimo kay ikaw mitubag man kanako, ug ikaw nahimong akong kaluwasan.

Salmo 118:28

Ikaw mao ang akong Dios ug ako magpasalamat kanimo; ikaw mao ang akong Dios, ako magdayeg kanimo!

Salmo 132:5

hangtod nga makakita ako ug dapit alang sa Ginoo, dapit nga puluy-anan alang sa Gamhanang Dios ni Jacob.”

Salmo 140:7

O Ginoo, akong Ginoo, akong lig-on nga manluluwas, ikaw nagtabon sa akong ulo sa adlaw sa gubat.

Salmo 145:1

Dayegon ko ikaw, akong Dios ug Hari, ug dayegon nako ang imong ngalan hangtod sa kahangtoran.

Salmo 18:46

Buhi ang Ginoo! Dalaygon ang akong bato, ug pasidunggan ang Dios sa akong kaluwasan,

Salmo 22:10

Nganha kanimo nahimugso ako gikan sa taguangkan, sukad ako gipanganak sa akong inahan, ikaw mao ang akong Dios.

Salmo 22:3

Apan ikaw balaan, naglingkod sa trono diha sa mga pagdayeg sa Israel.

Salmo 27:1

Ang Ginoo mao ang akong kahayag ug ang akong kaluwasan; kinsa man ang akong kahadlokan? Ang Ginoo mao ang salipdanan sa akong kinabuhi; kinsa man ang akong kalisangan?

Salmo 28:8

Ang Ginoo mao ang kusog sa iyang katawhan; siya ang dalangpanan sa kaluwasan sa iyang dinihogan.

Salmo 30:1

Dayegon ko ikaw, O Ginoo, kay gisakwat nimo ako, ug wala nimo tugti nga maglipay ang akong mga kaaway ibabaw kanako.

Salmo 34:3

O dayega ang Ginoo uban kanako, ug maghiusa kita sa pagbayaw sa iyang ngalan!

Salmo 48:14

nga kini mao ang Dios, atong Dios hangtod sa kahangtoran. Siya mao ang atong magmamando hangtod sa kahangtoran.

Salmo 59:17

O akong kusog, mag-awit ako ug mga pagdayeg alang kanimo, kay ikaw, O Dios, mao ang akong panalipod, ang Dios nga nagpakita kanako sa gugmang walay paglubad.

Salmo 68:20

Ang atong Dios usa ka Dios sa kaluwasan, ug ngadto sa Dios nga Ginoo, iya ang kagawasan gikan sa kamatayon.

Salmo 99:5

Bayawa ninyo ang Ginoo nga atong Dios; simba kamo didto sa tumbanan sa iyang mga tiil! Balaan siya!

Salmo 99:9

Bayawa ninyo ang Ginoo nga atong Dios, ug simba kamo didto sa iyang balaan nga bungtod; kay ang Ginoo nga atong Dios balaan!

Exodo 14:13

Ug si Moises miingon sa katawhan, “Ayaw kamo kahadlok, barog nga lig-on, ug tan-awa ninyo ang kaluwasan sa Ginoo nga iyang buhaton karon kaninyo. Kay ang mga Ehiptohanon nga inyong nakita karon, dili na gayod ninyo makita pag-usab.

Exodo 3:6

Ug siya miingon, “Ako mao ang Dios sa imong amahan, ang Dios ni Abraham, ang Dios ni Isaac ug ang Dios ni Jacob.” Unya gitago ni Moises ang iyang nawong kay siya nahadlok nga motan-aw sa Dios.

Exodo 4:22

Ug ikaw moingon sa Paraon, ‘Mao kini ang giingon Ginoo: Si Israel mao ang akong kamagulangan nga anak nga lalaki,

Exodo 40:34

Unya ang panganod mitabon sa tolda nga tagboanan ug ang himaya sa Ginoo milukop sa Tolda.

Exodo 6:7

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang Ginoo nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Isaias 12:2

“Sa pagkatinuod ang Dios mao ang akong kaluwasan; ako mosalig, ug dili mahadlok kay ang Ginoong Dios mao ang akong kusog ug ang akong awit, ug siya nahimo nga akong kaluwasan.”

Isaias 25:1

O Ginoo, ikaw mao ang akong Dios; pasidunggan ko ikaw, dayegon nako ang imong ngalan; kay naghimo ikaw ug mga butang nga katingalahan, mga laraw sa dugay na nga panahon, kasaligan ug matuod.

Isaias 45:17

Apan ang Israel luwason sa Ginoo sa kaluwasan nga walay kataposan; kamo dili pakaulawan o libogon hangtod sa dayon.

