Exodo 13:9

Ang Biblia 2011

Kini mahimo ingon nga sama sa usa ka ilhanan diha sa inyong kamot ug usa ka pahinumdom taliwala sa inyong mga mata, aron ang balaod sa Ginoo maana sa inyong baba. Kay tungod sa kusgan nga kamot gikuha kamo sa Ginoo gikan sa Ehipto.

Cross References

Nehemias 1:10

Sila imong mga alagad ug imong katawhan nga imong gilukat pinaagi sa imong dakong gahom, ug pinaagi sa imong kusgan nga kamot.

Salmo 136:11

ug nagkuha sa Israel gikan sa taliwala nila, kay ang iyang gugmang walay paglubad naglungtad hangtod sa kahangtoran;

Salmo 136:12

pinaagi sa kusgan nga kamot ug sa tinuy-od nga bukton, kay ang iyang gugmang walay paglubad naglungtad hangtod sa kahangtoran;

Salmo 89:13

Ikaw adunay gamhanan nga bukton; kusgan ang imong kamot, taas ang imong tuong kamot.

Exodo 12:14

“Kining adlawa mahimong usa ka handomanan alang kaninyo, ug himoon ninyo kini ingon nga kasaulogan alang sa Ginoo. Sa tanan ninyong kaliwatan saulogon ninyo kini ingon nga tulumanon hangtod sa kahangtoran.

Exodo 12:41

Human sa 430 ka tuig, niadto gayong adlawa, ang tanang panon sa Ginoo migula gikan sa yuta sa Ehipto.

Exodo 13:14

Ug kon moabot ang panahon nga ang inyong anak mangutana kaninyo, ‘Unsa bay gipasabot niini?’ ingna siya, ‘Pinaagi sa kusog sa kamot, ang Ginoo nagkuha kanamo gikan sa Ehipto, gikan sa balay sa kaulipnan.

Exodo 13:16

Ug kini mahimo alang kanimo nga usa ka timaan diha sa imong kamot ug ilhanan diha sa taliwala sa imong mga mata tungod kay pinaagi sa kusgan nga kamot ang Ginoo nagkuha kanamo gikan sa Ehipto.”

Exodo 13:3

Si Moises miingon sa katawhan, “Hinumdomi ninyo kining adlawa nga migawas kamo sa Ehipto, gikan sa balay sa kaulipnan kay ang Ginoo mikuha kaninyo gikan niining dapita pinaagi sa kusog sa iyang kamot. Walay pan nga may patubo nga inyong kaonon.

Exodo 3:20

Busa tuy-oron nako ang akong kamot ug hampakon nako ang Ehipto pinaagi sa tanang mga katingalahan nga buhaton nako taliwala niini, ug human niana tugotan kamo niya sa paglakaw.

Exodo 7:4

Unya ang Paraon dili mamati kaninyo ug ibutang nako ang akong kamot ibabaw sa Ehipto, ug kuhaon nako ang akong mga panon, ang akong katawhan nga mga anak ni Israel, gikan sa yuta sa Ehipto pinaagi sa dagkong mga buhat sa paghukom.

Mga Panultihon 1:9

kay kini usa ka purongpurong nga bulak alang sa imong ulo ug mga kuwentas alang sa imong liog.

Mga Panultihon 3:21

Anak ko, pagbaton ug husto nga kaalam ug maayong panghukom; ayaw kini paikyasa gikan sa imong panan-aw,

Mga Panultihon 7:23

hangtod nga ang usa ka udyong molapos sa iyang tinai; sama sa usa ka langgam nga nagdali ngadto sa lit-ag; wala siya mahibalo nga niini mag-ungaw ang iyang kinabuhi.

Awit sa mga Awit 8:6

Ipahimutang ako ingon nga patik sa imong kasingkasing, ingon nga patik sa imong bukton; kay ang gugma kusgan sama sa kamatayon, ang pangabubho bangis sama sa lubnganan. Ang mga pangidlap niini pangidlap sa kalayo, kalayo nga nagdilaab sa hilabihan.

Isaias 27:1

Nianang adlawa, ang Ginoo pinaagi sa iyang gahi ug dako ug lig-on nga espada magsilot sa Lebiatan, ang tulin nga bitin, ang Lebiatan, ang bitin nga nagbalikos, ug iyang patyon ang dragon nga anaa sa dagat.

Isaias 40:10

Tan-awa, ang Ginoong Dios moanhi uban sa gahom, ug ang iyang bukton maghari alang kaniya; tan-awa, ang iyang ganti anaa kaniya ug ang iyang balos anaa sa iyang atubangan.

Isaias 44:5

Kining usa moingon, ‘Ako iya sa Ginoo,’ ang usa motawag sa iyang kaugalingon sa ngalan ni Jacob, ug ang usa magsulat sa iyang kamot, ‘Iya sa Ginoo,’ ug nag-ila sa iyang kaugalingon sa ngalan ni Israel.”

