Exodo 13:18

Ang Biblia 2011

Busa gidala sa Dios ang katawhan libot sa kamingawan paingon sa Dagat nga Pula. Ug ang katawhan sa Israel migawas sa Ehipto nga sangkap sa mga hinagiban.

Cross References

Genesis 50:25

Ug gipapanumpa ni Jose ang mga anak ni Israel, nga nag-ingon, “Ang Dios magduaw kaninyo ug dad-on ninyo gikan dinhi ang akong mga bukog.”

Salmo 107:7

siya midala kanila pinaagi sa dalan nga tul-id, hangtod miabot sila sa usa ka siyudad nga ilang kapuy-an.

Salmo 136:16

kaniya nga nagmando sa iyang katawhan latas sa kamingawan, kay ang iyang gugmang walay paglubad naglungtad hangtod sa kahangtoran;

Salmo 68:8

ang yuta mikurog, ang kalangitan mipaulan usab, diha sa atubangan sa Dios; ang Sinai mikurog diha sa atubangan sa Dios, ang Dios sa Israel.

Exodo 12:51

Ug niadto gayong adlawa, gikuha sa Ginoo ang katawhan sa Israel gikan sa yuta sa Ehipto sumala sa ilang mga panon.

Exodo 14:2

“Sultihi ang katawhan sa Israel sa pagbalik ug magkampo atbang sa Pihahirot, taliwala sa Migdol ug sa dagat, atbang sa Baal-sepon. Anha gayod kamo magkampo atbang niini duol sa dagat.

Exodo 14:9

Gigukod sila sa mga Ehiptohanon, sa tanang kabayo ug mga karwahi sa Paraon ug sa iyang mga tigpangabayo ug sa iyang kasundalohan, ug naabtan sila nga nagkampo duol sa dagat, duol sa Pihahirot, atbang sa Baal-sepon.

Deuteronomio 17:16

Mao lamang nga kinahanglang dili siya magpadaghan ug mga kabayo alang sa iyang kaugalingon o pabalikon niya ang katawhan ngadto sa Ehipto aron sa pagpadaghan ug mga kabayo kay ang Ginoo nag-ingon kaninyo, ‘Ayaw na gayod kamo pagbalik nianang dalana.’

Deuteronomio 32:10

“Iyang nakaplagan siya didto sa yuta nga kamingawan ug sa hawan ug makalilisang nga kamingawan. iyang gipanalipdan siya, iyang giatiman siya, iyang gibantayan siya ingon nga kalimutaw sa iyang mata.

Josue 1:14

Ang inyong mga asawa, ang inyong mga anak ug ang inyong kahayopan, magpabilin sa yuta nga gihatag ni Moises kaninyo, niini nga bahin sa Jordan apan ang tanang lalaki nga isog diha kaninyo maoy motabok nga sangkap sa hinagiban una sa inyong mga igsoon ug motabang kanila

Josue 4:12

Ang mga kaliwat ni Ruben ug ang mga kaliwat ni Gad, ug ang katunga sa banay ni Manases, nanabok nga sangkap sa hinagiban nga nag-una sa katawhan sa Israel, sumala sa gisulti ni Moises kanila.

Josue 4:13

Mga 40,000 nga sangkap sa hinagiban alang sa gubat ang nanabok sa atubangan sa Ginoo ngadto sa panggubatan, ngadto sa mga kapatagan sa Jerico.