Exodo 12:11

Ang Biblia 2011

Ingna ninyo pagkaon niini: pagbakos kamo, pagsul-ob kamo ug sandalyas sa inyong mga tiil, ug ang inyong mga sungkod anaa sa inyong mga kamot. Kaona ninyo kini nga magdali. Mao kini ang Pagsaylo sa Ginoo.

Cross References

2 Mga Hari 23:21

Unya ang hari nagsugo sa tibuok katawhan, “Tumana ang Kasaulogan sa Pagsaylo alang sa Ginoo nga inyong Dios, sumala sa nasulat niining basahon sa kasabotan.”

Exodo 12:13

Ang dugo mao unyay ilhanan alang kaninyo diha sa mga balay nga inyong gipuy-an. Ug kon makita nako ang dugo, mosaylo ako kaninyo ug walay katalagman nga moabot kaninyo sa diha nga hampakon nako ang Ehipto.

Exodo 12:21

Unya gipatawag ni Moises ang tanang mga pangulo sa Israel ug miingon siya kanila, “Pagpili kamo ug mga nating karnero alang kaninyo sumala sa inyong mga panimalay, ug ihawa kini alang sa Pagsaylo.

Exodo 12:27

Kamo moingon, ‘Mao kini ang halad sa Pagsaylo sa Ginoo kay misaylo siya sa mga balay sa katawhan sa Israel didto sa Ehipto, sa dihang gipamatay niya ang mga Ehiptohanon, apan gisayloan niya ang atong mga panimalay.’ ” Ug ang katawhan miduko ug misimba.

Exodo 12:43

Unya ang Ginoo miingon kang Moises ug kang Aaron, “Kini mao ang tulumanon sa Kasaulogan sa Pagsaylo. Kinahanglan nga walay langyaw nga mokaon niini.

Isaias 52:12

Kay kamo dili manggula nga magdali, ug dili kamo mangagiw kay ang Ginoo mag-una kaninyo, ug ang Dios sa Israel mao ang magbantay sa inyong luyo.

Ezequiel 45:21

“Sa unang bulan, sa ikanapulo ug upat nga adlaw sa bulan, himoa ninyo ang kasaulogan sa Pagsaylo, ug sulod sa pito ka adlaw ang pan nga walay patubo maoy kan-on ninyo.

Levitico 23:5

Sa unang bulan, sa ikanapulo ug upat nga adlaw sa bulan, taliwala sa duha ka gabii, mao ang Kasaulogan sa Pagsaylo sa Ginoo.

Numeros 28:16

“Sa ikanapulo ug upat nga adlaw sa unang bulan mao ang Pagsaylo sa Ginoo.

Numeros 9:1

Ug ang Ginoo misulti kang Moises didto sa kamingawan sa Sinai, sa unang bulan sa ikaduhang tuig human sa ilang paggawas sa yuta sa Ehipto, nga nag-ingon,

Lucas 12:35

“Pangandam kamo ug pasigaa ang inyong mga suga.

Lucas 15:22

Apan ang amahan miingon sa iyang mga sulugoon, ‘Dad-a pagdali ang labing maayong bisti ug isul-ob kini kaniya, ug butangig singsing ang iyang kamot ug sapatosi ang iyang mga tiil.

Lucas 2:41

Unya ang iyang mga ginikanan mag-adtoan sa Jerusalem matag tuig, sa Kasaulogan sa Pagsaylo.

Lucas 7:38

Sa nagtindog siya nga naghilak luyo sa tiilan ni Jesus, misugod siya sa paghumod sa mga tiil ni Jesus pinaagi sa iyang mga luha ug gipahiran kini pinaagi sa buhok sa iyang ulo, ug mihalok sa iyang mga tiil, ug unya gidihogan kini ug pahumot.

1 Mga Taga-Corinto 5:7

Hinloa gikan kaninyo ang daang patubo aron kamo mahimong bag-ong minasa ingon nga kamo walay patubo. Kay gihalad na si Cristo, ang nating karnero sa Pagsaylo.

Mga Taga-Efeso 6:15

ug sinul-oban ang inyong mga tiil sa kaandam sa pagsangyaw sa Maayong Balita sa pakigdait.

Deuteronomio 16:1

“Bantayi ninyo ang bulan sa Abib ug sauloga ang Pagsaylo alang sa Ginoo nga inyong Dios, kay sa bulan sa Abib gikuha kamo sa Ginoo nga inyong Dios gikan sa Ehipto niadtong usa ka gabii.

Josue 5:10

Samtang ang katawhan sa Israel nagkampo sa Gilgal, ilang gisaulog ang Pagsaylo sa pagkagabii sa ikanapulo ug upat nga adlaw sa bulan, didto sa kapatagan sa Jerico.

1 Pedro 1:13

Busa andama ang inyong mga salabotan, pagmaugdang, laomi ninyo sa hingpit ang grasya nga ihatag kaninyo inigpadayag unya kang Jesu-Cristo.