Exodo 12:39

Ang Biblia 2011

Nagluto sila ug mga pan nga walay patubo sa minasa nga ilang gidala gikan sa Ehipto kay kini wala may patubo. Tungod kay gihinginlan man sila sa Ehipto ug wala sila makahimo sa paglanganlangan o sa paghikay ug bisan unsang makaon.

Cross References

Exodo 11:1

Ang Ginoo miingon kang Moises, “Usa pa ka katalagman ang akong ipahamtang sa Paraon ug sa Ehipto. Human niana tugotan na kamo niya sa paglakaw gikan dinhi ug sa dihang palakwon na kamo niya, abugon kamo niya sa hingpit gayod.

Exodo 12:34

Busa ilang gidala ang ilang minasa nga harina nga wala pay patubo, ang ilang mga masahanan giputos sa ilang kupo ug gipas-an diha sa ilang mga abaga.

Exodo 6:1

Apan ang Ginoo miingon kang Moises, “Karon imong makita kon unsay buhaton nako sa Paraon kay pinaagi sa kamot nga kusgan motugot siya sa pagpalakaw kanila ug pinaagi sa kamot nga kusgan iyang abogon sila ngadto sa gawas sa iyang yuta.”

Mateo 13:33

Ug misugilon siya kanila ug lain pang sambingay, “Ang gingharian sa langit sama sa patubo nga gikuha sa usa ka babaye ug gisagol niya pagmasa sa tulo ka takos nga harina hangtod nga kini mitubo.”