Exodo 13:15

Ang Biblia 2011

Kay sa dihang hugot nga nagdumili ang Paraon sa pagpalakaw kanamo, gipatay sa Ginoo ang tanang kamagulangan sa yuta sa Ehipto, ang mga kamagulangan sa tawo ug ang mga kamagulangan sa kahayopan. Busa ako naghalad alang sa Ginoo sa tanang kamagulangan nga laki apan ang tanang kamagulangan sa akong mga anak akong gilukat.’

Cross References

Salmo 105:36

Gipamatay niya ang tanang panganay diha sa ilang yuta, ang sinugdan sa tibuok nilang kusog.

Exodo 12:29

Sa pagkatungang gabii gipamatay sa Ginoo ang tanang kamagulangan sa yuta sa Ehipto, gikan sa kamagulangan sa Paraon nga naglingkod sa iyang trono hangtod sa kamagulangan sa bihag nga anaa sa bilanggoan ug sa tanang kamagulangan sa kahayopan.

Exodo 3:19

Nahibalo ako nga ang hari sa Ehipto dili motugot kaninyo sa paglakaw, gawas kon pinaagi sa usa ka gamhanang kamot.

Exodo 34:20

Ang kamagulangan sa asno kinahanglan nga inyong lukaton pinaagi sa usa ka nating karnero o kon kini dili ninyo lukaton, balia ang liog niini. Ang tanang kamagulangan sa inyong mga anak nga lalaki kinahanglang inyong lukaton ug walay usa nga magpakita sa akong atubangan nga walay dala.

Exodo 4:23

ug ako mag-ingon kanimo, “Tugoti nga molakaw ang akong anak, aron siya makaalagad kanako.” Apan kon ikaw magdumili sa pagpalakaw kaniya, patyon nako ang imong kamagulangan nga anak nga lalaki.’ ”

Numeros 18:15

Ang tanan nga mag-abli sa taguangkan sa tanan nga unod tawo man o mananap, nga ihalad nila ngadto sa Ginoo maimo. Hinuon ang kamagulangan sa tawo lukaton gayod nimo ug ang kamagulangan sa mananap nga hugaw lukaton usab nimo.

Numeros 3:46

Ug alang sa paglukat sa 273, sa mga kamagulangan sa katawhan sa Israel nga milabaw sa gidaghanon sa mga lalaki nga Levihanon,