Exodo 12:41

Ang Biblia 2011

Human sa 430 ka tuig, niadto gayong adlawa, ang tanang panon sa Ginoo migula gikan sa yuta sa Ehipto.

Cross References

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

1 Mga Hari 6:1

Ug sa ika-480 nga tuig human mobiya ang katawhan sa Israel gikan sa yuta sa Ehipto, sa ikaupat nga tuig sa paghari ni Solomon ibabaw sa Israel, sa bulan sa Zib nga mao ang ikaduha nga bulan, siya nagsugod sa pagtukod sa balay sa Ginoo.

2 Cronicas 14:12

Busa gibuntog sa Ginoo ang mga Etiopianhon sa atubangan ni Asa ug sa atubangan sa Juda, ug ang mga Etiopianhon nanagan.

Salmo 102:13

Ikaw motindog ug maluoy sa Zion, kay panahon na sa pagkaluoy kaniya; ang panahon nga gitakda miabot na.

Salmo 114:1

Sa paggawas sa Israel gikan sa Ehipto, ang panimalay ni Jacob gikan sa katawhan nga lain ug pinulongan,

Salmo 136:11

ug nagkuha sa Israel gikan sa taliwala nila, kay ang iyang gugmang walay paglubad naglungtad hangtod sa kahangtoran;

Exodo 12:17

Ug himoa ninyo ang kasaulogan sa Pan nga Walay Patubo, kay niining adlawa gikuha nako ang inyong mga panon gikan sa yuta sa Ehipto. Busa sauloga ninyo kining adlawa sa tanan ninyong kaliwatan ingon nga usa ka tulumanon hangtod sa kahangtoran.

Exodo 12:51

Ug niadto gayong adlawa, gikuha sa Ginoo ang katawhan sa Israel gikan sa yuta sa Ehipto sumala sa ilang mga panon.

Exodo 13:14

Ug kon moabot ang panahon nga ang inyong anak mangutana kaninyo, ‘Unsa bay gipasabot niini?’ ingna siya, ‘Pinaagi sa kusog sa kamot, ang Ginoo nagkuha kanamo gikan sa Ehipto, gikan sa balay sa kaulipnan.

Exodo 13:16

Ug kini mahimo alang kanimo nga usa ka timaan diha sa imong kamot ug ilhanan diha sa taliwala sa imong mga mata tungod kay pinaagi sa kusgan nga kamot ang Ginoo nagkuha kanamo gikan sa Ehipto.”

Exodo 13:3

Si Moises miingon sa katawhan, “Hinumdomi ninyo kining adlawa nga migawas kamo sa Ehipto, gikan sa balay sa kaulipnan kay ang Ginoo mikuha kaninyo gikan niining dapita pinaagi sa kusog sa iyang kamot. Walay pan nga may patubo nga inyong kaonon.

Exodo 13:9

Kini mahimo ingon nga sama sa usa ka ilhanan diha sa inyong kamot ug usa ka pahinumdom taliwala sa inyong mga mata, aron ang balaod sa Ginoo maana sa inyong baba. Kay tungod sa kusgan nga kamot gikuha kamo sa Ginoo gikan sa Ehipto.

Exodo 3:10

Busa, dali, paadtoon ko ikaw ngadto sa Paraon aron kuhaon nimo ang akong katawhan, ang mga anak ni Israel gikan sa Ehipto.”

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Exodo 6:26

Kini mao ang Aaron ug Moises nga giingnan sa Ginoo, “Kuhaa ang katawhan sa Israel gikan sa yuta sa Ehipto sumala sa ilang mga panon.”

Exodo 6:6

Busa sultihi ang katawhan sa Israel nga ako mao ang Ginoo, ug ako magpagawas kaninyo gikan sa mga kabug-at nga gipapas-an sa mga Ehiptohanon ug luwason ko kamo gikan sa ilang pagpangulipon ug lukaton ko kamo uban sa bukton nga tinuy-od ug uban sa dagkong buhat sa paghukom.

Exodo 7:4

Unya ang Paraon dili mamati kaninyo ug ibutang nako ang akong kamot ibabaw sa Ehipto, ug kuhaon nako ang akong mga panon, ang akong katawhan nga mga anak ni Israel, gikan sa yuta sa Ehipto pinaagi sa dagkong mga buhat sa paghukom.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Levitico 23:43

aron mahibalo ang inyong mga kaliwatan nga gipapuyo nako sa mga balongbalong ang katawhan sa Israel, sa diha nga gikuha nako sila gikan sa yuta sa Ehipto. Ako mao ang Ginoo nga inyong Dios.”

Habacuc 2:3

Kay sa gihapon ang panan-awon nagpaabot sa panahon niini; kini nagdali paingon sa kataposan, dili kini mamakak. Kon daw dugay kini, paabota kini; moabot gayod kini, dili kini maglangay.

Numeros 23:22

Ang Dios nagdala kanila gikan sa Ehipto; sila adunay sungay sama sa ihalas nga baka.

Numeros 33:1

Kini mao ang mga hugna sa pagpanaw sa katawhan sa Israel sa paggula nila gikan sa yuta sa Ehipto sumala sa ilang mga panon ubos sa pagpangulo ni Moises ug ni Aaron.

Juan 7:8

Pangadto kamo sa kasaulogan. Dili ako moadto sa maong kasaulogan, kay ang akong panahon wala pa mahingpit.”

Mga Buhat 1:7

Siya miingon kanila, “Dili alang kaninyo ang pagkahibalo sa mga takna o sa mga panahon nga gitakda sa Amahan pinaagi sa iyang kaugalingong pagbuot.

Mga Buhat 7:36

Iyang gipagula sila ug nagbuhat siya ug mga kahibulongan ug mga ilhanan didto sa Ehipto ug sa Dagat nga Pula ug sa kamingawan sulod sa 40 ka tuig.

Deuteronomio 16:1

“Bantayi ninyo ang bulan sa Abib ug sauloga ang Pagsaylo alang sa Ginoo nga inyong Dios, kay sa bulan sa Abib gikuha kamo sa Ginoo nga inyong Dios gikan sa Ehipto niadtong usa ka gabii.

Deuteronomio 4:37

Ug tungod kay siya nahigugma sa inyong mga katigulangan ug nagpili sa ilang kaliwatan sunod kanila ug nagpagula kaninyo uban kaniya gikan sa Ehipto, pinaagi sa iyang dakong gahom,

Josue 24:5

Unya gipaadto nako si Moises ug si Aaron ug gikastigo nako ang Ehipto pinaagi sa akong gibuhat sa taliwala niini, ug human niini gipagawas nako kamo.

Josue 5:14

Ug siya miingon, “Dili, apan ingon nga tigmando sa kasundalohan sa Ginoo, mianhi ako karon.” Ug si Josue mihapa sa yuta ug misimba ug miingon kaniya, “Unsa ba ang isugo sa akong agalon ngadto sa iyang ulipon?”