Exodo 14:14

Ang Biblia 2011

Ang Ginoo mao ang makig-away alang kaninyo, ug maghilom lamang kamo.”

Cross References

2 Cronicas 20:15

Siya miingon, “Pamati kamo, tibuok Juda ug mga nagpuyo sa Jerusalem, ug Hari Jehosafat: Kini mao ang gisulti sa Ginoo kaninyo, ‘Ayaw kamo kahadlok o kaluya tungod niining dakong panon, kay ang gubat dili inyo kondili iya sa Dios.

2 Cronicas 20:17

Dili kinahanglan nga makig-away kamo niining maong gubat. Pabilin kamo sa inyong nahimutangan, ayaw kamo paglihok, ug tan-awa ang kaluwasan sa Ginoo alang kaninyo, O Juda ug Jerusalem.’ Ayaw kahadlok o kaluya; ugma panggula kamo batok kanila ug ang Ginoo mag-uban kaninyo.”

2 Cronicas 20:29

Ug ang kahadlok sa Dios miabot sa tanang gingharian sa kayutaan sa diha nga ilang nadungog nga ang Ginoo nakig-away batok sa mga kaaway sa Israel.

Nehemias 4:14

Ug ako mitan-aw ug mitindong ug miingon sa mga kadagkoan ug sa mga tinugyanan ug sa ubang katawhan, “Ayaw kamo kahadlok kanila. Hinumdomi ang Ginoo nga gamhanan ug makalilisang, ug pakig-away kamo alang sa inyong mga kaigsoonan, sa inyong mga anak nga lalaki, ug sa inyong mga anak nga babaye, sa inyong mga asawa ug sa inyong mga panimalay.”

Nehemias 4:20

Sa dapit diin madungog ninyo ang tingog sa trumpeta, panuol kamo kanamo. Ang atong Dios makig-away alang kanato.”

Nehemias 9:11

Ug imong gibahin ang dagat sa atubangan nila, nga tungod niana sila miagi sa taliwala sa dagat ibabaw sa uga nga yuta ug ang mga naggukod kanila imong gipangtambog ngadto sa kahiladman, sama sa usa ka bato ngadto sa dakong dagat.

Salmo 35:1

Pakigbatok, O Ginoo, niadtong mga nakigbatok kanako; pakig-away batok niadtong nakig-away kanako!

Salmo 50:3

Ang atong Dios moanhi ug dili magpakahilom, sa iyang atubangan may nagdilaab nga kalayo, may dakong bagyo nga naglibot kaniya.

Salmo 83:1

O Dios, ayaw paghilom; ayaw pagpakahilom o paghunong, O Dios!

Exodo 14:15

Unya ang Ginoo miingon kang Moises, “Ngano ba nga nagpakitabang man ikaw kanako? Ingna ang katawhan sa Israel sa pagpadayon sa paglakaw.

Exodo 14:25

Iyang gikuha ang mga ligid sa ilang mga karwahi, aron sila maglisod sa pagpadagan. Unya ang mga Ehiptohanon miingon, “Manibog kita gikan sa atubangan sa Israel kay ang Ginoo nakig-away alang kanila batok sa mga Ehiptohanon.”

Exodo 15:3

Ang Ginoo manggugubat; Yahweh ang iyang ngalan.

Isaias 30:15

Kay mao kini ang giingon sa Ginoong Dios, ang Balaan sa Israel, “Sa pagpauli ug sa pagpahulay luwason kamo; sa kalinaw ug sa pagsalig anaa ang inyong kusog.” Apan kamo dili buot,

Mga Pagbangotan 3:26

Maayo nga ang tawo magpaabot sa hilom alang sa kaluwasan gikan sa Ginoo.

Deuteronomio 1:30

Ang Ginoo, ang inyong Dios nga nag-una kaninyo, maoy makig-away alang kaninyo, sama sa gibuhat niya alang kaninyo didto sa Ehipto sa atubangan sa inyong mga mata,

Deuteronomio 20:4

kay ang Ginoo nga inyong Dios mao ang mag-uban kaninyo sa pagpakig-away alang kaninyo batok sa inyong mga kaaway aron sa paghatag kaninyo sa kadaogan.’

Deuteronomio 3:22

Ayaw kamo kahadlok kanila kay ang Ginoo nga inyong Dios mao ang nakig-away alang kaninyo.’

Josue 10:10

Ug gilisang sila sa Ginoo diha sa atubangan sa Israel nga mipatay kanila sa usa ka dakong kamatay didto sa Gibeon ug gigukod sila ngadto sa tungasanan sa Bet-horon ug gilaglag sila hangtod sa Aseka ug ngadto sa Makeda.

Josue 10:14

Ug walay adlaw nga sama niini, kaniadto o sukad nga ang Ginoo namati sa tingog sa tawo, kay ang Ginoo nakig-away alang sa Israel.

Josue 10:42

Ug ang tanang hari ug ang ilang mga yuta gikuha ni Josue sa usa ka higayon kay ang Ginoong Dios sa Israel nakig-away alang sa Israel.

Josue 23:10

Usa ka tawo kaninyo makaabog ug usa ka libo kay ang Ginoo nga inyong Dios mao ang makig-away alang kaninyo sumala sa iyang gisaad kaninyo.

Josue 23:3

Nakita ninyo ang tanan nga gihimo sa Ginoo nga inyong Dios niining tanang mga nasod tungod kaninyo kay ang Ginoo nga inyong Dios mao ang nakig-away alang kaninyo.

Mga Maghuhukom 5:20

Gikan sa langit nakig-away ang mga bituon, gikan sa ilang mga agianan nakig-away sila batok kang Sisera.

1 Samuel 4:7

ang mga Filistihanon nangahadlok nga nag-ingon, “Ang Dios nahiabot sa kampo.” Ug sila miingon, “Pagkaalaot nato! Kay walay usa ka butang nga nahitabo nga sama niini sukad masukad.