Exodo 14:22

Ang Biblia 2011

Ug ang katawhan sa Israel misulod sa taliwala sa dagat diha sa uga nga yuta ug nangahimo nga sama sa paril ang tubig diha sa ilang tuo ug sa ilang wala.

Cross References

2 Mga Hari 2:14

Ug iyang gikuha ang kupo ni Elias nga nahulog gikan kaniya ug gihampak ang tubig ug miingon, “Hain man ang Ginoo, ang Dios ni Elias?” Ug sa paghampak niya sa tubig, nabahin kini ug si Eliseo mitabok.

2 Mga Hari 2:8

Ug gikuha ni Elias ang iyang kupo ug gilukot ug gihampak ang tubig, ug nabahin kini ug silang duha nanabok agi sa uga nga yuta.

Nehemias 9:11

Ug imong gibahin ang dagat sa atubangan nila, nga tungod niana sila miagi sa taliwala sa dagat ibabaw sa uga nga yuta ug ang mga naggukod kanila imong gipangtambog ngadto sa kahiladman, sama sa usa ka bato ngadto sa dakong dagat.

Salmo 106:9

Gibadlong niya ang Dagat nga Pula ug kini nauga; ug gidala niya sila latas sa kahiladman, sama nga naglatas ug kamingawan.

Salmo 136:13

kaniya nga nagbahin sa Dagat nga Pula, kay ang iyang gugmang walay paglubad naglungtad hangtod sa kahangtoran,

Salmo 136:14

ug naghimo sa Israel nga makaagi sa taliwala niini, kay ang iyang gugmang walay paglubad naglungtad hangtod sa kahangtoran;

Salmo 66:6

Ang dagat gihimo niya nga uga nga yuta; nanabok sila nga naglakaw sa suba. Didto naglipay kita diha kaniya,

Salmo 74:15

Imong gipabuswak ang tubod ug ang suba; gipauga nimo ang dagkong mga suba.

Salmo 78:13

Gibahin niya ang dagat ug gipalatas niya sila niini, ug iyang gihimo ang katubigan ingon sa usa ka pinundok nga nagbarog.

Exodo 14:29

Apan ang katawhan sa Israel nanglakaw sa uga nga yuta taliwala sa dagat ug ang tubig nahimong sama sa paril sa ilang tuo ug sa ilang wala.

Exodo 15:19

Sa dihang ang mga kabayo sa Paraon misulod uban sa iyang mga karwahi ug uban sa iyang mga tigpangabayo ngadto sa dagat, gipabalik sa Ginoo ang tubig sa dagat ngadto kanila, apan ang katawhan sa Israel nanglakaw sa uga nga yuta taliwala sa dagat.

Exodo 15:8

Pinaagi sa gininhawa sa imong ilong napundok ang katubigan, ang katubigan mibarog sama sa usa ka tinapok; ang kinahiladman nabantok sa kinataliwad-an sa dagat.

Isaias 11:15

Ug sa hingpit laglagon sa Ginoo ang dila sa dagat sa Ehipto; iwarawara niya ang iyang kamot ibabaw sa Suba uban sa iyang init nga hangin; ug kini bulagon niya sa pito ka kanal, aron ang mga tawo makalatas nga uga ang mga tiil.

Isaias 11:16

Busa aduna unyay dalan nga lapad gikan sa Asiria alang sa salin nga nahibilin sa iyang katawhan, ingon nga dihay salin sa Israel sa adlaw sa ilang paggula gikan sa yuta sa Ehipto.

Isaias 43:16

Mao kini ang giingon sa Ginoo, nga maoy naghimo ug usa ka dalan diha sa dagat, usa ka agianan diha sa gamhanang katubigan,

Isaias 51:10

Dili ba ikaw mao ang nagpauga sa dagat, sa katubigan sa dakong kahiladman; nga naghimo sa mga kahiladman sa dagat nga usa ka dalan aron agian sa mga linukat?

Isaias 63:12

nga nagpaadto sa iyang mahimayaong bukton uban sa tuong kamot ni Moises, nga nagbahin sa katubigan sa ilang atubangan, aron sa paghimo alang sa iyang kaugalingon ug usa ka ngalan nga walay kataposan,

Isaias 63:13

nga nagmando kanila latas sa mga kahiladman? Sama sa usa ka kabayo diha sa kamingawan, sila wala mapandol.

Zacarias 2:5

Kay ako mahimo alang kaniya nga usa ka kota nga kalayo nga maglibot, nag-ingon ang Ginoo, ug ako mahimo nga himaya taliwala kaniya.’ ”

Numeros 33:8

Unya mibiya sila gikan sa Pi-hahirot ug milatas sa taliwala sa dagat ngadto sa kamingawan ug mipadayon sila sa tulo ka adlaw nga panaw sa kamingawan sa Etam ug nagkampo sa Mara.

1 Mga Taga-Corinto 10:1

Mga igsoon, dili ako buot nga kamo dili mahibalo nga ang tanan natong katigulangan nailalom sa panganod ug silang tanan mitabok sa dagat,

Mga Hebreo 11:29

Tungod sa pagtuo ang mga tawo mitabok sa Dagat nga Pula nga daw sa yuta nga mala, apan ang mga Ehiptohanon, sa pagsulay nila sa paghimo sa ingon, nangalumos.

Josue 3:16

ang mga tubig nga mibaha gikan sa ibabaw mihunong ug mitingob sa usa ka pundok sa layo, didto sa Adam, ang lungsod nga tupad sa Zaretan ug kadtong mga nagbaha padulong sa dagat sa Araba, ang Dagat nga Asin, naputol sa hingpit ug ang mga tawo nanabok atbang sa Jerico.

Josue 3:17

Samtang ang tibuok Israel nanabok sa uga nga yuta, ang mga pari nga nagyayong sa sudlanan sa kasabotan sa Ginoo, nanindog sa yuta nga uga sa taliwala sa Jordan hangtod nga ang tibuok nasod nahurot paglabang sa Jordan.

Josue 4:22

suginli ninyo ang inyong mga anak, ‘Ang Israel mitabok niining Jordan sa uga nga yuta.’

1 Samuel 25:16

Sila mao ang bungbong namo sa adlaw ug sa gabii, sa tanang higayon nga kami diha uban kanila nga nagbantay sa mga karnero.