Exodo 12:42

Ang Biblia 2011

Mao kadto ang gabii nga nagtukaw ang Ginoo aron sa pagkuha kanila gikan sa yuta sa Ehipto. Busa kining maong gabii mao usab ang gabii sa pagtukaw alang sa Ginoo nga himoon sa tanang katawhan sa Israel ug sa tanan nilang kaliwatan.

Cross References

Salmo 136:11

ug nagkuha sa Israel gikan sa taliwala nila, kay ang iyang gugmang walay paglubad naglungtad hangtod sa kahangtoran;

Exodo 12:14

“Kining adlawa mahimong usa ka handomanan alang kaninyo, ug himoon ninyo kini ingon nga kasaulogan alang sa Ginoo. Sa tanan ninyong kaliwatan saulogon ninyo kini ingon nga tulumanon hangtod sa kahangtoran.

Exodo 13:10

Busa tumana kining tulumanon sa iyang gitakda nga panahon matag tuig.

Exodo 13:3

Si Moises miingon sa katawhan, “Hinumdomi ninyo kining adlawa nga migawas kamo sa Ehipto, gikan sa balay sa kaulipnan kay ang Ginoo mikuha kaninyo gikan niining dapita pinaagi sa kusog sa iyang kamot. Walay pan nga may patubo nga inyong kaonon.

Exodo 34:18

“Tumana ninyo ang Kasaulogan sa Pan nga Walay Patubo. Pito ka adlaw kamong magkaon ug pan nga walay patubo sumala sa gisugo nako kaninyo, sa panahon nga gitakda sa bulan sa Abib kay sa bulan sa Abib migawas kamo gikan sa Ehipto.