Exodo 14:8

Ang Biblia 2011

Ug gipagahi sa Ginoo ang kasingkasing sa Paraon nga hari sa Ehipto ug gigukod niya ang katawhan sa Israel kay migikan man sila nga maisogon.

Cross References

Salmo 105:43

Busa iyang gipagula ang iyang katawhan uban sa kalipay, ang iyang mga pinili nga may pag-awit.

Salmo 86:13

Kay dako ang imong gugmang walay paglubad ngari kanako, ug giluwas nimo ang akong kalag gikan sa kahiladman sa Sheol.

Exodo 10:27

Apan gipagahi sa Ginoo ang kasingkasing sa Paraon ug wala niya sila tugoti sa paglakaw.

Exodo 13:16

Ug kini mahimo alang kanimo nga usa ka timaan diha sa imong kamot ug ilhanan diha sa taliwala sa imong mga mata tungod kay pinaagi sa kusgan nga kamot ang Ginoo nagkuha kanamo gikan sa Ehipto.”

Exodo 13:18

Busa gidala sa Dios ang katawhan libot sa kamingawan paingon sa Dagat nga Pula. Ug ang katawhan sa Israel migawas sa Ehipto nga sangkap sa mga hinagiban.

Exodo 13:9

Kini mahimo ingon nga sama sa usa ka ilhanan diha sa inyong kamot ug usa ka pahinumdom taliwala sa inyong mga mata, aron ang balaod sa Ginoo maana sa inyong baba. Kay tungod sa kusgan nga kamot gikuha kamo sa Ginoo gikan sa Ehipto.

Exodo 14:17

Ug akong pagahion ang kasingkasing sa mga Ehiptohanon, ug sila mogukod kanila ug ako himayaon ibabaw sa Paraon ug sa tibuok niya nga kasundalohan ug sa iyang mga karwahi ug sa iyang mga tigpangabayo.

Exodo 14:4

Ug pagahion nako ang kasingkasing sa Paraon ug iyang gukdon sila ug himayaon ako ibabaw sa Paraon ug sa tanan niyang kasundalohan, ug ang mga Ehiptohanon mahibalo nga ako mao ang Ginoo.” Ug sila nagbuhat sa ingon.

Exodo 14:7

Ug gidala niya ang unom ka gatos ka karwahi nga pinili ug ang tanang mga karwahi sa Ehipto uban sa mga pangulo niining tanan.

Exodo 15:9

Ang kaaway miingon, ‘Lutoson nako, gukdon nako, bahinbahinon nako ang mga inilog, tagbawon nako ang akong tinguha diha kanila. Bakyawon nako ang akong espada; ang akong kamot maglaglag kanila.’

Exodo 4:21

Ug ang Ginoo miingon kang Moises, “Sa imong pagbalik sa Ehipto, tan-awa nga imong buhaton sa atubangan sa Paraon ang tanang kahibulongan nga akong gibutang sa imong kamot, apan akong pagahion ang iyang kasingkasing aron dili niya tugotan sa paglakaw ang katawhan.

Exodo 6:1

Apan ang Ginoo miingon kang Moises, “Karon imong makita kon unsay buhaton nako sa Paraon kay pinaagi sa kamot nga kusgan motugot siya sa pagpalakaw kanila ug pinaagi sa kamot nga kusgan iyang abogon sila ngadto sa gawas sa iyang yuta.”

Exodo 9:12

Apan gipagahi sa Ginoo ang kasingkasing sa Paraon ug siya wala mamati kanila, sumala sa gisulti sa Ginoo kang Moises.

Mga Pagbangotan 3:65

Ikaw maghatag kanila ug katig-a sa kasingkasing; ang imong tunglo maanaa kanila.

Levitico 26:13

Ako mao ang Ginoo nga inyong Dios nga nagkuha kaninyo gikan sa yuta sa Ehipto aron kamo dili maulipon nila. Ug gibunggo nako ang trangka sa inyong yugo ug gipalakaw nako kamo nga tuyhad.

Numeros 33:3

Unya mibiya sila gikan sa Rameses sa unang bulan, sa ikanapulo ug lima nga adlaw sa unang bulan, sa adlaw human sa pagsaylo, ang katawhan sa Israel nanggula uban ang binayaw nga kamot ngadto sa mga Ehiptohanon,

Mga Buhat 13:17

Ang Dios niining katawhan sa Israel nagpili sa atong mga katigulangan ug gihimong bantogan ang katawhan sa panahon sa ilang pagpuyo didto sa yuta sa Ehipto, ug pinaagi sa bukton nga inisa iyang gipagula sila gikan didto.

Deuteronomio 26:8

Ug gikuha kami sa Ginoo gikan sa Ehipto pinaagi sa gamhanang kamot ug sa bukton nga tinuy-od uban sa makalilisang nga gahom, uban sa mga ilhanan ug mga katingalahan.

Deuteronomio 32:27

kon wala pa lamang ako mahadlok sa kaligutgot sa kaaway, kay tingali unya ug ang ilang mga kabatok maghukom sa sayop, tingali ug moingon sila, ‘Ang atong kamot madaogon, ang Ginoo wala magbuhat niining tanan.” ’

Josue 11:20

Kay kadto buhat man sa Ginoo sa pagpagahi sa ilang mga kasingkasing, aron nga makig-away sila batok sa Israel aron malaglag gayod sila ug dili makadawat ug kaluoy, kondili aron mangapuo sumala sa gisugo sa Ginoo kang Moises.

Mga Maghuhukom 4:7

Ug akong kuhaon si Sisera nga pangulo sa kasundalohan ni Jabin aron mosugat kanimo diha sa suba sa Kison uban ang iyang mga karwahi ug mga panon sa kasundalohan. Ug ihatag nako siya nganha sa imong kamot.’ ”