Exodo 14:10

Ang Biblia 2011

Sa dihang nagkaduol na ang Paraon, ang katawhan sa Israel miyahat sa ilang mga mata, ug ilang nakita nga ang mga Ehiptohanon nagsunod kanila ug nangahadlok sila pag-ayo. Ug ang katawhan sa Israel mituaw ngadto sa Ginoo.

Cross References

2 Cronicas 18:31

Sa pagkakita sa mga pangulo sa mga karwahi kang Jehosafat, sila miingon, “Kana mao ang hari sa Israel.” Busa sila miadto sa pagpakig-away kaniya apan si Jehosafat mituaw ug ang Ginoo mitabang kaniya ug ang Dios miabog kanila gikan kaniya,

Nehemias 9:9

“Ikaw nakakita sa kasakit sa among mga katigulangan didto sa Ehipto ug nakadungog sa ilang pagtuaw didto sa Dagat nga Pula.

Salmo 106:44

Bisan pa niana, iyang gitagad ang ilang kasakit, sa dihang nadungog niya ang ilang pagtuaw.

Salmo 107:13

Unya sila mituaw ngadto sa Ginoo sa ilang kagul-anan, ug siya miluwas kanila sa ilang kalisdanan;

Salmo 107:19

Unya mituaw sila ngadto sa Ginoo sa ilang kagul-anan, ug siya miluwas kanila sa ilang mga kalisdanan;

Salmo 107:28

Unya mituaw sila ngadto sa Ginoo diha sa ilang kagul-anan ug siya miluwas kanila gikan sa ilang mga kalisdanan;

Salmo 107:6

Unya mituaw sila ngadto sa Ginoo diha sa ilang kagul-anan, ug siya miluwas kanila gikan sa ilang kalisdanan;

Salmo 34:17

Sa diha nga magpakitabang ang mga matarong, ang Ginoo mamati, ug magluwas kanila gikan sa tanan nilang mga kagul-anan.

Salmo 53:5

Anaa sila sa hilabihang kahadlok, sa kahadlok nga wala pa nila masinati! Kay ang Dios magkatag sa mga bukog niya nga nakigbatok kanimo; pakaulawan nimo sila, tungod kay ang Dios nagsalikway man kanila.

Salmo 81:7

Sa kalisdanan ikaw misangpit, ug ako nagluwas kanimo; gitubag ko ikaw sa tago nga dapit sa dalugdog; gisulayan ko ikaw didto sa katubigan sa Meriba. Selah

Exodo 13:17

Sa dihang gipalakaw na sa Paraon ang katawhan, ang Dios wala magdala kanila agi sa dalan sa yuta sa mga Filistihanon, bisan pa ug kadto maoy duol kay ang Dios nag-ingon, “Tingali unya ug magbasol ang katawhan kon makakita sila ug gubat ug mamalik ngadto sa Ehipto.”

Exodo 15:25

Ug si Moises nagpakitabang sa Ginoo ug ang Ginoo nagpakita kaniya ug usa ka kahoy, ug gihulog niya kini sa tubig ug ang tubig nahimong tam-is. Didto ang Ginoo naghimo alang kanila ug usa ka lagda ug usa ka tulumanon ug didto iyang gisulayan sila.

Isaias 26:16

O Ginoo, diha sa kaguol midangop sila kanimo, nagbubo sila ug pag-ampo sa diha nga ang imong kastigo anaa ibabaw kanila.

Isaias 7:2

Sa diha nga ang banay ni David gisuginlan, “Ang Siria nakig-abin kang Efraim,” ang iyang kasingkasing ug ang kasingkasing sa iyang katawhan nangurog sama sa kakahoyan sa lasang nga nangurog tungod sa hangin.

Jeremias 22:23

O lumulupyo sa Lebanon, nga nagsalag diha sa mga cedro, pagkamakakaluoy nimo sa dihang modangat kanimo ang mga kasakit, ang kasakit nga sama sa usa ka babaye nga nagbati!”

Deuteronomio 9:7

Hinumdomi ug ayaw kalimti kon giunsa ninyo pagpasuko ang Ginoo nga inyong Dios didto sa kamingawan, sukad sa adlaw nga kamo migula gikan sa yuta sa Ehipto hangtod nga miabot kamo niining dapita, nagmasupilon kamo batok sa Ginoo.

Josue 24:6

Ug gipagawas nako ang inyong mga katigulangan gikan sa Ehipto ug miabot kamo sa dagat. Ug ang mga Ehiptohanon migukod sa inyong mga katigulangan uban ang mga karwahi ug ang mga tigpangabayo ngadto sa Dagat nga Pula.

Josue 24:7

Sa dihang nagpakitabang sila ngadto sa Ginoo, gibutangan niya ug kangitngit ang taliwala ninyo ug sa mga Ehiptohanon, ug gipatubo ang dagat lapaw kanila ug gitabonan sila. Ug ang inyong mga mata nakakita sa akong gibuhat ngadto sa Ehipto, ug kamo mipuyo sa kamingawan sa dugay nga panahon.

1 Juan 4:18

Ang kahadlok wala diha sa gugma, apan ang hingpit nga gugma naghingilin sa kahadlok. Kay ang kahadlok adunay silot ug siya nga nahadlok wala pa mahingpit diha sa gugma.