Exodo 11:10

Ang Biblia 2011

Si Moises ug si Aaron mibuhat niining tanang mga kahibulongan sa atubangan sa Paraon. Ug gipagahi sa Ginoo ang kasingkasing sa Paraon ug wala siya motugot sa pagpalakaw sa katawhan sa Israel gawas sa iyang yuta.

Cross References

Job 9:4

Siya maalamon sa kasingkasing ug gamhanan sa kusog, kinsa ang nagpagahi sa iyang kaugalingon batok kaniya ug nagmalamposon?

Exodo 10:20

Apan gipagahi sa Ginoo ang kasingkasing sa Paraon ug wala niya tugoti sa paglakaw ang mga anak ni Israel.

Exodo 10:27

Apan gipagahi sa Ginoo ang kasingkasing sa Paraon ug wala niya sila tugoti sa paglakaw.

Exodo 12:1

Ang Ginoo miingon kang Moises ug kang Aaron didto sa yuta sa Ehipto,

Exodo 3:19

Nahibalo ako nga ang hari sa Ehipto dili motugot kaninyo sa paglakaw, gawas kon pinaagi sa usa ka gamhanang kamot.

Exodo 4:21

Ug ang Ginoo miingon kang Moises, “Sa imong pagbalik sa Ehipto, tan-awa nga imong buhaton sa atubangan sa Paraon ang tanang kahibulongan nga akong gibutang sa imong kamot, apan akong pagahion ang iyang kasingkasing aron dili niya tugotan sa paglakaw ang katawhan.

Exodo 7:3

Apan akong pagahion ang kasingkasing sa Paraon ug padaghanon nako sa yuta sa Ehipto ang akong mga ilhanan ug mga kahibulongan.

Exodo 9:12

Apan gipagahi sa Ginoo ang kasingkasing sa Paraon ug siya wala mamati kanila, sumala sa gisulti sa Ginoo kang Moises.

Isaias 63:17

O Ginoo, nganong gipahisalaag man nimo kami gikan sa imong mga dalan, ug gipagahi ang among kasingkasing aron dili kami mahadlok kanimo? Balik tungod ug alang sa imong mga alagad, ang mga banay sa imong panulundon.

Juan 12:40

“Iyang gibutaan ang ilang mga mata ug gipagahi ang ilang kasingkasing, kay tingali unya ug makakita sila pinaagi sa ilang mga mata, ug makasabot pinaagi sa ilang kasingkasing, ug mamalik kanako aron ayohon nako sila.”

Roma 9:18

Busa ang Dios may kaluoy kang bisan kinsa nga buot niya, ug magpagahi sa kasingkasing ni bisan kinsa nga buot niya.

Roma 9:22

Unsa man kon ang Dios, sa tinguha sa pagpadayag sa iyang kapungot ug sa pagpaila sa iyang gahom, miantos diha a dakong pagpailob sa mga butang nga kapungtanan nga angay sa kalaglagan,

Deuteronomio 2:30

Apan si Sihon nga hari sa Hesbon wala mopaagi kanato sa iyang kayutaan kay ang Ginoo nga inyong Dios nagpagahi sa iyang espiritu ug nagpatig-a sa iyang kasingkasing aron iyang itugyan siya sa inyong kamot sama niining adlawa.

Josue 11:20

Kay kadto buhat man sa Ginoo sa pagpagahi sa ilang mga kasingkasing, aron nga makig-away sila batok sa Israel aron malaglag gayod sila ug dili makadawat ug kaluoy, kondili aron mangapuo sumala sa gisugo sa Ginoo kang Moises.

1 Samuel 6:6

Nganong pagahion ninyo ang inyong mga kasingkasing sama sa mga Ehiptohanon ug sa Paraon nga nagpagahi sa ilang mga kasingkasing? Human niya sila duladulai, dili ba gipalakaw man nila ang katawhan ug sila nanglakaw?