Exodo 15:16

Ang Biblia 2011

Kahadlok ug kalisang ang ilang nahiagoman; tungod sa pagkagamhanan sa imong bukton nangahilom sila sama sa usa ka bato, hangtod nga mosaylo ang imong katawhan, O Ginoo, hangtod nga mosaylo kining katawhan nga imong gipalit.

Cross References

Genesis 35:5

Ug samtang sila nagpanaw, ang kahadlok gikan sa Dios miabot ngadto sa mga kalungsoran nga naglibot kanila mao nga sila wala mogukod sa mga anak ni Jacob.

2 Samuel 7:23

Unsa mang nasora sa kalibotan nga sama sa imong katawhan nga Israel nga giadto sa Dios aron lukaton aron mahimong iyang katawhan, naghimo kaniya ug usa ka ngalan, ug nagbuhat alang kanila ug dagko ug makalilisang nga mga butang pinaagi sa pag-abog sa atubangan sa iyang katawhan sa mga nasod ug sa ilang mga diosdios?

Salmo 105:38

Nalipay ang Ehipto sa ilang pagbiya, kay ang pagkahadlok kanila miabot sa ibabaw niini.

Salmo 74:2

Hinumdomi ang imong katilingban nga imong gikuha sa dugay nang panahon, nga imong gilukat aron mahimo nga banay sa imong panulundon! Hinumdomi ang bukid sa Zion, nga imong gipuy-an.

Salmo 89:14

Ang pagkamatarong ug ang kaangayan mao ang patukoranan sa imong trono; ang gugmang walay paglubad ug ang pagkamatinumanon mag-una kanimo.

Exodo 11:7

Apan walay bisan usa ka iro nga mousig batok kang bisan kinsa sa katawhan sa Israel, tawo o mananap. Pinaagi niini masayran ninyo nga ang Ginoo nagbuhat ug kalainan taliwala sa mga Ehiptohanon ug sa Israel.

Exodo 15:13

“Ikaw sa imong gugmang walay paglubad nagmando sa katawhan nga imong gilukat; gitultolan nimo sila pinaagi sa imong kusog ngadto sa imong balaang puluy-anan.

Exodo 15:5

Ang lawom nga katubigan mitabon kanila; nangaunlod sila ngadto sa kahiladman sama sa usa ka bato.

Exodo 15:6

Ang imong tuong kamot, O Ginoo, mahimayaon diha sa gahom, ang imong tuong kamot, O Ginoo, nagdugmok sa kaaway.

Exodo 18:8

Unya gisugilon ni Moises sa iyang ugangan ang tanan nga gibuhat sa Ginoo ngadto sa Paraon ug sa mga Ehiptohanon tungod sa Israel, ug ang tanang kalisdanan nga miabot kanila sa dalan ug giunsa sa Ginoo pagluwas kanila.

Exodo 20:2

“Ako mao ang Ginoo nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan.

Exodo 23:20

“Gipaanha nako ang usa ka anghel nganha kaninyo aron sa pagbantay kaninyo sa dalan ug sa pagdala kaninyo ngadto sa dapit nga akong giandam.

Exodo 23:22

“Apan kon mamati kamo pag-ayo sa iyang tingog ug buhaton ninyo ang tanan nga akong gisulti, ako mahimong kaaway sa inyong mga kaaway ug kabatok sa inyong mga kabatok.

Exodo 23:27

Magpadala ako ug kahadlok una kaninyo ug libogon nako ang tanang katawhan nga inyong adtoan ug pakig-awayan, ug himoon nako nga ang tanan ninyong mga kaaway motalikod kaninyo.

Exodo 6:7

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang Ginoo nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Isaias 51:10

Dili ba ikaw mao ang nagpauga sa dagat, sa katubigan sa dakong kahiladman; nga naghimo sa mga kahiladman sa dagat nga usa ka dalan aron agian sa mga linukat?

