Exodo 14:4

Ang Biblia 2011

Ug pagahion nako ang kasingkasing sa Paraon ug iyang gukdon sila ug himayaon ako ibabaw sa Paraon ug sa tanan niyang kasundalohan, ug ang mga Ehiptohanon mahibalo nga ako mao ang Ginoo.” Ug sila nagbuhat sa ingon.

Cross References

Nehemias 9:10

Ug ikaw naghimo ug mga ilhanan ug mga katingalahan batok sa Paraon ug sa tanan niyang mga alagad ug sa tanang katawhan sa iyang yuta. Kay ikaw nahibalo nga sila nagbugalbugal batok sa among mga katiuglangan ug ikaw naghimo ug ngalan alang kanimo nga mao gihapon hangtod niining adlawa.

Exodo 10:2

ug aron makasugilon kamo sa inyong mga anak ug sa inyong mga apo kon unsa ang akong gibuhat ngadto sa mga Ehiptohanon ug ang mga ilhanan nga gibuhat nako sa taliwala nila, aron mahibalo kamo nga ako mao ang Ginoo.”

Exodo 10:27

Apan gipagahi sa Ginoo ang kasingkasing sa Paraon ug wala niya sila tugoti sa paglakaw.

Exodo 12:28

Unya ang katawhan sa Israel milakaw, ug nagbuhat sa ingon. Sumala sa gisugo sa Ginoo kang Moises ug kang Aaron sila nagbuhat.

Exodo 14:23

Migukod kanila ang mga Ehiptohanon, misunod kanila hangtod sa taliwala sa dagat, ang tanang kabayo sa Paraon, ang iyang mga karwahi ug ang iyang mga tigpangabayo.

Exodo 14:25

Iyang gikuha ang mga ligid sa ilang mga karwahi, aron sila maglisod sa pagpadagan. Unya ang mga Ehiptohanon miingon, “Manibog kita gikan sa atubangan sa Israel kay ang Ginoo nakig-away alang kanila batok sa mga Ehiptohanon.”

Exodo 14:3

Ang Paraon moingon mahitungod sa katawhan sa Israel, ‘Nalit-ag sila sa yuta, ang kamingawan naglibot kanila.’

Exodo 14:5

Sa dihang gipahibalo ang hari sa Ehipto nga ang katawhan namiya na, ang hunahuna sa Paraon ug sa iyang mga alagad nausab batok sa katawhan, ug miingon sila, “Unsa kining atong gibuhat nga ato mang gipalakaw ang mga Israelinhon gikan sa pag-alagad kanato?”

Exodo 14:8

Ug gipagahi sa Ginoo ang kasingkasing sa Paraon nga hari sa Ehipto ug gigukod niya ang katawhan sa Israel kay migikan man sila nga maisogon.

Exodo 18:11

Karon naila nako nga ang Ginoo dako kay sa tanang mga dios, kay iyang giluwas ang katawhan gikan sa kamot sa mga Ehiptohanon sa dihang mapagarbohon silang nagdumala sa Israel.”

Exodo 6:7

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang Ginoo nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Exodo 7:17

Mao kini ang giingon sa Ginoo: Pinaagi niini makaila ikaw nga ako mao ang Ginoo, tan-awa, akong hampakon sa sungkod nga ania sa akong kamot ang tubig nga anaa sa suba sa Nilo ug kini mahimong dugo.

Exodo 7:3

Apan akong pagahion ang kasingkasing sa Paraon ug padaghanon nako sa yuta sa Ehipto ang akong mga ilhanan ug mga kahibulongan.

Exodo 7:5

Ug ang mga Ehiptohanon mahibalo nga ako mao ang Ginoo, sa diha nga tuy-oron nako ang akong kamot batok sa Ehipto ug kuhaon nako ang katawhan sa Israel gikan sa taliwala nila.”

Exodo 9:16

Apan gitugotan ko ikaw nga mabuhi alang niining maong tuyo, aron sa pagpakita kanimo sa akong gahom ug aron ang akong ngalan masangyaw sa tibuok kalibotan.

Ezequiel 20:9

Apan ako nagbuhat tungod ug alang sa akong ngalan, aron kini dili pasipalahan sa atubangan sa mga nasod, diin sila nagpuyo, nga diha sa ilang panan-aw gipaila nako kanila ang akong kaugalingon pinaagi sa pagdala kanila gawas sa yuta sa Ehipto.

Ezequiel 28:22

ug ingna, Mao kini ang giingon sa Ginoong Dios: “Tan-awa, ako batok kanimo, O Sidon, ug ipadayag nako ang akong himaya sa imong taliwala. Unya sila makaila nga ako mao ang Ginoo sa diha nga ako magpahamtang ug mga paghukom diha niini ug magpadayag sa akong pagkabalaan diha niini;

Ezequiel 32:15

Sa diha nga himoon nako nga kamingawan ang yuta sa Ehipto, sa dihang hutdan kini sa nakapuno niini, sa diha nga puohon nako silang tanan nga nagpuyo niini, sila makaila unya nga ako mao ang Ginoo.

Ezequiel 38:16

Ikaw motungas batok sa akong katawhan nga Israel, sama sa usa ka panganod nga motabon sa yuta. Sa ulahing mga adlaw, dad-on ko ikaw batok sa akong yuta, aron ang mga nasod makaila kanako, sa diha nga pinaagi kanimo, O Gog, pamatud-an ang akong pagkabalaan diha sa ilang mga mata.

Ezequiel 38:23

Ako magpadayag sa akong pagkagamhanan ug pagkabalaan, ug magpaila sa akong kaugalingon diha sa mga mata sa daghang mga nasod. Unya sila makaila nga ako mao ang Ginoo.

Ezequiel 39:13

Ang tibuok katawhan sa yuta maoy maglubong kanila, ug kini mahimo alang kanila nga usa ka kabantogan sa adlaw nga ako magpadayag sa akong himaya, nag-ingon ang Ginoong Dios.

Levitico 10:3

Unya si Moises miingon kang Aaron, “Kini mao ang gisulti sa Ginoo, ‘Ipakita nako ang akong kaugalingon nga balaan ngadto kanila nga duol kanako, ug sa atubangan sa tibuok nga katawhan himayaon ako.’ ” Ug si Aaron naghilom lamang.

Roma 11:8

ingon sa nasulat, “Gihatagan sila sa Dios ug espiritu sa katig-a, mga mata nga dili makakita ug mga dalunggan nga dili makadungog, hangtod niining adlawa.”

Roma 9:17

Kay ang kasulatan nag-ingon sa Paraon, “Gituboy ko ikaw aron mapadayag ang akong gahom, aron ang akong ngalan masangyaw diha sa tibuok kalibotan.”

Roma 9:18

Busa ang Dios may kaluoy kang bisan kinsa nga buot niya, ug magpagahi sa kasingkasing ni bisan kinsa nga buot niya.

Josue 11:20

Kay kadto buhat man sa Ginoo sa pagpagahi sa ilang mga kasingkasing, aron nga makig-away sila batok sa Israel aron malaglag gayod sila ug dili makadawat ug kaluoy, kondili aron mangapuo sumala sa gisugo sa Ginoo kang Moises.

Mga Maghuhukom 4:7

Ug akong kuhaon si Sisera nga pangulo sa kasundalohan ni Jabin aron mosugat kanimo diha sa suba sa Kison uban ang iyang mga karwahi ug mga panon sa kasundalohan. Ug ihatag nako siya nganha sa imong kamot.’ ”