Exodo 13:12

Ang Biblia 2011

igahin alang sa Ginoo ang tanang nag-abli sa taguangkan. Ang tanang kamagulangan nga laki sa iyong mga mananap, iya sa Ginoo.

Cross References

Nehemias 10:36

Dad-on usab namo ngadto sa balay sa among Dios, ngadto sa mga pari nga nag-alagad sa balay sa among Dios, ang panganay sa among mga anak ug sa among mga baka, sumala sa nasulat sa balaod, ug ang panganay sa among mga hayop ug sa among mga karnero.

Nehemias 10:37

Ug kami magdala sa una sa among minasa ug sa among mga amot, sa bunga sa matag kahoy, sa bino ug sa lana, ngadto sa mga pari, ngadto sa mga lawak sa balay sa among Dios ug dad-on ang mga ikapulo sa among yuta ngadto sa mga Levihanon kay ang mga Levihanon maoy maningil sa mga ikapulo diha sa tanang kalungsoran.

Exodo 13:1

Ang Ginoo miingon kang Moises,

Exodo 13:2

“Ihalad kanako ang tanang kamagulangan. Bisan unsa nga unang moabli sa taguangkan diha sa katawhan sa Israel, sa tawo ug sa mananap, akoa.”

Exodo 22:28

“Ayaw kamo pagsulti ug daotan batok sa Dios o magtunglo sa tigdumala sa inyong katawhan.

Exodo 22:29

“Ayaw langana sa paghatag ang inyong mga halad gikan sa kadagaya sa inyong mga abot ug gikan sa mga inawas sa inyong mga pug-anan. “Ihatag ninyo kanako ang kamagulangan sa inyong mga anak.

Exodo 34:19

Ang tanan nga nag-abli sa taguangkan akoa ug ang tanang laki sa kahayopan, ang kamagulangan sa baka ug sa karnero.

Exodo 34:20

Ang kamagulangan sa asno kinahanglan nga inyong lukaton pinaagi sa usa ka nating karnero o kon kini dili ninyo lukaton, balia ang liog niini. Ang tanang kamagulangan sa inyong mga anak nga lalaki kinahanglang inyong lukaton ug walay usa nga magpakita sa akong atubangan nga walay dala.

Ezequiel 16:20

Unya gikuha pa gayod nimo ang imong mga anak nga lalaki ug mga anak nga babaye, nga imong gipanganak alang kanako, ug kini imong gihalad kanila aron lamyon. Gamay ba lamang nga butang ang imong mga pagpakighilawas,

Ezequiel 44:30

Ug ang una sa tanang mga unang bunga sa bisan unsa matang, ug ang matag halad sa tanang matang, gikan sa tanan ninyong mga halad, maangkon sa mga pari. Ihatag usab ninyo sa mga pari ang una sa inyong minasa, aron ang panalangin magpabilin diha sa inyong balay.

Levitico 27:26

“Apan ang kamagulangan sa mga mananap, tungod kay ang kamagulangan iya sa Ginoo, walay si bisan kinsa nga maghalad niini, baka o karnero, kini iya sa Ginoo.

Numeros 18:15

Ang tanan nga mag-abli sa taguangkan sa tanan nga unod tawo man o mananap, nga ihalad nila ngadto sa Ginoo maimo. Hinuon ang kamagulangan sa tawo lukaton gayod nimo ug ang kamagulangan sa mananap nga hugaw lukaton usab nimo.

Numeros 3:12

“Tan-awa, gikuha nako ang mga Levihanon gikan sa katawhan sa Israel ingon nga puli sa tanang kamagulangan nga nag-abli sa taguangkan diha sa katawhan sa Israel. Ug ang mga Levihanon akoa,

Numeros 3:13

kay ang tanang mga kamagulangan akoa man. Sa adlaw nga gipapatay nako ang tanang mga kamagulangan didto sa yuta sa Ehipto, akong gigahin alang kanako ang tanang mga kamagulangan diha sa Israel, sa tawo ug sa mananap; sila akoa. Ako mao ang Ginoo.”

Numeros 8:17

Kay ang tanang kamagulangan sa katawhan sa Israel akoa, sa tawo ug sa mananap, sukad sa adlaw nga gipatay nako ang tanang kamagulangan sa yuta sa Ehipto, gibalaan nako sila alang sa akong kaugalingon.

Lucas 2:23

(sumala sa nasulat diha sa balaod sa Ginoo, “Ang tanang lalaki nga panganay tawgon nga balaan alang sa Ginoo”)

Deuteronomio 15:19

“Ihalad sa Ginoo nga imong Dios ang tanang mga kamagulangan nga laki sa imong mga baka ug sa imong mga karnero. Ayaw pagbuhat uban sa mga kamagulangan nga laki sa imong mga baka, o tupihan ang kamagulangan nga laki sa imong mga karnero.