Exodo 10:9

Ang Biblia 2011

Si Moises miingon, “Manglakaw kami uban ang among mga bata ug mga tigulang. Manglakaw kami uban ang among mga anak nga lalaki ug mga anak nga babaye, uban ang among mga panon sa mga karnero ug sa baka kay kinahanglan nga maghimo kami ug kasaulogan alang sa Ginoo.”

Cross References

Genesis 50:8

ug ang tibuok nga panimalay ni Jose, ug ang iyang mga igsoon nga lalaki, ug ang panimalay sa iyang amahan. Ang ilang gibilin sa yuta sa Gosen mao lamang ang ilang mga anak, ug ang ilang mga karnero, ug ang ilang mga baka.

Exodo 10:10

Ug ang Paraon miingon kanila, “Hinaot unta nga ang Ginoo mag-uban kaninyo kon ako magtugot sa pagpalakaw kaninyo ug sa inyong mga bata. Tan-awa, aduna kamoy daotang tuyo diha sa inyong mga hunahuna.

Exodo 10:26

Ang among kahayopan kinahanglang uban usab kanamo. Walay bisan usa ka kuko nga mahibilin kay kami magkuha gikan niini aron mag-alagad sa Ginoo nga among Dios. Wala kami mahibalo kon unsang butanga ang kinahanglan sa among pag-alagad sa Ginoo, hangtod nga moabot kami didto.”

Exodo 12:32

Dad-a usab ninyo ang inyong mga karnero ug ang inyong mga baka sumala sa inyong gisulti. Ug panglakaw kamo ug panalangini usab ako ninyo!”

Exodo 12:37

Ang katawhan sa Israel mipanaw gikan sa Rameses padulong sa Sucot. Mga unom ka gatos ka libo ka lalaki ang nanglakaw, gawas sa mga bata.

Exodo 12:38

Mipanaw usab uban kanila ang nagsagol nga panon sa katawhan ug mga karnero ug kahayopan nga hilabihan ka daghan.

Exodo 13:6

Pito ka adlaw nga kamo magkaon sa pan nga walay patubo, ug sa ikapitong adlaw himoa ang kasaulogan ngadto sa Ginoo.

Exodo 3:18

Sila mamati sa imong tingog ug ikaw ug ang mga pangulo sa Israel moadto sa hari sa Ehipto ug moingon kaniya, ‘Si Yahweh, ang Dios sa mga Hebreo, nagpakita kanamo, ug karon naghangyo kami kanimo sa pagtugot kanamo sa paglakaw ug tulo ka adlaw nga panaw ngadto sa kamingawan aron maghalad kami ngadto kang Yahweh nga among Dios.’

Exodo 5:1

Unya miadto si Moises ug si Aaron sa Paraon ug miingon kaniya, “Mao kini ang giingon ni Yahweh, ang Dios sa Israel, ‘Tugoti sa paglakaw ang akong katawhan aron sila makahimo ug kasaulogan alang kanako didto sa kamingawan.’ ”

Exodo 5:3

Unya sila miingon, “Ang Dios sa mga Hebreo nakigkita kanamo. Tugoti kami sa paglakaw ug tulo ka adlaw nga panaw ngadto sa kamingawan aron kami makahalad ngadto sa Ginoo nga among Dios, basin unya ug silotan kami niya pinaagi sa kamatay ug espada.”

Mga Panultihon 3:9

Pasidunggi ang Ginoo pinaagi sa imong katigayonan ug sa mga unang bunga sa tanan nimong abot;

Ecclesiastes 12:1

Hinumdomi usab ang imong Magbubuhat sa mga adlaw sa imong pagkabatan-on, sa dili pa moabot ang daotan nga mga adlaw, ug ang mga tuig magkaduol sa diha nga ikaw moingon, “Wala na akoy kalipay diha niini”;

Numeros 29:12

“Sa ikanapulo ug lima nga adlaw sa ikapito nga bulan, kamo maghimo ug usa ka balaan nga panagtigom; dili kamo magbuhat ug bug-at nga buluhaton ug magsaulog kamo alang sa Ginoo sulod sa pito ka adlaw.

Mga Taga-Efeso 6:4

Ug kamong mga amahan, ayaw ninyo hagita sa pagkasuko ang inyong mga anak, kondili matutoa hinuon ninyo sila diha sa pagpanton ug pagtulun-an sa Ginoo.

Josue 24:15

Ug kon dili kamo buot moalagad sa Ginoo, pagpili kamo niining adlawa kon kinsa ang inyong alagaran, ang mga dios ba nga gialagaran sa inyong katigulangan didto sa unahan sa Suba o ang mga dios ba sa mga Amorihanon nga ang yuta mao ang inyong gipuy-an. Apan alang kanako ug sa akong panimalay, mag-alagad kami sa Ginoo.”