Exodo 12:6

Ang Biblia 2011

ug ilain ninyo kini hangtod sa ikanapulo ug upat nga adlaw sa maong bulan. Ang tibuok katigoman sa katilingban sa Israel mag-ihaw niini sa pagkahapon.

Cross References

2 Cronicas 35:1

Gisaulog ni Josias ang Pagsaylo ngadto sa Ginoo didto sa Jerusalem ug ilang giihaw ang nating karnero alang sa Pagsaylo sa ikanapulo ug upat nga adlaw sa unang bulan.

Esdras 6:19

Sa ikanapulo ug upat nga adlaw sa unang bulan, ang mga nahiuli nga mga binihag nagsaulog sa Pagsaylo.

Exodo 12:14

“Kining adlawa mahimong usa ka handomanan alang kaninyo, ug himoon ninyo kini ingon nga kasaulogan alang sa Ginoo. Sa tanan ninyong kaliwatan saulogon ninyo kini ingon nga tulumanon hangtod sa kahangtoran.

Exodo 12:17

Ug himoa ninyo ang kasaulogan sa Pan nga Walay Patubo, kay niining adlawa gikuha nako ang inyong mga panon gikan sa yuta sa Ehipto. Busa sauloga ninyo kining adlawa sa tanan ninyong kaliwatan ingon nga usa ka tulumanon hangtod sa kahangtoran.

Exodo 12:18

Sa unang bulan, sa ikanapulo ug upat nga adlaw sa bulan, sa pagkagabii, pangaon kamo ug pan nga walay patubo hangtod sa gabii sa ika-21 nga adlaw sa bulan.

Exodo 12:47

Ang tibuok katilingban sa Israel kinahanglan nga magtuman niini.

Exodo 16:1

Unya ang tibuok katilingban sa Israel mipanaw gikan sa Elim ug miabot sa kamingawan sa Sin nga anaa sa tungatunga sa Elim ug sa Sinai, sa ikanapulo ug lima nga adlaw sa ikaduha nga bulan human sila mobiya gikan sa yuta sa Ehipto.

Exodo 16:12

“Ako nakadungog sa mga pagbagulbol sa katawhan sa Israel. Ingna sila, ‘Sa pagkagabii mangaon kamo ug unod ug sa pagkabuntag mangabusog kamo sa pan, unya mahibalo kamo nga ako mao ang Ginoo nga inyong Dios.’ ”

Exodo 19:1

Sa ikatulong bag-ong subang sa bulan human ang katawhan sa Israel makagula gikan sa yuta sa Ehipto, niadtong adlawa miabot sila sa kamingawan sa Sinai.

Exodo 29:39

Paghalad ug usa ka nating karnero sa buntag ug laing nating karnero sa gabii.

Exodo 29:41

Ug ang lain nga nating karnero ihalad nimo sa pagkagabii ug ihalad kini uban sa halad nga pagkaon ug sa halad nga ilimnon, sama sa pagkabuntag, alang sa usa ka kahumot. Kini usa ka halad pinaagi sa kalayo alang sa Ginoo.

Isaias 53:6

Kitang tanan sama sa mga karnero nga nangasaag; ang matag usa kanato misimang ngadto sa iyang kaugalingon nga dalan; ug gibutang sa Ginoo diha kaniya ang kasal-anan natong tanan.

Ezequiel 45:21

“Sa unang bulan, sa ikanapulo ug upat nga adlaw sa bulan, himoa ninyo ang kasaulogan sa Pagsaylo, ug sulod sa pito ka adlaw ang pan nga walay patubo maoy kan-on ninyo.

Levitico 23:5

Sa unang bulan, sa ikanapulo ug upat nga adlaw sa bulan, taliwala sa duha ka gabii, mao ang Kasaulogan sa Pagsaylo sa Ginoo.

Numeros 28:16

“Sa ikanapulo ug upat nga adlaw sa unang bulan mao ang Pagsaylo sa Ginoo.

Numeros 28:18

Sa unang adlaw himoon ang usa ka balaan nga panagtigom, dili kamo mabuhat ug bug-at nga buluhaton.

Numeros 9:11

Sa ikaduha nga bulan, sa ikanapulo ug upat nga adlaw, sa pagkakilomkilom, magsaulog sila niini. Magkaon sila niini uban sa pan nga walay patubo ug mga utanon nga pait.

Mateo 27:20

Apan ang mga pangulong pari ug mga kadagkoan midani sa katawhan nga ilang pangayoon si Barabas ug ipapatay si Jesus.

Mateo 27:25

Ug ang tanang mga tawo mitubag nga nag-ingon, “Kami ug ang among mga anak maoy manubag sa iyang dugo.”

Marcos 15:1

Dihadiha, sa pag-abot na sa kabuntagon, ang mga pangulong pari nakigsabot uban sa mga kadagkoan ug sa mga eskriba ug sa tibuok Sanhedrin. Ug gigapos nila si Jesus ug gidala ug gitugyan ngadto kang Pilato.

Marcos 15:11

Apan ang mga pangulong pari misugyot sa panon sa katawhan sa pagpabuhi hinuon kang Barabas alang kanila.

Marcos 15:25

Ikasiyam nga takna sa buntag kadto sa diha nga gilansang nila siya sa krus.

Marcos 15:8

Busa ang panon sa katawhan misaka ug misugod sa paghangyo kang Pilato nga iya nang buhaton ang iyang naandan nga buhaton alang kanila.

Lucas 23:1

Unya mitindog ang tibuok panon ug ilang gidala si Jesus sa atubangan ni Pilato.

Lucas 23:18

Apan silang tanan nagdungan sa pagsinggit nga nag-ingon, “Kuhaa kining tawhana, ug buhii ngari kanamo si Barabas.”

Mga Buhat 2:23

Kining maong Jesus nga gitugyan sumala sa gitakda nga plano ug sa nahibaloan nang daan sa Dios, inyong gilansang sa krus ug gipatay pinaagi sa mga kamot sa mga tawong wala magtamod sa balaod.

Mga Buhat 3:14

Apan inyong gilimod ang Balaan ug Matarong, ug inyong gipangayo nga maoy buhian alang kaninyo ang usa ka mamumuno,

Mga Buhat 4:27

Kay sa pagkatinuod, dinhi niining siyudad adunay nagkatigom batok sa imong balaang alagad nga si Jesus nga imong gidihogan—si Herodes ug si Poncio Pilato uban sa mga Gentil ug sa mga tawo sa Israel

Josue 5:10

Samtang ang katawhan sa Israel nagkampo sa Gilgal, ilang gisaulog ang Pagsaylo sa pagkagabii sa ikanapulo ug upat nga adlaw sa bulan, didto sa kapatagan sa Jerico.