Exodo 10:4

Ang Biblia 2011

Kay kon magdumili ikaw sa pagpalakaw sa akong katawhan, magpadala ako ugma ug mga dulon sa imong nasod,

Cross References

Exodo 10:3

Busa si Moises ug si Aaron miadto sa Paraon ug miingon kaniya, “Mao kini ang giingon sa Ginoo, ang Dios sa mga Hebreo, ‘Unsa ba kadugay nga magdumili ikaw sa pagpaubos sa imong kaugalingon sa akong atubangan? Tugoti sa paglakaw ang akong katawhan aron sila makaalagad kanako.

Exodo 10:5

ug lukpon nila pagtabon ang yuta, nga tungod niini wala nay makakita sa yuta. Kaonon nila ang nahibilin kaninyo human sa ulan nga yelo ug kaonon nila ang tanang kahoy nga nagtubo diha sa kapatagan.

Exodo 4:23

ug ako mag-ingon kanimo, “Tugoti nga molakaw ang akong anak, aron siya makaalagad kanako.” Apan kon ikaw magdumili sa pagpalakaw kaniya, patyon nako ang imong kamagulangan nga anak nga lalaki.’ ”

Exodo 5:1

Unya miadto si Moises ug si Aaron sa Paraon ug miingon kaniya, “Mao kini ang giingon ni Yahweh, ang Dios sa Israel, ‘Tugoti sa paglakaw ang akong katawhan aron sila makahimo ug kasaulogan alang kanako didto sa kamingawan.’ ”

Exodo 8:10

Ug ang Paraon miingon, “Ugma.” Si Moises miingon, “Matuman kini sumala sa imong pulong, aron mahibalo ikaw nga walay usa nga sama sa Ginoo nga among Dios.

Exodo 8:23

Ug magbutang ako ug usa ka ali sa taliwala sa akong katawhan ug sa imong katawhan. Ugma mahitabo kining maong milagro.’ ”

Exodo 9:18

Ugma sa ingon niining taknaa magpaulan ako ug hilabihan ka daghan nga yelo nga wala pa gayod mahitabo sa Ehipto sukad sa adlaw nga kini natukod hangtod karon.

Exodo 9:5

Ug ang Ginoo nagtakda ug panahon nga nag-ingon, “Ugma buhaton sa Ginoo kining butanga dinhi sa Ehipto.”

Mga Panultihon 30:27

ang mga dulon walay hari, apan ang tanan kanila nagpanon sa ilang pagpanaw.

Joel 2:25

Akong ibalik kaninyo ang mga tuig nga gikaon sa nagpanon nga mga dulon, sa lukton, sa tigpangdaot ug sa tigpamutol, ang akong dako nga kasundalohan nga akong gipadala sa inyong taliwala.

Deuteronomio 28:38

Magdala kamo ug daghang binhi ngadto sa uma ug makatigom kamo ug diyotay kay ang dulon magkaon niini.

Gipadayag 9:3

Ug gikan sa aso nanggula ang mga dulon nga mihugpa sa yuta, ug kini sila gihatagan ug gahom sama sa gahom sa mga tanga sa yuta.