Exodo 10:7

Ang Biblia 2011

Unya ang mga alagad sa Paraon miingon kaniya, “Hangtod kanus-a ba nga kining tawhana mahimong usa ka bitik alang kanato? Tugoti sa paglakaw kining mga katawhan aron makaalagad sila sa Ginoo nga ilang Dios. Wala pa ba ikaw makasabot nga ang Ehipto nalaglag na?”

Cross References

Salmo 107:34

ang tabunok nga yuta ngadto sa asinon nga dapit, tungod sa pagkadaotan nila nga nagpuyo niini.

Exodo 12:33

Ang mga Ehiptohanon mipadali sa katawhan sa pagbiya dayon gikan sa nasod kay sila nag-ingon, “Mangamatay na kaming tanan.”

Exodo 23:33

Kinahanglan nga dili sila mopuyo sa inyong yuta kay tingali unya ug sila mag-angin kaninyo sa pagpakasala batok kanako kay kon mag-alagad kamo sa ilang mga diosdios, kini gayod mahimong usa ka lit-ag alang kaninyo.”

Exodo 7:5

Ug ang mga Ehiptohanon mahibalo nga ako mao ang Ginoo, sa diha nga tuy-oron nako ang akong kamot batok sa Ehipto ug kuhaon nako ang katawhan sa Israel gikan sa taliwala nila.”

Exodo 8:19

Unya ang mga tigsalamangka miingon sa Paraon, “Kini mao ang tudlo sa Dios.” Apan ang kasingkasing sa Paraon migahi ug siya wala mamati kanila sumala sa gisulti sa Ginoo.

Mga Panultihon 29:6

Ang daotan nga tawo nalit-ag diha sa iyang kalapasan, apan ang matarong nga tawo nag-awit ug naglipay.

Ecclesiastes 7:26

Ug nakaplagan nako nga labaw pang pait kay sa kamatayon ang babaye nga ang kasingkasing mga lit-ag ug mga pukot, ug nga ang mga kamot mga posas. Siya nga nakapahimuot sa Dios makagawas gikan kaniya apan ang makasasala mabihag niya.

Isaias 14:20

Dili ikaw iipon kanila sa paglubong, tungod kay imong gilaglag ang imong yuta, imong gipamatay ang imong katawhan. Dili na unta hisgotan ang kaliwatan sa mga tigbuhat ug daotan!

Isaias 51:9

Pagmata, pagmata, paglig-on, O bukton sa Ginoo; pagmata ingon sa karaan nga mga adlaw, mga kaliwatan sa karaang panahon. Dili ba ikaw mao ang nagtagodtagod kang Rahab, ang nagdunggab sa dragon?

Jeremias 48:4

Ang Moab nalaglag; nabati ang paghilak sa kabataan niini.

Jeremias 51:8

Ang Babilonia sa kalit napukan ug nabuak; pagminatay kamo alang kaniya! Pagkuha kamo ug tambal alang sa iyang samad; basin ug mamaayo siya.

Sofonias 1:18

Ang ilang plata ug ang ilang bulawan dili makaluwas kanila sa adlaw sa kaligutgot sa Ginoo, sa kalayo sa iyang pagpangabubho, ang tibuok kalibotan maut-ot; kay sa kalit taposon niya sa makalilisang gayod silang tanan nga nagpuyo sa yuta.

1 Mga Taga-Corinto 7:35

Ako nagsulti niini alang sa inyong kaayohan, dili sa pagpugong kaninyo, kondili alang sa mga butang nga angay ug aron mahingpit gayod ang inyong pag-alagad sa Ginoo.

Josue 23:13

hibaloi gayod nga ang Ginoo nga inyong Dios dili mopadayon sa pag-abog niining mga nasod gikan sa inyong atubangan apan sila mahimong bitik ug lit-ag alang kaninyo, usa ka hampak sa inyong mga kilid ug mga tunok sa inyong mga mata hangtod nga kamo mahanaw niining maayong yuta nga gihatag kaninyo sa Ginoo nga inyong Dios.

1 Samuel 18:21

Si Saul naghunahuna, “Ihatag nako siya kaniya aron siya mahimong lit-ag kaniya ug nga ang kamot sa mga Filistihanon makigbatok kaniya.” Busa si Saul miingon kang David sa ikaduhang higayon, “Ikaw karon mahimong akong umagad.”

1 Samuel 5:11

Busa ilang gipasugoan ug gitigom ang tanang pangulo sa mga Filistihanon ug sila miingon, “Ipalayo ang sudlanan sa kasabotan sa Dios sa Israel ug ipabalik kana ngadto sa iyang dapit aron dili kana mopatay kanato ug sa atong katawhan,” kay dihay makamatay nga kalisang sa tibuok nga siyudad. Ang kamot sa Dios bug-at kaayo didto.