Exodo 12:32

Ang Biblia 2011

Dad-a usab ninyo ang inyong mga karnero ug ang inyong mga baka sumala sa inyong gisulti. Ug panglakaw kamo ug panalangini usab ako ninyo!”

Cross References

Genesis 15:14

Apan akong silotan ang nasod nga ilang alagaran ug human niini manggawas sila uban sa daghang mga kabtangan.

Genesis 27:34

Sa pagkadungog ni Esau sa mga pulong sa iyang amahan, mitiyabaw siya sa hilabihan ug pait nga pagtiyabaw, ug miingon sa iyang amahan, “Panalangini ako, ako usab, O amahan ko.”

Genesis 27:38

Si Esau miingon sa iyang amahan, “Usa ra ba gayod ang imong panalangin, amahan ko? Panalangini ako, ako usab, amahan ko.” Ug gipatugbaw ni Esau ang iyang tingog ug siya mihilak.

Esdras 6:10

aron sila makahalad ug mga halad nga kahimut-an sa Dios sa langit ug mag-ampo alang sa kinabuhi sa hari ug sa iyang mga anak nga lalaki.

Exodo 10:26

Ang among kahayopan kinahanglang uban usab kanamo. Walay bisan usa ka kuko nga mahibilin kay kami magkuha gikan niini aron mag-alagad sa Ginoo nga among Dios. Wala kami mahibalo kon unsang butanga ang kinahanglan sa among pag-alagad sa Ginoo, hangtod nga moabot kami didto.”

Exodo 10:9

Si Moises miingon, “Manglakaw kami uban ang among mga bata ug mga tigulang. Manglakaw kami uban ang among mga anak nga lalaki ug mga anak nga babaye, uban ang among mga panon sa mga karnero ug sa baka kay kinahanglan nga maghimo kami ug kasaulogan alang sa Ginoo.”

Exodo 8:28

Busa ang Paraon miingon, “Tugotan ko kamo sa paglakaw aron kamo maghalad didto sa kamingawan ngadto sa Ginoo nga inyong Dios apan ayaw kamo paglakaw ug layo kaayo. Pag-ampo kamo alang kanako.”

Exodo 9:28

Pag-ampo kamo ngadto sa Ginoo kay igo na kining dagkong mga dalugdog ug ulan nga yelo. Tugotan ko kamo sa paglakaw ug dili na magpabilin dinhi.”