Exodo 11:6

Ang Biblia 2011

Ug aduna unyay dakong pagminatay sa tibuok yuta sa Ehipto nga ang ingon niini wala pa gayod mahitabo, o aduna pay ingon niini nga mahitabo.

Cross References

Exodo 11:7

Apan walay bisan usa ka iro nga mousig batok kang bisan kinsa sa katawhan sa Israel, tawo o mananap. Pinaagi niini masayran ninyo nga ang Ginoo nagbuhat ug kalainan taliwala sa mga Ehiptohanon ug sa Israel.

Exodo 12:30

Ug niadtong gabhiona mibangon ang Paraon ug ang tanan niyang alagad, ug ang tanang mga Ehiptohanon. Ug dihay dakong pagminatay sa Ehipto kay walay balay didto nga walay usa nga namatay.

Exodo 3:7

Unya ang Ginoo miingon, “Nakita nako ang kasakit sa akong katawhan nga atua sa Ehipto ug nadungog nako ang ilang pagtuaw tungod sa mga tigdumala sa buhat ug nahibaloan nako ang ilang kasakitan.

Exodo 9:18

Ugma sa ingon niining taknaa magpaulan ako ug hilabihan ka daghan nga yelo nga wala pa gayod mahitabo sa Ehipto sukad sa adlaw nga kini natukod hangtod karon.

Mga Panultihon 21:13

Siya na nagsampong sa iyang mga dalunggan sa pagpakitabang sa kabos, magpakitabang usab apan dili pamation.

Isaias 15:8

Kay ang pagtuaw moabot nga maglibot sa yuta sa Moab; ang pagminatay moabot hangtod sa Eglaim, ang pagminatay moabot hangtod sa Beer-elim.

Isaias 19:16

Nianang adlawa ang mga Ehiptohanon mahimong sama sa mga babaye, ug sila mangurog uban ang kahadlok tungod sa kamot nga gibakyaw ibabaw kanila sa Ginoo sa mga panon nga iyang gibakyaw ibabaw kanila.

Jeremias 31:15

Mao kini ang giingon sa Ginoo, “Usa ka tingog nadungog didto sa Rama, pagbangutan ug hilabihang paghilak. Si Raquel naghilak tungod sa iyang mga anak; nagdumili siya nga mahupay tungod sa iyang mga anak, kay sila wala na man.”

Mga Pagbangotan 3:8

bisan ug ako nagtawag ug nagpakitabang, iyang gitakpan ang akong pag-ampo;

Amos 5:17

diha sa tanang kaparasan adunay mga pagminatay, kay ako moagi sa taliwala ninyo,” nag-ingon ang Ginoo.

Sofonias 1:10

“Nianang adlawa,” nag-ingon ang Ginoo, “usa ka paghilak ang madungog gikan sa Ganghaan sa Isda, dangoyngoy gikan sa Ikaduhang Puluy-anan, ang dakong dahunog sa pagkahugno gikan sa kabungtoran.

Lucas 13:28

Ug didto manghilak kamo ug magkagot ang inyong mga ngipon sa dihang makita ninyo si Abraham ug si Isaac ug si Jacob ug ang tanang mga propeta diha sa sulod sa gingharian sa Dios, ug kamo mismo abogon ngadto sa gawas.