Isaias 49:6

siya miingon, “Gaan ra kaayo nga butang nga ikaw mahimong akong sulugoon aron sa pagbangon sa mga banay ni Jacob, ug sa pagpabalik sa salin sa Israel; ako maghatag kanimo ngadto sa kanasoran ingon nga suga, aron ang akong kaluwasan moabot ngadto sa kinatumyan sa yuta.”

Isaias 66:1

Mao kini ang giingon sa Ginoo: “Ang langit mao ang akong trono, ug ang yuta mao ang akong tumbanan; unsang balaya ang inyong tukoron alang kanako, ug unsang dapita ang akong pahulayan?

Jeremias 3:23

Sa pagkatinuod ang kabungtoran mga limbong, mga kaguliyang sa ibabaw sa kabukiran. Sa pagkatinuod diha sa Ginoo nga atong Dios anaa ang kaluwasan sa Israel.

Jeremias 31:33

Apan kini mao ang kasabotan nga akong buhaton uban sa balay sa Israel human niadtong mga adlawa, nag-ingon ang Ginoo: Ibutang nako ang akong balaod sulod kanila ug isulat kini diha sa ilang mga kasingkasing; ug ako mahimo nga ilang Dios, ug sila mahimo nga akong katawhan.

Jeremias 32:38

Ug sila mahimo nga akong katawhan, ug ako mahimo nga ilang Dios.

Habacuc 3:13

Mipanaw ikaw alang sa kaluwasan sa imong katawhan, alang sa kaluwasan sa imong dinihogan. Gigupok nimo ang ulo sa balay sa daotan, gipabuy-od nga walay bisti, gikan sa paa ngadto sa liog. Selah

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Lucas 1:77

aron paghatag ngadto sa iyang katawhan sa kahibalo sa kaluwasan diha sa kapasayloan sa ilang mga sala,

Lucas 2:30

kay ang akong mga mata nakakita na sa kaluwasan gikan kanimo,

Juan 4:22

Kamo nagsimba sa wala ninyo mailhi, kami nagsimba sa among nailhan, kay ang kaluwasan gikan man sa mga Judio.

Juan 5:23

aron ang tanang tawo magpasidungog sa Anak sama sa ilang pagpasidungog sa Amahan. Ang wala magpasidungog sa Anak wala magpasidungog sa Amahan nga mao ang nagpadala kaniya.

Mga Buhat 4:12

Ug walay kaluwasan diha kang bisan kinsa pa kay walay laing ngalan ubos sa langit nga gihatag ngadto sa mga tawo, nga pinaagi niini kita kinahanglang maluwas.”

2 Mga Taga-Corinto 5:19

ingon nga ang Dios diha kang Cristo nagpasig-uli sa kalibotan ngadto sa iyang kaugalingon sa walay pag-isip batok kanila sa ilang kalapasan. Ug siya nagpiyal kanamo sa mensahe sa pagpasig-uli.

Mga Taga-Efeso 2:22

ug diha kaniya kamo usab gitukod aron mahimong puluy-anan sa Dios pinaagi sa Espiritu.

Deuteronomio 10:21

Siya mao ang inyong pagdayeg ug siya mao ang inyong Dios nga nagbuhat alang kaninyo niining dagko ug makalilisang nga mga butang nga nakita sa inyong mga mata.

Mga Taga-Filipos 2:11

ug ang tanang dila magsugid nga Ginoo si Jesu-Cristo alang sa pagdayeg sa Dios nga Amahan.

Mga Taga-Filipos 4:13

Mahimo nako ang tanang butang diha kaniya nga naglig-on kanako.

Mga Taga-Colosas 2:9

Kay diha kaniya nagpuyo sa linawas ang tibuok gayod nga pagka-Dios,

Gipadayag 15:3

Ug sila nag-awit sa awit ni Moises nga sulugoon sa Dios ug sa awit sa Nating Karnero, nga nag-ingon, “Dako ug kahibulongan ang imong mga buhat, O Ginoong Dios nga Makagagahom sa Tanan! Matarong ug matuod ang imong mga pamaagi, O Hari sa kanasoran!

Gipadayag 19:1

Human niini nadungog nako ang daw kusog nga tingog sa usa ka dakong panon didto sa langit, nga nag-ingon, “Aleluya! Ang kaluwasan ug ang himaya ug ang gahom iya sa atong Dios;

Mga Maghuhukom 5:21

Ang sulog sa Kison mianod kanila, ang naghasmag nga sulog, ang sulog sa Kison. Lakaw, akong kalag, uban ang kalig-on!