Exodo 12:15

Ang Biblia 2011

Pito ka adlaw kamong magkaon ug pan nga walay patubo. Sa unang adlaw, ipalayo ang tanang patubo sa pan gikan sa inyong mga balay kay si bisan kinsa nga mokaon ug bisan unsa nga may patubo sukad sa unang adlaw hangtod sa ikapito, ang maong tawo ipahimulag gikan sa Israel.

Cross References

Genesis 17:14

Ug ang lalaki nga wala matuli ang iyang yamis ipahimulag gikan sa iyang katawhan. Siya naglapas sa akong kasabotan.”

2 Cronicas 30:21

Ang katawhan sa Israel nga didto sa Jerusalem naghimo sa Kasaulogan sa Pan nga Walay Patubo sulod sa pito ka adlaw uban sa dakong kalipay ug ang mga Levihanon ug ang mga pari nagdayeg sa Ginoo matag adlaw, nag-awit uban sa mga tunog nga tulunggon ngadto sa Ginoo.

Esdras 6:22

Ug ilang gihimo ang Kasaulogan sa Pan nga Walay Patubo sulod sa pito ka adlaw uban sa kalipay kay ang Ginoo naghimo kanila nga malipayon ug naglukmay sa kasingkasing sa hari sa Asiria ngadto kanila, mao nga gitabangan niya sila sa buluhaton sa balay sa Dios, ang Dios sa Israel.

Exodo 12:8

Nianang gabhiona ilang kaonon ang unod nga inasal. Uban sa mga pan nga walay patubo ug sa mga utanon nga pait ila kining kaonon.

Exodo 13:3

Si Moises miingon sa katawhan, “Hinumdomi ninyo kining adlawa nga migawas kamo sa Ehipto, gikan sa balay sa kaulipnan kay ang Ginoo mikuha kaninyo gikan niining dapita pinaagi sa kusog sa iyang kamot. Walay pan nga may patubo nga inyong kaonon.

Exodo 23:15

Himoa ninyo ang Kasaulogan sa Pan nga Walay Patubo sumala sa akong gisugo kaninyo. Magkaon kamo ug pan nga walay patubo sulod sa pito ka adlaw sulod sa gitakda nga panahon sa bulan sa Abib, kay niini migula kamo gikan sa Ehipto ug walay si bisan kinsa nga magpakita sa akong atubangan nga walay dala.

Exodo 30:33

Si bisan kinsa nga magsagol ug sama niini ug magbutang niini sa usa ka langyaw, ipahimulag siya gikan sa iyang katawhan.’ ”

Exodo 30:38

Si bisan kinsa nga magbuhat ug sama niini aron gamiton ingon nga pahumot, kinahanglan nga ipahimulag gikan sa iyang katawhan.”

Exodo 31:14

Tumana ninyo ang adlaw nga igpapahulay, kay kini balaan alang kaninyo. Ang magpasipala niini kinahanglan nga patyon gayod kay si bisan kinsa nga magbuhat ug bisan unsang buluhaton niining adlawa, kanang tawhana ipahimulag gikan sa taliwala sa iyang katawhan.

Exodo 34:18

“Tumana ninyo ang Kasaulogan sa Pan nga Walay Patubo. Pito ka adlaw kamong magkaon ug pan nga walay patubo sumala sa gisugo nako kaninyo, sa panahon nga gitakda sa bulan sa Abib kay sa bulan sa Abib migawas kamo gikan sa Ehipto.

Exodo 34:25

“Ayaw ihalad ang dugo sa inihaw alang kanako uban sa patubo, o ang inihaw alang sa Kasaulogan sa Pagsaylo isalin hangtod sa pagkabuntag.

Levitico 17:10

“Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga magkaon sa bisan unsa nga dugo, akong ipaatubang ang akong nawong batok nianang tawhana nga magkaon ug dugo ug ipahimulag nako siya gikan sa iyang katawhan.

Levitico 17:14

“Kay ang kinabuhi sa tanang buhing binuhat anaa sa dugo niini, busa miingon nako sa katawhan sa Israel: Dili gayod kamo magkaon sa dugo sa bisan unsa nga buhing binuhat, kay ang kinabuhi sa tanan nga buhing binuhat mao ang dugo niini, si bisan kinsa nga magkaon niini ipahimulag siya.

Malaquias 2:12

Puohon unta sa Ginoo gikan sa tolda ni Jacob ang tawo nga nagbuhat niini, siya nga nagsaksi o mitubag o nagdala ug halad alang sa Ginoo sa mga panon!

Numeros 28:17

Ug sa ikanapulo ug lima nga adlaw niining bulana maoy usa ka kasaulogan, sulod sa pito ka adlaw sa pan nga walay patubo ang kaonon.

Numeros 9:13

Apan ang tawo nga hinlo ug wala mopanaw sa layo, kon magdumili siya sa pagsaulog sa Pagsaylo, ang maong tawo ipahimulag gikan sa iyang katawhan tungod kay wala siya maghalad sa iyang halad alang sa Ginoo sa gitakdang panahon niini; ang maong tawo magpas-an sa iyang sala.

Mateo 16:12

Unya nakasabot na sila nga wala diay siya magsulti kanila sa paglikay sa patubo sa pan kondili nga ilang likayan ang pagtulun-an sa mga Pariseo ug sa mga Saduceo.

Lucas 12:1

Sa maong higayon, sa nagkatigom ang linibo sa mga panon sa katawhan nga tungod niana nagkatinumbanay sila, si Jesus misugod sa pagsulti ngadto una sa iyang mga tinun-an, “Pagbantay kamo sa patubo sa pan sa mga Pariseo nga mao ang pagpakaaron-ingnon.

Lucas 2:43

Sa dihang natapos na ang kasaulogan, sa ilang pagpamauli, nagpabilin sa Jerusalem ang bata nga si Jesus. Ang iyang mga ginikanan wala mahibalo niini.

Mga Buhat 12:3

Ug sa nakita niya nga kini nakapahimuot sa mga Judio, mipadayon siya sa pagdakop usab kang Pedro. Nahitabo kini sa mga adlaw sa Pan nga Walay Patubo.

Mga Taga-Galacia 5:12

Maayo pa unta hinuon nga kadtong nagpalibog kaninyo magkapon sa ilang kaugalingon!

Deuteronomio 16:3

Ayaw kamo pagkaon ug pan nga adunay patubo uban niini. Pito ka adlaw nga kamo magkaon niini uban ang pan nga walay patubo, ang pan sa kasakit kay midali kamo sa paggula gikan sa yuta sa Ehipto, aron nga sa tanang mga adlaw sa inyong kinabuhi mahinumdom kamo sa adlaw nga migula kamo gikan sa yuta sa Ehipto.

Deuteronomio 16:5

Dili kamo maghalad sa inihaw alang sa Pagsaylo sa bisan diin sulod sa inyong mga lungsod nga gihatag kaninyo sa Ginoo nga inyong Dios,

Deuteronomio 16:8

Sa unom ka adlaw pangaon kamo ug pan nga walay patubo ug sa ikapitong adlaw kinahanglan nga adunay balaan nga panagtigom alang sa Ginoo nga inyong Dios. Ayaw kamo paghimo ug buluhaton niining adlawa.