Exodo 11:4

Ang Biblia 2011

Si Moises miingon, “Mao kini ang giingon sa Ginoo: Sa mga tungang gabii mosuroy ako sa taliwala sa Ehipto.

Cross References

2 Samuel 5:24

Ug sa diha nga ikaw makadungog ug dinahunog sa paglakaw didto sa ibabaw sa mga kahoy nga balsamo, pangandam sa imong kaugalingon, kay niana ang Ginoo nag-una kanimo aron sa pagbuntog sa kasundalohan sa mga Filistihanon.”

Job 34:20

Sa usa lamang ka pagpamilok sila mangamatay; sa tungang gabii, ang mga tawo mauyog ug mangawala, ug ang mga gamhanan gipanguha sa kamot nga dili tawhanon.

Salmo 60:10

Wala ba kami nimo isalikway, O Dios? Ikaw, O Dios, wala mouban sa among mga kasundalohan.

Salmo 81:5

Gihimo niya kini nga usa ka sugo alang kang Jose, sa diha nga migula siya batok sa yuta sa Ehipto. Nakadungog ako ug tingog nga wala nako mailhi:

Exodo 12:12

Kay molatas ako nianang gabhiona sa yuta sa Ehipto ug pamatyon nako ang tanang kamagulangan sa yuta sa Ehipto, tawo ug mananap, ug hukman nako ang tanang diosdios sa Ehipto. Ako ang Ginoo.

Exodo 12:23

Kay ang Ginoo moagi aron sa pagpatay sa mga Ehiptohanon; ug sa dihang makita niya ang dugo sa ibabaw sa pultahan ug sa duha ka haligi niini, ang Ginoo mosaylo sa pultahan, ug dili motugot sa tiglaglag nga makasulod sa inyong balay sa pagpatay kaninyo.

Exodo 12:29

Sa pagkatungang gabii gipamatay sa Ginoo ang tanang kamagulangan sa yuta sa Ehipto, gikan sa kamagulangan sa Paraon nga naglingkod sa iyang trono hangtod sa kamagulangan sa bihag nga anaa sa bilanggoan ug sa tanang kamagulangan sa kahayopan.

Isaias 42:13

Ang Ginoo mogula sama sa usa ka gamhanan nga tawo, sama sa tawo sa gubat siya mangisog pag-ayo; siya mosinggit, siya mosinggit ug kusog; siya magpakita sa iyang kaugalingon nga kusgan batok sa iyang mga kaaway.

Amos 4:10

“Gipadad-an ko kamo sa kamatay sama sa nahitabo sa Ehipto. gipamatay nako ang inyong mga batan-ong lalaki pinaagi sa espada; gikuha nako ang inyong mga kabayo; ug akong gipasulod ang kabaho sa inyong kampo nganha sa inyong mga ilong apan bisan pa niana, kamo wala mobalik kanako,” nag-ingon ang Ginoo.

Amos 5:17

diha sa tanang kaparasan adunay mga pagminatay, kay ako moagi sa taliwala ninyo,” nag-ingon ang Ginoo.

Miqueas 2:13

Siya nga magbukas ug agianan mosaka una kanila; sila molapos ug moagi sa ganghaan ug mogula pinaagi niini. Ang ilang hari molabay sa ilang atubangan, ang Ginoo nga nangulo kanila.

Mateo 25:6

Apan sa pagkatungang gabii dihay singgit, ‘Tan-awa, ang pamanhonon! Panggula kamo ug sugata ninyo siya!’