Exodo 13:11

Ang Biblia 2011

“Sa dihang dad-on na kamo sa Ginoo ngadto sa yuta sa mga Canaanhon, ingon sa iyang gipanumpa kaninyo ug sa inyong mga katigulangan, ug ihatag kini nganha kaninyo,

Cross References

Genesis 15:18

Niadtong adlawa ang Ginoo naghimo ug usa ka kasabotan uban kang Abram, nga nag-ingon, “Sa imong mga kaliwat ihatag nako kining yutaa, gikan sa suba sa Ehipto hangtod sa dako nga suba, ang suba nga Eufrates,

Genesis 17:8

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Genesis 28:15

Tan-awa, ako mag-uban kanimo ug magbantay kanimo bisan asa ikaw moadto ug ikaw pabalikon nako niining yutaa kay ako dili mobiya kanimo hangtod nga matuman nako ang akong gisulti kanimo.”

Salmo 105:42

Kay nahinumdom siya sa iyang balaan nga saad, ug kang Abraham nga iyang alagad.

Exodo 13:5

Sa dihang dad-on na kamo sa Ginoo ngadto sa yuta sa mga Canaanhon, sa mga Hitihanon, sa mga Amorihanon, sa mga Hibihanon ug sa mga Jebusihanon, nga gipanumpa niya sa inyong mga katigulangan nga iyang ihatag kaninyo, yuta diin nag-agas ang gatas ug dugos, tumana ninyo kini nga tulumanon niining bulana.

Exodo 32:13

Hinumdomi si Abraham, si Isaac ug si Israel nga imong mga alagad, nga imong gipanumpaan sa imong kaugalingon, ug ikaw miingon kanila, ‘Padaghanon nako ang inyong kaliwat sama sa mga bituon sa langit ug kining tibuok nga yuta nga akong gisaad, akong ihatag sa inyong kaliwatan, ug sila makapanunod niini hangtod sa kahangtoran.’ ”

Numeros 11:12

Ako ba ang nagsamkon niining tibuok nga katawhan? Ug ako bay nanganak kanila aron mag-ingon ikaw kanako, ‘Dad-a sila sa imong sabakan sama sa tig-alima nga nagdala sa batang masuso’ ngadto sa yuta nga imong gipanumpa sa ilang katigulangan?