Isaias 63:12

nga nagpaadto sa iyang mahimayaong bukton uban sa tuong kamot ni Moises, nga nagbahin sa katubigan sa ilang atubangan, aron sa paghimo alang sa iyang kaugalingon ug usa ka ngalan nga walay kataposan,

Jeremias 31:11

Kay ang Ginoo naglukat kang Jacob, ug nagtubos kaniya gikan sa mga kamot nga hilabihan ka kusgan alang kaniya.

Ezequiel 16:8

“Sa diha nga miagi ako kanimo pag-usab ug mitan-aw kanimo, ug nakita nako nga ikaw anaa na sa panahon sa paghigugma, ug gibuklad nako ang akong bisti sa ibabaw nimo ug gitabonan ang imong pagkahubo. Oo, ako nanumpa kanimo ug naghimo ug usa ka kasabotan uban kanimo, nag-ingon ang Ginoong Dios, ug ikaw nahimo nga akoa.

Mga Buhat 20:28

Bantayi ninyo ang inyong kaugalingon ug ang tibuok pundok, nga niini ang Espiritu Santo naghimo kaninyong mga tinugyanan, sa pag-atiman sa iglesia sa Dios nga iyang nabatonan pinaagi sa dugo sa iyang kaugalingong Anak.

Deuteronomio 11:25

Walay tawo nga makaasdang batok kaninyo. Ang Ginoo nga inyong Dios magbutang sa kalisang ug kahadlok kaninyo ngadto sa tibuok nga yuta nga inyong tumban sumala sa iyang gisaad kaninyo.

Deuteronomio 2:25

Niining adlawa magsugod ako sa pagbutang sa kahadlok ug sa kalisang kanimo nganha sa mga katawhan nga anaa sa ilalom sa tibuok nga langit nga makadungog sa balita mahitungod kanimo, ug mangurog sila ug magbangutan tungod kanimo.’

Deuteronomio 2:4

ug sugoa ang katawhan: Hapit na kamo moagi sa utlanan sa inyong kaigsoonan, ang mga kaliwat ni Esau nga nagpuyo sa Seir ug sila mangahadlok kaninyo. Busa pagbantay kamo pag-ayo.

Deuteronomio 32:6

Mao ba kini ang ibalos ninyo sa Ginoo, O katawhan nga buangbuang ug hungog? Dili ba siya mao ang imong amahan nga nagbuhat kanimo, ang nagbuhat ug naglig-on kanimo

Deuteronomio 32:9

Kay ang bahin sa Ginoo mao ang iyang katawhan, si Jacob ang pahat nga iyang panulundon.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Josue 2:9

ug miingon siya sa mga tawo, “Ako nahibalo nga ang Ginoo naghatag kaninyo sa yuta ug nga ang pagkahadlok kaninyo miabot kanamo ug nga ang tanang mga nagpuyo sa tibuok yuta natunaw sa inyong atubangan.

Josue 4:24

aron ang tanang katawhan sa kalibotan mahibalo nga ang kamot sa Ginoo gamhanan, aron kamo mahadlok sa Ginoo nga inyong Dios hangtod sa kahangtoran.”

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.

2 Pedro 2:1

Apan may mga mini nga propeta usab diha sa katawhan, sama nga aduna unyay mga mini nga magtutudlo diha kaninyo nga sa tago magpasulod sa mga makadaot nga lahing pagtulun-an ug maglimod pa gani sa Agalon nga maoy nagpalit kanila, ug magdalag kalit nga kalaglagan diha sa ilang kaugalingon.

1 Samuel 2:9

“Siya magbantay sa mga tiil sa mga matinud-anon; apan ang daotan mangahanaw diha sa kangitngitan; kay dili pinaagi sa kusog nga ang tawo magmadaogon.

1 Samuel 25:37

Sa pagkabuntag, sa diha nga nahuwasan na si Nabal, ang iyang asawa misugilon kaniya niining mga butanga, ug ang iyang kasingkasing namatay sa sulod niya, ug siya nahimong sama sa usa ka bato.