Exodo 12:26

Ang Biblia 2011

Ug sa diha nga ang inyong mga anak moingon kaninyo, ‘Unsa bay gipasabot niining maong tulumanon?’

Cross References

Salmo 145:4

Ang usa ka kaliwatan magdayeg sa imong mga buhat ngadto sa laing kaliwatan, ug magpahayag sa imong mga gamhanang buhat.

Salmo 44:1

Nadungog namo sa among mga dalunggan, O Dios, ang among katigulangan nagsugilon kanamo, unsa nga mga buhat ang imong gihimo sa ilang mga adlaw, niadtong karaang mga adlaw:

Exodo 10:2

ug aron makasugilon kamo sa inyong mga anak ug sa inyong mga apo kon unsa ang akong gibuhat ngadto sa mga Ehiptohanon ug ang mga ilhanan nga gibuhat nako sa taliwala nila, aron mahibalo kamo nga ako mao ang Ginoo.”

Exodo 12:25

Ug sa diha nga mosulod kamo sa yuta nga ihatag sa Ginoo kaninyo sumala sa iyang gisaad, tumana ninyo kini nga tulumanon.

Exodo 13:22

Ang haligi nga panganod panahon sa adlaw ug ang haligi nga kalayo panahon sa gabii wala mobiya sa atubangan sa mga tawo.

Isaias 38:19

Ang buhi, ang buhi, siya magdayeg kanimo, sama sa akong gihimo niining adlawa; ang amahan mopaila ngadto sa iyang mga anak sa imong pagkamatinumanon.

Mga Taga-Efeso 6:4

Ug kamong mga amahan, ayaw ninyo hagita sa pagkasuko ang inyong mga anak, kondili matutoa hinuon ninyo sila diha sa pagpanton ug pagtulun-an sa Ginoo.

Deuteronomio 11:19

Ug itudlo ninyo kini sa inyong mga anak, maghisgot niini sa dihang manglingkod kamo diha sa inyong balay ug sa dihang maglakaw kamo sa dalan, ug sa dihang manghigda kamo ug sa dihang mobangon kamo.

Deuteronomio 32:7

Hinumdomi ang mga adlaw sa unang panahon, palandonga ang mga tuig sa daghang kaliwatan; pangutan-a ang inyong amahan ug siya magpadayag kaninyo; ang inyong mga kadagkoan ug sila motug-an kaninyo.

Deuteronomio 6:20

“Sa diha nga ang inyong anak mangutana kaninyo sa umaabot nga panahon, ‘Unsa ba ang kahulogan sa mga pagpamatuod ug sa mga lagda ug mga tulumanon nga gisugo kaninyo sa Ginoo nga atong Dios?’

Deuteronomio 6:7

Itudlo ninyo kini sa makugihon ngadto sa inyong mga anak, ug hisgoti ninyo kini sa dihang maglingkod kamo diha sa inyong balay ug sa dihang maglakaw kamo sa dalan ug sa inyong paghigda ug sa inyong pagbangon.