Exodo 15:13

Ang Biblia 2011

“Ikaw sa imong gugmang walay paglubad nagmando sa katawhan nga imong gilukat; gitultolan nimo sila pinaagi sa imong kusog ngadto sa imong balaang puluy-anan.

Cross References

Genesis 19:16

Apan siya naglangaylangay busa gikuptan siya sa mga tawo ug ang iyang asawa ug ang iyang duha ka anak nga babaye diha sa ilang mga kamot kay ang Ginoo nagmaluluy-on kaniya. Ug ilang gidala siya, ug gipagawas sa siyudad.

2 Samuel 15:25

Unya ang hari miingon kang Zadok, “Dad-a pagbalik ang sudlanan sa kasabotan sa Dios ngadto sa siyudad. Kon makakaplag ako ug kaluoy sa mga mata sa Ginoo, siya modala kanako pagbalik ug magpakita kanako niini ug sa iyang puluy-anan.

Nehemias 9:12

Pinaagi sa usa ka haligi nga panganod ikaw nag-una kanila sa adlawan ug pinaagi sa usa ka haligi nga kalayo sa pagkagabii, aron sa pag-iwag kanila sa dalan nga ilang agian.

Salmo 106:9

Gibadlong niya ang Dagat nga Pula ug kini nauga; ug gidala niya sila latas sa kahiladman, sama nga naglatas ug kamingawan.

Salmo 74:2

Hinumdomi ang imong katilingban nga imong gikuha sa dugay nang panahon, nga imong gilukat aron mahimo nga banay sa imong panulundon! Hinumdomi ang bukid sa Zion, nga imong gipuy-an.

Salmo 77:20

Gimandoan nimo ang imong katawhan sama sa usa ka panon sa karnero pinaagi sa kamot ni Moises ug ni Aaron.

Salmo 78:35

Nahinumdom sila nga ang Dios mao ang ilang bato, ang Labing Halangdon nga Dios nga ilang Manluluwas.

Salmo 80:1

Pamati, O Magbalantay sa Israel, ikaw nga nagmando kang Jose sama sa usa ka panon sa mga karnero! Ikaw nga naglingkod ibabaw sa kerubin, dan-ag

Exodo 15:16

Kahadlok ug kalisang ang ilang nahiagoman; tungod sa pagkagamhanan sa imong bukton nangahilom sila sama sa usa ka bato, hangtod nga mosaylo ang imong katawhan, O Ginoo, hangtod nga mosaylo kining katawhan nga imong gipalit.

Exodo 15:17

Ikaw magpasulod kanila ug magpahimutang kanila sa imong kaugalingong bukid, ang dapit, O Ginoo, nga imong gitagana alang sa imong puluy-anan; ang balaang dapit, O Ginoo, nga gitukod sa imong mga kamot.

Exodo 20:2

“Ako mao ang Ginoo nga inyong Dios nga nagkuha kaninyo gikan sa yuta sa Ehipto, gikan sa dapit sa kaulipnan.

Exodo 6:6

Busa sultihi ang katawhan sa Israel nga ako mao ang Ginoo, ug ako magpagawas kaninyo gikan sa mga kabug-at nga gipapas-an sa mga Ehiptohanon ug luwason ko kamo gikan sa ilang pagpangulipon ug lukaton ko kamo uban sa bukton nga tinuy-od ug uban sa dagkong buhat sa paghukom.

Isaias 51:10

Dili ba ikaw mao ang nagpauga sa dagat, sa katubigan sa dakong kahiladman; nga naghimo sa mga kahiladman sa dagat nga usa ka dalan aron agian sa mga linukat?

Isaias 57:15

Kay kini mao ang giingon sa taas ug sa Usa nga halangdon nga nagpuyo sa walay kataposan, nga ang ngalan Balaan: “Ako nagpuyo sa habog ug balaan nga dapit, ug uban usab kaniya nga may mahinulsolon ug mapaubsanon nga espiritu, aron sa pagpabuhi sa espiritu sa mapaubsanon, ug aron sa pagpabuhi sa kasingkasing sa mahinulsolon.

Isaias 63:9

Sa tanan nilang mga kasakitan siya gisakit, ug giluwas sila sa anghel sa iyang atubangan; diha sa iyang gugma ug sa iyang kaluoy, sila gitubos niya; sila gidala niya ug iyang gikugos sila sa tanang mga adlaw sa kanhing panahon.

Jeremias 2:6

Sila wala moingon, ‘Hain man ang Ginoo nga nagkuha kanato gikan sa yuta sa Ehipto, nga nagmando kanato didto sa kamingawan, sa usa ka yuta nga kamingawan ug mga gahong, sa yuta sa hulaw ug sa hilabihan nga kangitngit, sa usa ka yuta nga walay moagi, ug walay tawong nagpuyo?’

Mga Taga-Efeso 2:4

Apan ang Dios nga dato sa kaluoy, tungod sa iyang dakong gugma alang kanato,

1 Pedro 1:5

nga mga gibantayan sa gahom sa Dios pinaagi sa pagtuo alang sa kaluwasan nga andam aron ipadayag unya sa kataposang panahon.