Exodo 12:13

Ang Biblia 2011

Ang dugo mao unyay ilhanan alang kaninyo diha sa mga balay nga inyong gipuy-an. Ug kon makita nako ang dugo, mosaylo ako kaninyo ug walay katalagman nga moabot kaninyo sa diha nga hampakon nako ang Ehipto.

Cross References

Genesis 17:11

Busa kinahanglan nga tulion ang inyong yamis, ug kini mao ang timaan sa kasabotan tali kanako ug kaninyo.

Exodo 12:11

Ingna ninyo pagkaon niini: pagbakos kamo, pagsul-ob kamo ug sandalyas sa inyong mga tiil, ug ang inyong mga sungkod anaa sa inyong mga kamot. Kaona ninyo kini nga magdali. Mao kini ang Pagsaylo sa Ginoo.

Exodo 12:23

Kay ang Ginoo moagi aron sa pagpatay sa mga Ehiptohanon; ug sa dihang makita niya ang dugo sa ibabaw sa pultahan ug sa duha ka haligi niini, ang Ginoo mosaylo sa pultahan, ug dili motugot sa tiglaglag nga makasulod sa inyong balay sa pagpatay kaninyo.

Exodo 12:7

Unya magkuha sila ug dugo ug ipahid nila kini diha sa duha ka haligi sa pultahan ug sa ibabaw sa pultahan sa mga balay diin sila magkaon niini.

Ezequiel 9:4

Ug ang Ginoo miingon kaniya, “Lakaw, latas sa siyudad, latas sa Jerusalem, ug ibutang ang usa ka timaan diha sa mga agtang sa mga tawo nga nagpanghupaw ug nag-agulo tungod sa tanang mga dulumtanan nga gibuhat diha niini.”

1 Mga Taga-Tesalonica 1:10

ug sa pagpaabot sa iyang Anak gikan sa langit, nga iyang gibanhaw gikan sa mga patay, si Jesus nga nagluwas kanato gikan sa kapungot nga umaabot.

Mga Hebreo 11:28

Tungod sa pagtuo iyang gihimo ang tulumanon sa Pagsaylo ug gisablig ang dugo aron siya nga naglaglag sa mga panganay dili motandog kanila.

Josue 2:12

Busa karon, panumpa kamo kanako sa ngalan sa Ginoo, ingon nga ako naghatag kaninyo ug maayong pagtagad, kamo usab kinahanglang maluoy sa panimalay sa akong amahan, ug hatagi ako ug usa ka tino nga ilhanan.

Josue 2:18

Tan-awa, sa diha nga kami manulod na sa yuta, kining pulang pisi nga imong gigamit aron sa pagtunton kanamo, ihigot sa bintana ug tigoma sa imong balay ang imong amahan ug ang imong inahan, ang imong mga igsoon ug ang tanang sakop sa panimalay sa imong amahan.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.