Exodo 12:29

Ang Biblia 2011

Sa pagkatungang gabii gipamatay sa Ginoo ang tanang kamagulangan sa yuta sa Ehipto, gikan sa kamagulangan sa Paraon nga naglingkod sa iyang trono hangtod sa kamagulangan sa bihag nga anaa sa bilanggoan ug sa tanang kamagulangan sa kahayopan.

Cross References

Genesis 15:14

Apan akong silotan ang nasod nga ilang alagaran ug human niini manggawas sila uban sa daghang mga kabtangan.

Job 34:20

Sa usa lamang ka pagpamilok sila mangamatay; sa tungang gabii, ang mga tawo mauyog ug mangawala, ug ang mga gamhanan gipanguha sa kamot nga dili tawhanon.

Salmo 105:36

Gipamatay niya ang tanang panganay diha sa ilang yuta, ang sinugdan sa tibuok nilang kusog.

Salmo 135:8

Siya ang milaglag sa mga panganay sa Ehipto, sa tawo ug sa mananap;

Salmo 136:10

kaniya nga naglaglag sa mga panganay sa Ehipto, kay ang iyang gugmang walay paglubad naglungtad hangtod sa kahangtoran;

Salmo 78:50

Nagbuhat siya ug dalan alang sa iyang kasuko; wala niya sayloi ang ilang mga kalag gikan sa kamatayon, hinuon iyang gitugyan ang ilang mga kinabuhi sa katalagman,

Salmo 78:51

Gipamatay niya ang tanang mga panganay didto sa Ehipto, ang mga unang bunga sa ilang kusog didto sa mga tolda ni Ham.

Exodo 11:1

Ang Ginoo miingon kang Moises, “Usa pa ka katalagman ang akong ipahamtang sa Paraon ug sa Ehipto. Human niana tugotan na kamo niya sa paglakaw gikan dinhi ug sa dihang palakwon na kamo niya, abugon kamo niya sa hingpit gayod.

Exodo 12:12

Kay molatas ako nianang gabhiona sa yuta sa Ehipto ug pamatyon nako ang tanang kamagulangan sa yuta sa Ehipto, tawo ug mananap, ug hukman nako ang tanang diosdios sa Ehipto. Ako ang Ginoo.

Exodo 12:28

Unya ang katawhan sa Israel milakaw, ug nagbuhat sa ingon. Sumala sa gisugo sa Ginoo kang Moises ug kang Aaron sila nagbuhat.

Exodo 13:15

Kay sa dihang hugot nga nagdumili ang Paraon sa pagpalakaw kanamo, gipatay sa Ginoo ang tanang kamagulangan sa yuta sa Ehipto, ang mga kamagulangan sa tawo ug ang mga kamagulangan sa kahayopan. Busa ako naghalad alang sa Ginoo sa tanang kamagulangan nga laki apan ang tanang kamagulangan sa akong mga anak akong gilukat.’

Exodo 4:23

ug ako mag-ingon kanimo, “Tugoti nga molakaw ang akong anak, aron siya makaalagad kanako.” Apan kon ikaw magdumili sa pagpalakaw kaniya, patyon nako ang imong kamagulangan nga anak nga lalaki.’ ”

Exodo 9:6

Sa pagkasunod adlaw gibuhat kini sa Ginoo, ug nangamatay ang tanang kahayopan sa Ehipto, apan sa kahayopan sa katawhan sa Israel walay usa nga namatay.

Isaias 24:22

Sila tigomon pagtingob ingon nga mga binilanggo diha sa gahong; ibalhog sila diha sa bilanggoan, ug human sa daghang mga adlaw sila silotan.

Isaias 41:11

Silang tanan nga nangasilag kanimo pakaulawan ug libogon; sila nga makigbisog batok kanimo mahimong daw wala, ug mangahanaw.

Isaias 51:14

Ang hininginlan nga binihag buhian sa madali; ug siya dili mamatay ug dili manaog ngadto sa Gahong, o magkulang ang iyang pan.

Jeremias 38:13

Busa gibira nila si Jeremias pinaagi sa mga pisi ug gipagawas nila gikan sa atabay. Ug si Jeremias mipabilin sa hawanan sa mga bantay.

Jeremias 38:6

Busa gikuha nila si Jeremias ug gitambog ngadto sa atabay ni Malkias nga anak sa hari, nga didto sa hawanan sa mga bantay, gitunton si Jeremias pinaagi sa mga pisi. Ug walay tubig sa atabay kondili lapok lamang, ug si Jeremias naunlod sa lapok.

Habacuc 3:5

Una kaniya miabot ang kamatay, ug ang katalagman misunod dayon.

Zacarias 9:11

Mahitungod usab kanimo, tungod sa dugo sa akong kasabotan uban kanimo, pabuhian nako ang imong mga binilanggo gikan sa usa ka gahong nga walay tubig.

Numeros 3:13

kay ang tanang mga kamagulangan akoa man. Sa adlaw nga gipapatay nako ang tanang mga kamagulangan didto sa yuta sa Ehipto, akong gigahin alang kanako ang tanang mga kamagulangan diha sa Israel, sa tawo ug sa mananap; sila akoa. Ako mao ang Ginoo.”

Numeros 33:4

samtang ang mga Ehiptohanon naglubong sa tanan nilang mga kamagulangan nga gipamatay sa Ginoo sa taliwala nila. Ngadto usab sa ilang mga dios, ang Ginoo nagpahamtang ug mga paghukom.

Numeros 8:17

Kay ang tanang kamagulangan sa katawhan sa Israel akoa, sa tawo ug sa mananap, sukad sa adlaw nga gipatay nako ang tanang kamagulangan sa yuta sa Ehipto, gibalaan nako sila alang sa akong kaugalingon.

Mga Hebreo 11:28

Tungod sa pagtuo iyang gihimo ang tulumanon sa Pagsaylo ug gisablig ang dugo aron siya nga naglaglag sa mga panganay dili motandog kanila.

Mga Hebreo 12:23

sa kahugpongan ug katigoman sa mga panganay kinsang mga ngalan nasulat sa talaan didto sa langit, ug sa Dios nga maghuhukom sa tanan ug sa mga espiritu sa mga tawong matarong nga nangahimong hingpit