Exodo 11:2

Ang Biblia 2011

Sultihi ang katawhan nga ang tanang lalaki ug babaye mangayo sa ilang silingan ug mga alahas nga plata ug mga alahas nga bulawan.”

Cross References

Genesis 24:53

Ug ang sulogoon mipagawas sa mga alahas nga plata ug mga alahas nga bulawan ug mga bisti ug kini gihatag kang Rebecca. Mihatag usab siya ug mga mahalong butang ngadto sa igsoon nga lalaki ug sa inahan ni Rebecca.

Genesis 31:9

Sa ingon niini gikuha sa Dios ang kahayopan sa imong amahan ug iyang gihatag kanako.

Salmo 105:37

Unya gipagula niya ang Israel uban sa plata ug bulawan, ug sa iyang mga banay walay usa ka tawo nga luya.

Salmo 24:1

Iya sa Ginoo ang yuta ug ang tanan nga anaa niini, ang kalibotan ug ang mga nagpuyo niini;

Exodo 3:21

Ug ako maghimo niining katawhan nga kahimut-an sa mga mata sa mga Ehiptohanon, ug sa paglakaw ninyo, dili kamo molakaw nga walay mga dala.

Exodo 3:22

Apan ang matag babaye mangayo ug mga alahas nga plata, mga alahas nga bulawan ug mga bisti gikan sa iyang silingan ug sa babaye nga nag-abot sa iyang balay, ug ipanul-ob ninyo kini sa inyong mga anak nga lalaki ug sa inyong mga anak nga babaye. Niining paagiha makuhaan ninyo ug bahandi ang mga Ehiptohanon.”

Exodo 32:24

Ug ako miingon kanila, ‘Si bisan kinsa nga adunay bulawan, tangtanga ninyo kana.’ Ug ila kining gihatag kanako ug giitsa nako kini sa kalayo ug migula kining nating baka.”

Exodo 35:22

Nangadto sila, ang mga lalaki ug mga babaye, ang tanan nga may mahinangpon nga mga kasingkasing nagdala ug mga dayandayan, mga ariyos, mga singsing ug mga pulseras, ug ang tanang matang sa butang nga bulawan, ang matag usa naghalad ug usa ka halad nga bulawan ngadto sa Ginoo.

Mga Panultihon 13:22

Ang usa ka maayong tawo magbilin ug usa ka panulundon alang sa mga anak sa iyang mga anak, apan ang katigayonan sa mga makasasala gitigom alang sa mga matarong.

Hageo 2:8

Ang plata akoa ug ang bulawan akoa usab, nag-ingon ang Ginoo sa mga panon.

Mateo 20:15

Wala ba diay akoy katungod sa paggamit sa akong mga kabtangan sumala sa akong kabubut-on? O imo ba diay akong bagutbotan tungod sa akong pagkamahinatagon?’