Exodo 15:17

Ang Biblia 2011

Ikaw magpasulod kanila ug magpahimutang kanila sa imong kaugalingong bukid, ang dapit, O Ginoo, nga imong gitagana alang sa imong puluy-anan; ang balaang dapit, O Ginoo, nga gitukod sa imong mga kamot.

Cross References

2 Samuel 7:10

Ug ako magpili ug dapit alang sa akong katawhan nga Israel, ug magpahimutang kanila, aron sila makapuyo sa ilang kaugalingon nga dapit, ug dili na samokon ug dili na sila sakiton sa mga tawong daotan sama kaniadto,

1 Mga Hari 8:13

Ako nagtukod alang kanimo ug usa ka matahom nga balay, usa ka dapit nga imong kapuy-an hangtod sa kahangtoran.”

Salmo 114:2

ang Juda nahimong balaan niyang puluy-anan, ang Israel nahimong iyang gingharian.

Salmo 2:6

“Gibutang nako ang akong hari ibabaw sa Zion, ang akong bungtod nga balaan.”

Salmo 44:2

ikaw sa imong kaugalingong kamot naghingilin sa mga nasod, apan sila imong gipahimutang; gisakit nimo ang mga katawhan, apan gipalingkawas nimo sila;

Salmo 68:16

Ngano nga nagtan-aw kamo uban ang kasina, O bukid nga daghan ug mga bungtod, sa bukid nga gitinguha sa Dios alang sa iyang puluy-anan, diin ang Ginoo magpuyo niini hangtod sa kahangtoran?

Salmo 76:2

Ang iyang balay anaa sa Salem, ang iyang puluy-anan anaa sa Zion.

Salmo 80:15

ang punoan nga gitanom sa imong tuong kamot

Salmo 80:8

Ikaw nagdala ug usa ka paras gikan sa Ehipto; gipapahawa nimo ang mga nasod, ug gitanom nimo kini.

Exodo 15:13

“Ikaw sa imong gugmang walay paglubad nagmando sa katawhan nga imong gilukat; gitultolan nimo sila pinaagi sa imong kusog ngadto sa imong balaang puluy-anan.

Exodo 23:20

“Gipaanha nako ang usa ka anghel nganha kaninyo aron sa pagbantay kaninyo sa dalan ug sa pagdala kaninyo ngadto sa dapit nga akong giandam.

Exodo 25:8

Pabuhata sila ug usa ka balaang puluy-anan alang kanako aron makapuyo ako sa ilang taliwala.

Exodo 32:34

Karon lakaw, dad-a kining katawhan ngadto sa dapit nga akong giingon kanimo. Ang akong anghel mag-una kanimo apan sa adlaw sa akong pagduaw, duawon nako ang ilang sala diha kanila.”

Jeremias 2:21

Bisan pa niana gitanom ko ikaw nga usa ka piniling paras, tibuok gayod nga lunsayng binhi. Naunsa ba nga mikunhod man ikaw ug nahimong ihalas nga bagon?

Jeremias 31:23

Mao kini ang giingon sa Ginoo sa mga panon, ang Dios sa Israel: “Sila maggamit pag-usab niining pulonga sa yuta sa Juda ug sa mga siyudad niini, sa diha nga ibalik nako ang ilang maayong kahimtang: ‘Ang Ginoo magpanalangin kanimo, O puluy-anan sa pagkamatarong, O bukid nga balaan!’

Jeremias 32:41

Maglipay ako diha sa pagbuhat ug kaayohan kanila ug itanom nako sila niining yutaa diha sa pagkamatinumanon uban ang tibuok nakong kasingkasing ug ang tibuok nakong kalag.

Ezequiel 37:26

Maghimo ako ug kasabotan sa pakigdait uban kanila. Kini mahimo nga usa ka kasabotan nga walay kataposan uban kanila, ug panalanginan nako sila ug padaghanon, ug ipahiluna nako ang akong balaan nga puluy-anan sa taliwala nila hangtod sa kahangtoran.

Ezequiel 37:28

Unya ang mga nasod makahibalo nga ako, ang Ginoo, nagbalaan sa Israel sa diha nga ang akong balaan nga dapit anaa na sa taliwala nila hangtod sa kahangtoran.”

Deuteronomio 33:19

Tawgon nila ang mga katawhan ngadto sa ilang bukid; didto maghalad sila ug mga halad sa pagkamatarong, kay suyopon nila ang kadagaya sa kadagatan ug ang mga bahandi nga tinago sa baybayon.”

Josue 22:19

Apan karon, kon ang inyong yuta dili hinlo, pangadto kamo sa yuta sa Ginoo diin ang Tolda sa Ginoo nagbarog, ug panag-iya kamo uban kanamo. Apan ayaw lamang kamo pagsukol batok sa Ginoo o mosukol kamo batok kanamo pinaagi sa pagbuhat ug usa ka halaran alang kaninyo, gawas sa halaran sa Ginoo nga atong Dios.