Isaias 49:16

Tan-awa, ako nagkulit kanimo diha sa mga palad sa akong mga kamot; ang imong mga kuta anaa kanunay sa akong atubangan.

Isaias 51:9

Pagmata, pagmata, paglig-on, O bukton sa Ginoo; pagmata ingon sa karaan nga mga adlaw, mga kaliwatan sa karaang panahon. Dili ba ikaw mao ang nagtagodtagod kang Rahab, ang nagdunggab sa dragon?

Isaias 59:21

“Ug alang kanako, kini mao ang akong kasabotan uban kanila, nag-ingon ang Ginoo: ang akong Espiritu nga anaa sa ibabaw nimo, ug ang akong mga pulong nga akong gibutang sa imong baba, dili mobulag gikan sa imong baba, o gikan sa baba sa imong mga anak, o gikan sa baba sa mga anak sa imong mga anak, nag-ingon ang Ginoo, sukad karon ug hangtod sa kahangtoran.”

Jeremias 22:24

“Ingon nga ako buhi, nag-ingon ang Ginoo, bisan ug si Conias nga anak ni Jehoiakim nga hari sa Juda maoy singsing nga timaan nga ania sa akong tuong kamot, husloon ko ikaw;

Daniel 9:15

Ug karon, O Ginoo nga among Dios nga nagdala sa imong katawhan gawas sa yuta sa Ehipto pinaagi sa gamhanang kamot, ug naghimo ug ngalan alang kanimo hangtod niining adlawa, kami nakasala, kami nagbuhat ug daotan.

Joel 2:11

Ang Ginoo mipatugbaw sa iyang tingog sa atubangan sa iyang kasundalohan, kay ang iyang panon hilabihan ka dako, siya nga magtuman sa iyang pulong gamhanan. Kay ang adlaw sa Ginoo dako ug hilabihan ka makalilisang, kinsa ang makalahutay niini?

Numeros 15:39

Ug kini mahimo alang kaninyo nga usa ka borlas nga inyong tan-awon ug mahinumdom kamo sa tanang kasugoan sa Ginoo, aron buhaton kini ug aron nga dili kamo magtuman sa inyong kasingkasing ug sa inyong mga mata, nga maoy buot ninyong patuyangan.

Mateo 23:5

Apan ang tanan nilang buhat gihimo aron lamang sa pagpasundayag ngadto sa mga tawo kay gipadak-an nila ang ilang mga pilakterya diha sa ilang ulo ug bukton ug gipatas-an nila ang ilang mga borlas sa sidsid sa ilang mga bisti.

Roma 10:8

Apan unsa may giingon niini? Ang pulong duol kanimo, anaa ra sa imong baba ug sa imong kasingkasing (nga sa ato pa, ang pulong sa pagtuo nga among giwali).

Deuteronomio 30:14

Apan ang pulong duol kaayo kaninyo, anaa kini sa inyong baba ug sa inyong kasingkasing aron kamo makahimo niini.

Deuteronomio 5:15

Hinumdomi nga kaniadto mga ulipon kamo didto sa yuta sa Ehipto ug nga ang Ginoo nga inyong Dios nagkuha kaninyo gikan didto pinaagi sa gamhanang kamot ug bukton nga tinuy-od. Tungod niana ang Ginoo nga inyong Dios nagsugo kaninyo sa pagtuman sa adlaw nga igpapahulay.

Deuteronomio 6:21

Unya ingna ninyo ang inyong anak, ‘Kami ulipon kaniadto sa Paraon didto sa Ehipto ug ang Ginoo nagkuha kanamo gikan sa Ehipto pinaagi sa gamhanang kamot.

Deuteronomio 6:6

Ug kining mga pulonga nga gisugo nako kaninyo niining adlawa maanaa sa inyong kasingkasing.

Deuteronomio 6:8

Ihigot ninyo kini sa inyong kamot ingon nga ilhanan ug mahimo kini nga mga timaan sa agtang taliwala sa inyong mga mata.

Gipadayag 18:8

busa sa usa lamang ka adlaw mangabot ang iyang mga katalagman, ang kamatay, kasubo ug gutom, ug siya sunogon pinaagi sa kalayo, kay gamhanan ang Ginoong Dios nga mao ang naghukom kaniya.”

Mga Maghuhukom 2:12

Ug ilang gibiyaan ang Ginoo, ang Dios sa ilang katigulangan nga nagdala kanila gikan sa yuta sa Ehipto. Misunod sila sa laing mga dios, sa mga dios sa katawhan nga naglibot kanila ug miyukbo kanila, ug ilang gihagit ang Ginoo sa pagkasuko.