Exodo 13:17

Ang Biblia 2011

Sa dihang gipalakaw na sa Paraon ang katawhan, ang Dios wala magdala kanila agi sa dalan sa yuta sa mga Filistihanon, bisan pa ug kadto maoy duol kay ang Dios nag-ingon, “Tingali unya ug magbasol ang katawhan kon makakita sila ug gubat ug mamalik ngadto sa Ehipto.”

Cross References

1 Mga Hari 8:47

apan kon sila makaamgo didto sa yuta diin sila dad-a nga binihag ug maghinulsol ug magpakiluoy kanimo didto sa yuta sa nagbihag kanila ug moingon, ‘Kami nakasala ug nagmasinupakon ug naghimo ug daotan,’

Nehemias 9:17

Nagdumili sila sa pagsugot, ug wala maghunahuna sa mga katingalahan nga imong gihimo taliwala kanila, apan gipatikig nila ang ilang liog ug nagtudlo ug usa ka pangulo aron sa pagbalik ngadto sa ilang pagkaulipon sa Ehipto. Apan ikaw usa ka Dios nga andam sa pagpasaylo, mapuangoron ug maluluy-on, hinay sa pagkasuko ug madagayaon sa gugmang walay paglubad ug wala mobiya kanila.

Exodo 14:10

Sa dihang nagkaduol na ang Paraon, ang katawhan sa Israel miyahat sa ilang mga mata, ug ilang nakita nga ang mga Ehiptohanon nagsunod kanila ug nangahadlok sila pag-ayo. Ug ang katawhan sa Israel mituaw ngadto sa Ginoo.

Mga Buhat 15:38

Apan si Pablo naghunahuna nga maayo nga dili paubanon ang usa ka tawo nga mibiya kanila didto sa Pampilia ug wala mouban kanila sa buluhaton.

Mga Buhat 7:39

Ang atong mga katigulangan nagdumili sa pagtuman kaniya, hinuon ilang gisalikway siya, ug diha sa ilang mga kasingkasing sila namalik ngadto sa Ehipto,

Deuteronomio 17:16

Mao lamang nga kinahanglang dili siya magpadaghan ug mga kabayo alang sa iyang kaugalingon o pabalikon niya ang katawhan ngadto sa Ehipto aron sa pagpadaghan ug mga kabayo kay ang Ginoo nag-ingon kaninyo, ‘Ayaw na gayod kamo pagbalik nianang dalana.’

Deuteronomio 20:8

Ug ang mga pangulo sa mga sundalo mosulti pa ug dugang sa katawhan ug moingon, ‘Kinsa bang tawhana nga hadlokan ug luya ug kasingkasing? Papaulia siya sa iyang balay kay tingali unya ug matunaw ang kasingkasing sa iyang mga igsoon sama sa iyang kasingkasing.’

Deuteronomio 28:68

Ug ang Ginoo magdala kaninyo pagbalik ngadto sa Ehipto sakay sa sakayan, usa ka panaw nga akong gisaad nga dili na ninyo buhaton pag-usab. Ug didto ibaligya ninyo ang inyong mga kaugalingon ngadto sa mga kaaway ingon nga mga ulipon nga lalaki ug babaye apan walay tawo nga mopalit kaninyo.”

Mga Hebreo 11:27

Tungod sa pagtuo siya mibiya sa Ehipto, nga wala mahadlok sa kasuko sa hari, kay siya milahutay man ingon nga nakakita siya kaniya nga dili makita.

Mga Maghuhukom 7:3

Busa karon, isulti ngadto sa mga igdulungog sa katawhan nga mag-ingon, ‘Si bisan kinsa ang nahadlok pag-ayo ug nangurog, papaulia siya ug papahawaa gikan sa bukid sa Gilead.’ ” 22,000 ang mipauli ug 10,000 ka libo ang mipabilin.