Exodo 15:14

Ang Biblia 2011

Ang mga katawhan nakadungog, ug sila nangurog; gihakop sa mga kasakit ang nagpuyo sa Filistia.

Cross References

1 Cronicas 14:17

Ang kabantog ni David miabot ngadto sa tanang kayutaan ug gibutang sa Ginoo ang pagkahadlok kaniya diha sa tanang kanasoran.

Salmo 48:6

mihakop kanila ang pagpangurog, kasakit sama sa usa ka babaye nga nanganak.

Salmo 48:7

Pinaagi sa hangin sa silangan giguba nimo ang mga barko sa Tarsis.

Isaias 14:29

“Ayaw paglipay, O Filistia, kamong tanan, nga ang bunal nga mihampak kanimo nabali na; kay gikan sa gamot sa bitin mogula ang halas, ug ang iyang bunga mao ang usa ka bitin nga pak-an.

Isaias 14:31

Pagminatay, O ganghaan; hilak, O siyudad; katunaw sa kahadlok, O Filistia, kamong tanan! Kay ang aso mogula gikan sa amihanan, ug walay bisan usa nga mahibilin diha sa iyang mga laray.”

Isaias 23:5

Sa diha nga ang taho modangat sa Ehipto, sila masakitan pag-ayo sa balita mahitungod sa Tiro.

Ezequiel 32:9

Samokon usab nako ang mga kasingkasing sa daghang mga katawhan, sa diha nga dad-on ko ikaw ingon nga binihag taliwala sa mga nasod, ngadto sa kayutaan nga wala nimo mailhi.

Habacuc 3:6

Mitindog siya ug gisukod ang yuta; mitan-aw siya ug gitay-og ang mga nasod; unya gikatag ang walay kataposan nga kabukiran, naunlod ang mga bungtod nga walay kataposan. Ang iyang mga pamaagi sama sa karaang panahon.

Habacuc 3:7

Nakita nako ang mga balongbalong sa Cusan nga diha sa kasakitan; nangurog ang mga tabil sa yuta sa Midian.

Numeros 14:14

ug isugilon nila kini sa mga nagpuyo niining yutaa nga sila nakadungog nga ikaw, O Ginoo, anaa sa taliwala niining maong katawhan, nga sa nawong ug nawong nakita ikaw, O Ginoo, ug ang imong panganod nagbarog sa ibabaw nila ug sa adlaw ikaw naglakaw nga nag-una kanila sa usa ka haligi nga panganod ug sa gabii sa usa ka haligi nga kalayo.

Numeros 22:5

nagpadala ug mga sulugoon ngadto kang Balaam nga anak ni Beor didto sa Petor nga anaa duol sa suba sa yuta sa Amaw, sa pagtawag kaniya, nga nag-ingon, “Tan-awa, usa ka katawhan nga migula gikan sa Ehipto; milukop sila sa tibuok yuta ug nagpuyo sila atbang kanako.

Deuteronomio 2:25

Niining adlawa magsugod ako sa pagbutang sa kahadlok ug sa kalisang kanimo nganha sa mga katawhan nga anaa sa ilalom sa tibuok nga langit nga makadungog sa balita mahitungod kanimo, ug mangurog sila ug magbangutan tungod kanimo.’

Josue 10:2

nahadlok siya pag-ayo tungod kay ang Gibeon dako man nga siyudad sama sa usa sa mga harianong siyudad ug kay labaw man kini ka dako kay sa Ai ug ang tanang mga tawo didto mga manggugubat.

Josue 2:11

Ug sa among pagkabati niini, ang among mga kasingkasing nangatunaw ug walay kaisog nga nagpabilin kang bisan kinsa nga tawo tungod kaninyo kay ang Ginoo nga inyong Dios mao ang Dios sa langit sa itaas ug sa yuta sa ubos.

Josue 9:24

Sila mitubag kang Josue, “Tungod kay gisulti man gayod ngadto sa imong mga ulipon nga ang Ginoo nga imong Dios nagsugo kang Moises nga iyang alagad sa paghatag kaninyo sa tibuok yuta ug sa paglaglag sa tanang namuyo sa yuta gikan sa inyong atubangan, busa nangahadlok kami pag-ayo sa among kinabuhi tungod kaninyo ug naghimo kami niining butanga.

Josue 9:9

Ug sila miingon kaniya, “Gikan sa layo kaayong dapit, ang imong mga ulipon nanganhi tungod sa ngalan sa Ginoo nga imong Dios, kay nakadungog kami ug mga balita mahitungod kaniya ug sa tanan nga iyang gibuhat sa Ehipto

1 Samuel 4:7

ang mga Filistihanon nangahadlok nga nag-ingon, “Ang Dios nahiabot sa kampo.” Ug sila miingon, “Pagkaalaot nato! Kay walay usa ka butang nga nahitabo nga sama niini sukad masukad.

1 Samuel 4:8

Pagkaalaot nato! Kinsa ba ang makaluwas kanato gikan sa kamot niining gamhanang Dios? Mao kini ang Dios nga nagpaantos sa mga Ehiptohanon pinaagi sa nagkalainlaing katalagman didto sa kamingawan.