Exodo 14:17

Ang Biblia 2011

Ug akong pagahion ang kasingkasing sa mga Ehiptohanon, ug sila mogukod kanila ug ako himayaon ibabaw sa Paraon ug sa tibuok niya nga kasundalohan ug sa iyang mga karwahi ug sa iyang mga tigpangabayo.

Cross References

Genesis 50:9

Mitungas usab uban kaniya ang mga karwahi, ug ang mga tigkabayo. Ug kini nahimo nga usa ka panon nga hilabihan ka dako.

Genesis 6:17

Ug tan-awa, ako magdala ug baha sa mga tubig nganha sa yuta aron sa paglaglag sa tanang unod nga may kinabuhi ubos sa langit, ang tanan nga anaa sa yuta mangamatay.

Genesis 9:9

“Ug tan-awa, ako maghimo sa akong kasabotan uban kaninyo ug sa inyong kaliwatan sunod kaninyo,

Exodo 14:23

Migukod kanila ang mga Ehiptohanon, misunod kanila hangtod sa taliwala sa dagat, ang tanang kabayo sa Paraon, ang iyang mga karwahi ug ang iyang mga tigpangabayo.

Exodo 14:4

Ug pagahion nako ang kasingkasing sa Paraon ug iyang gukdon sila ug himayaon ako ibabaw sa Paraon ug sa tanan niyang kasundalohan, ug ang mga Ehiptohanon mahibalo nga ako mao ang Ginoo.” Ug sila nagbuhat sa ingon.

Exodo 14:8

Ug gipagahi sa Ginoo ang kasingkasing sa Paraon nga hari sa Ehipto ug gigukod niya ang katawhan sa Israel kay migikan man sila nga maisogon.

Exodo 4:21

Ug ang Ginoo miingon kang Moises, “Sa imong pagbalik sa Ehipto, tan-awa nga imong buhaton sa atubangan sa Paraon ang tanang kahibulongan nga akong gibutang sa imong kamot, apan akong pagahion ang iyang kasingkasing aron dili niya tugotan sa paglakaw ang katawhan.

Exodo 4:23

ug ako mag-ingon kanimo, “Tugoti nga molakaw ang akong anak, aron siya makaalagad kanako.” Apan kon ikaw magdumili sa pagpalakaw kaniya, patyon nako ang imong kamagulangan nga anak nga lalaki.’ ”

Exodo 7:3

Apan akong pagahion ang kasingkasing sa Paraon ug padaghanon nako sa yuta sa Ehipto ang akong mga ilhanan ug mga kahibulongan.

Isaias 48:15

Ako, bisan ako, nagsulti ug nagtawag kaniya, ako ang nagdala kaniya, ug pauswagon niya ang iyang dalan.

Isaias 51:12

“Ako, ako mao siya nga naghupay kaninyo; kinsa ba ikaw nga mahadlok man ikaw sa tawo nga mamatay, sa anak sa tawo nga gihimo sama sa balili,

Jeremias 23:39

busa tan-awa, alsahon ko gayod kamo ug ilabay gikan sa akong atubangan, ikaw ug ang siyudad nga gihatag nako kaninyo ug sa inyong mga katigulangan.

Ezequiel 28:22

ug ingna, Mao kini ang giingon sa Ginoong Dios: “Tan-awa, ako batok kanimo, O Sidon, ug ipadayag nako ang akong himaya sa imong taliwala. Unya sila makaila nga ako mao ang Ginoo sa diha nga ako magpahamtang ug mga paghukom diha niini ug magpadayag sa akong pagkabalaan diha niini;

Ezequiel 34:11

“Kay mao kini ang giingon sa Ginoong Dios: Ako, ako gayod magsusi sa akong mga karnero ug mangita kanila.

Ezequiel 34:20

“Busa mao kini ang giingon sa Ginoong Dios kanila: Ako, ako gayod maghukom tali sa tambok nga karnero ug sa niwang nga karnero.

Ezequiel 5:8

busa mao kini ang giingon sa Ginoong Dios: Tan-awa, ako, ako gayod, batok kaninyo, ug ipahamtang nako ang mga hukom diha kaninyo sa atubangan sa mga nasod.

Ezequiel 6:3

ug isulti kini: Kamong mga bukid sa Israel, pamatia ang pulong sa Ginoong Dios! Mao kini ang giingon sa Ginoong Dios ngadto sa mga bukid ug sa mga bungtod, sa mga pangpang ug sa mga walog: Tan-awa, ako, ako gayod magdala ug espada nganha ninyo, ug lumpagon nako ang inyong mga habog nga dapit.

Oseas 5:14

Kay ako mahisama sa liyon alang sa Ephraim, ug sama sa batan-ong liyon alang sa balay sa Juda. Ako gayod mokuniskunis ug mobiya, ako mobihag ug walay bisan kinsa nga makaluwas.

Levitico 10:3

Unya si Moises miingon kang Aaron, “Kini mao ang gisulti sa Ginoo, ‘Ipakita nako ang akong kaugalingon nga balaan ngadto kanila nga duol kanako, ug sa atubangan sa tibuok nga katawhan himayaon ako.’ ” Ug si Aaron naghilom lamang.

Levitico 26:28

ako maglakaw batok kaninyo nga adunay kaligutgot ug kastigohon ko kamo pag-usab sa pito ka pilo tungod sa inyong mga sala.

Roma 9:18

Busa ang Dios may kaluoy kang bisan kinsa nga buot niya, ug magpagahi sa kasingkasing ni bisan kinsa nga buot niya.

Deuteronomio 32:39

“ ‘Tan-awa ninyo, karon nga ako, bisan ako, mao siya, ug walay dios gawas kanako. Ako nagpatay ug ako nagbuhi; ako nagsamad ug ako nag-ayo; ug walay makalingkawas gikan sa akong kamot.

Josue 11:20

Kay kadto buhat man sa Ginoo sa pagpagahi sa ilang mga kasingkasing, aron nga makig-away sila batok sa Israel aron malaglag gayod sila ug dili makadawat ug kaluoy, kondili aron mangapuo sumala sa gisugo sa Ginoo kang Moises.

Mga Maghuhukom 4:7

Ug akong kuhaon si Sisera nga pangulo sa kasundalohan ni Jabin aron mosugat kanimo diha sa suba sa Kison uban ang iyang mga karwahi ug mga panon sa kasundalohan. Ug ihatag nako siya nganha sa imong kamot.’ ”

1 Samuel 6:6

Nganong pagahion ninyo ang inyong mga kasingkasing sama sa mga Ehiptohanon ug sa Paraon nga nagpagahi sa ilang mga kasingkasing? Human niya sila duladulai, dili ba gipalakaw man nila ang katawhan ug sila nanglakaw?