Exodo 15:15

Ang Biblia 2011

Unya ang mga kadagkoan sa Edom nangalisang; ang mga pangulo sa Moab nangurog; ang tanang nagpuyo sa Canaan nangatunaw.

Cross References

Genesis 36:15

Kini sila mao ang mga pangulo sa mga anak nga lalaki ni Esau. Ang mga anak nga lalaki ni Elipas nga kamagulangan ni Esau: ang mga pangulo mao sila si Teman, si Omar, si Zefo, si Kenas,

Genesis 36:16

si Korah, si Gatam ug si Amalek. Kini sila mao ang mga pangulo ni Elipas didto sa yuta sa Edom ug kini sila mga anak ni Ada.

Genesis 36:40

Mao kini ang mga ngalan sa mga pangulo ni Esau sumala sa ilang mga panimalay ug sa ilang mga dapit: ang mga pangulo mao sila si Timna, si Alva, si Jetet,

2 Samuel 17:10

Ug bisan ang isog nga tawo nga ang kasingkasing sama sa kasingkasing sa usa ka liyon, matunaw sa kahadlok, kay ang tibuok Israel nahibalo nga ang imong amahan usa ka gamhanan nga tawo ug sila nga kauban niya mga isog nga mga tawo.

Salmo 48:5

Sa ilang pagkakita niini, sila nahibulong; nangalisang sila, nangagiw sila;

Salmo 68:2

Ingon nga ang aso mapalid, papahawaa sila; ingon nga ang talo matunaw atubangan sa kalayo, wagtanga ang mga daotan gikan sa atubangan sa Dios.

Isaias 13:7

Busa ang tanang mga kamot maluya, ug ang matag kasingkasing sa tawo matunaw,

Isaias 19:1

Ang mensahe mahitungod sa Ehipto. Tan-awa, ang Ginoo nagsakay sa usa ka tulin nga panganod ug moadto sa Ehipto; ug ang mga diosdios sa Ehipto mangurog sa iyang atubangan, ug ang kasingkasing sa mga Ehiptohanon matunaw sa sulod nila.

Jeremias 49:23

Mahitungod sa Damasco. “Ang Hamat ug ang Arpad nalibog, kay sila nakadungog ug daotang mga balita; sila natunaw sa kahadlok, sila nasamok sama sa dagat nga dili malinaw.

Ezequiel 21:7

Ug sa diha nga sila moingon kanimo, ‘Nganong nanghupaw man ikaw?’ ikaw moingon, ‘Tungod sa mga balita. Sa diha nga moabot kini, ang tanang kasingkasing matunaw ug ang tanang mga kamot mawad-an ug kusog, ang tanang espiritu maluya, ug ang tanang mga tuhod mangahuyang sama sa tubig. Tan-awa, kini miabot na ug kini matuman gayod,’ ” nag-ingon ang Ginoong Dios.

Nahum 2:10

Mingaw! Mingaw kaayo ug guba! Ang mga kasingkasing naluya ug ang mga tuhod nagkurog, ang kaguol anaa sa mga hawak, ang tanang mga nawong nangluspad.

Habacuc 3:6

Mitindog siya ug gisukod ang yuta; mitan-aw siya ug gitay-og ang mga nasod; unya gikatag ang walay kataposan nga kabukiran, naunlod ang mga bungtod nga walay kataposan. Ang iyang mga pamaagi sama sa karaang panahon.

Habacuc 3:7

Nakita nako ang mga balongbalong sa Cusan nga diha sa kasakitan; nangurog ang mga tabil sa yuta sa Midian.

Deuteronomio 2:4

ug sugoa ang katawhan: Hapit na kamo moagi sa utlanan sa inyong kaigsoonan, ang mga kaliwat ni Esau nga nagpuyo sa Seir ug sila mangahadlok kaninyo. Busa pagbantay kamo pag-ayo.

Deuteronomio 20:8

Ug ang mga pangulo sa mga sundalo mosulti pa ug dugang sa katawhan ug moingon, ‘Kinsa bang tawhana nga hadlokan ug luya ug kasingkasing? Papaulia siya sa iyang balay kay tingali unya ug matunaw ang kasingkasing sa iyang mga igsoon sama sa iyang kasingkasing.’

Josue 14:8

Apan ang akong mga igsoon nga mikuyog kanako nagtunaw sa mga kasingkasing sa katawhan, apan ako misunod sa hingpit sa Ginoo nga akong Dios.

Josue 2:11

Ug sa among pagkabati niini, ang among mga kasingkasing nangatunaw ug walay kaisog nga nagpabilin kang bisan kinsa nga tawo tungod kaninyo kay ang Ginoo nga inyong Dios mao ang Dios sa langit sa itaas ug sa yuta sa ubos.

Josue 2:24

Ug sila miingon kang Josue, “Tinuod gayod nga ang tibuok yuta gihatag sa Ginoo sa atong mga kamot ug dugang pa, ang tanang nagpuyo sa yuta didto nangahadlok tungod kanato.”

Josue 2:9

ug miingon siya sa mga tawo, “Ako nahibalo nga ang Ginoo naghatag kaninyo sa yuta ug nga ang pagkahadlok kaninyo miabot kanamo ug nga ang tanang mga nagpuyo sa tibuok yuta natunaw sa inyong atubangan.

Josue 5:1

Sa diha nga ang mga hari sa mga Amorihanon nga didto sa tabok sa Jordan dapit sa kasadpan ug ang tanang hari sa mga Canaanhon nga didto duol sa dagat nakadungog nga gipahubas sa Ginoo ang katubigan sa Jordan alang sa katawhan sa Israel hangtod nga sila nakatabok na, ang ilang mga kasingkasing nangatunaw ug wala nay bisan unsang espiritu diha kanila tungod sa katawhan sa Israel.

1 Samuel 14:16

Ang mga bantay ni Saul nga didto sa Gibea sa Benjamin mitan-aw ug ilang nakita ang panon nga nagngadto nganhi.