Exodo 12:43

Ang Biblia 2011

Unya ang Ginoo miingon kang Moises ug kang Aaron, “Kini mao ang tulumanon sa Kasaulogan sa Pagsaylo. Kinahanglan nga walay langyaw nga mokaon niini.

Cross References

2 Cronicas 30:18

Kay usa ka dakong panon sa katawhan, daghan kanila nga gikan sa Efraim, sa Manases, sa Isacar ug sa Zabulon, wala maghinlo sa ilang kaugalingon apan sila nangaon sa pagkaon sa Pagsaylo nga dili maoy gimando. Apan si Hesekias nag-ampo alang kanila, nga nag-ingon, “Ang maayo nga Ginoo magpasaylo unta sa tanan

Exodo 12:11

Ingna ninyo pagkaon niini: pagbakos kamo, pagsul-ob kamo ug sandalyas sa inyong mga tiil, ug ang inyong mga sungkod anaa sa inyong mga kamot. Kaona ninyo kini nga magdali. Mao kini ang Pagsaylo sa Ginoo.

Exodo 12:48

Ug sa diha nga ang usa ka langyaw mopuyo uban kanimo ug magsaulog sa Pagsaylo ngadto sa Ginoo, ipatuli ang tanan niyang mga lalaki unya makaduol siya ug makasaulog niini, mahimo siyang sama sa usa ka lumad sa maong yuta. Apan walay si bisan kinsa nga dili tinuli nga makakaon niini.

Ezequiel 44:7

ang pagpasulod ninyo sa mga dumuduong, nga dili tinuli sa kasingkasing ug sa unod, aron makasulod sa akong balaang dapit sa pagpasipala niini, sa akong Templo, sa diha nga gihalad ninyo ang akong pan, ang tambok ug dugo. Inyong gilapas ang akong kasabotan, pinaagi sa tanan ninyong mga dulumtanan.

Levitico 22:10

“Ang tagagawas dili makakaon sa mga butang nga balaan. Ang usa ka dumuduong sa pari o usa ka sinuholan dili makakaon sa butang nga balaan.

Levitico 22:13

Apan kon ang anak nga babaye sa pari nabiyuda o gibulagan sa bana ug walay anak ug mibalik siya sa balay sa iyang amahan, ingon sa iyang pagkabatan-on, makakaon siya sa pagkaon sa iyang amahan. Apan walay si bisan kinsa nga tagagawas nga makakaon niini.

Numeros 9:14

Ug kon magpuyo sa taliwala ninyo ang usa ka langyaw ug magsaulog sa Pagsaylo alang sa Ginoo, buhaton niya kini sumala sa lagda sa Kasaulogan sa Pagsaylo ug sumala sa mga tulumanon niini. Usa lamang ang inyong lagda, alang sa langyaw ug alang sa lumad.”

Mga Taga-Efeso 2:12

nga kamo wala kang Cristo, walay labot sa katawhan sa Israel, ug mga langyaw sa mga kasabotan nga gisaad, walay paglaom ug walay Dios dinhi sa kalibotan.

1 Samuel 2:27

Dihay usa ka tawo sa Dios nga miadto kang Eli ug miingon, “Mao kini ang giingon sa Ginoo, ‘Nagpakita ako sa akong kaugalingon ngadto sa balay sa imong amahan sa didto pa sila sa Ehipto, sa dihang ulipon pa sila sa balay sa Paraon.