Exodo 10:3

Ang Biblia 2011

Busa si Moises ug si Aaron miadto sa Paraon ug miingon kaniya, “Mao kini ang giingon sa Ginoo, ang Dios sa mga Hebreo, ‘Unsa ba kadugay nga magdumili ikaw sa pagpaubos sa imong kaugalingon sa akong atubangan? Tugoti sa paglakaw ang akong katawhan aron sila makaalagad kanako.

Cross References

1 Mga Hari 18:21

Ug si Elias miduol ngadto sa tibuok katawhan ug miingon, “Hangtod kanus-a ba nga kamo magpalingpaling taliwala sa duha ka panghunahuna? Kon ang Ginoo mao ang Dios, sunod kamo kaniya, apan kon si Baal, sunod kamo kaniya.” Ug ang katawhan wala motubag kaniya bisan usa ka pulong.

1 Mga Hari 21:29

“Nakita ba nimo kon giunsa ni Ahab pagpaubos ang iyang kaugalingon sa akong atubangan? Tungod kay siya nagpaubos sa iyang kaugalingon sa akong atubangan, dili nako ipadangat ang kadaot sa iyang mga adlaw, apan sa mga adlaw sa iyang anak ipadangat nako ang kadaot sa iyang balay.”

2 Mga Hari 22:19

tungod kay ang imong kasingkasing mahinulsolon ug ikaw nagmapaubsanon sa atubangan sa Ginoo, sa pagkadungog nimo sa akong gisulti batok niining dapita ug batok sa mga nagpuyo niini, nga sila unta mahimong biniyaan ug usa ka tinunglo, ug gigisi nimo ang imong mga bisti, ug naghilak ikaw sa akong atubangan, ako usab namati kanimo, nag-ingon Ginoo.

2 Cronicas 33:12

Sa diha nga siya diha sa kasakitan, siya nangaliyupo sa kaluoy sa Ginoo nga iyang Dios ug nagpaubos sa iyang kaugalingon sa hilabihan gayod sa atubangan sa Dios sa iyang mga katigulangan.

2 Cronicas 33:19

Ang iyang pag-ampo ug kon giunsa sa pagdawat sa Dios sa iyang paghangyo, ug ang tanan niyang sala ug ang iyang kalapasan, ug ang mga dapit diin siya magtukod sa mga habog nga dapit ug gipatindog ang mga Asera ug ang mga larawan sa wala pa siya magpaubos sa iyang kaugalingon, kini nasulat sa Kasaysayan sa mga Propeta.

2 Cronicas 34:27

tungod kay ang imong kasingkasing mahinulsolon ug ikaw nagpaubos sa imong kaugalingon sa atubangan sa Dios sa diha nga nakadungog ikaw sa iyang mga pulong batok niining dapita ug batok sa mga nagpuyo niini ug nagpaubos ikaw sa imong kaugalingon sa akong atubangan, ug naggisi sa imong mga bisti ug mihilak sa akong atubangan, ako usab namati kanimo, miingon ang Ginoo.

2 Cronicas 7:14

kon ang akong katawhan nga gitawag sa akong ngalan magpaubos sa ilang kaugalingon ug mag-ampo ug mangita sa akong nawong ug motalikod gikan sa ilang mga daotang pamaagi, ako mamati gikan sa langit ug magpasaylo sa ilang mga sala ug mag-ayo sa ilang yuta.

Job 42:6

tungod niini, gitamay nako ang akong kaugalingon, ug naghinulsol diha sa abog ug sa abo.”

Exodo 10:4

Kay kon magdumili ikaw sa pagpalakaw sa akong katawhan, magpadala ako ugma ug mga dulon sa imong nasod,

Exodo 16:28

Ug ang Ginoo miingon kang Moises, “Hangtod kanus-a ba kamo magdumili sa akong kasugoan ug sa akong mga balaod?

Exodo 4:23

ug ako mag-ingon kanimo, “Tugoti nga molakaw ang akong anak, aron siya makaalagad kanako.” Apan kon ikaw magdumili sa pagpalakaw kaniya, patyon nako ang imong kamagulangan nga anak nga lalaki.’ ”

Exodo 5:1

Unya miadto si Moises ug si Aaron sa Paraon ug miingon kaniya, “Mao kini ang giingon ni Yahweh, ang Dios sa Israel, ‘Tugoti sa paglakaw ang akong katawhan aron sila makahimo ug kasaulogan alang kanako didto sa kamingawan.’ ”

Exodo 9:17

Nagpataas pa gihapon ikaw sa imong kaugalingon batok sa akong katawhan ug dili nimo sila tugotan sa paglakaw.

Mga Panultihon 1:22

“Hangtod kanus-a ba, kamo nga mga yano, mahigugma sa pagkayano? Hangtod kanus-a ba ang mga mayubiton mahimuot sa ilang pagyubit ug ang mga buangbuang magdumot sa kahibalo?

Mga Panultihon 1:24

Tungod kay ako nagtawag, ug kamo nagdumili, akong gituy-od ang akong kamot ug walay usa nga nagtagad,

Mga Panultihon 18:12

Sa dili pa ang pagkalaglag mapahitas-on ang kasingkasing sa tawo, apan ang pagkamapaubsanon nag-una sa kadungganan.

Isaias 1:5

Ngano ba nga hampakon pa kamo? Nganong nagpadayon kamo sa pagsupil? Ang tibuok nga ulo masakiton, ug ang tibuok nga kasingkasing nagluya.

Isaias 2:11

Ang mapahitas-ong panan-aw sa tawo ipaubos, ug ang garbo sa katawhan ipaubos, ug ang Ginoo lamang maoy pasidunggan nianang adlawa.

Jeremias 13:10

Kining daotang katawhan, nga nagdumili sa pagpamati sa akong mga pulong, nga mapugsanon nga nagsunod sa ilang kasingkasing ug nagsunod sa laing mga dios aron sa pag-alagad kanila ug sa pagsimba kanila, mahisama niining bakos, nga dili na magpulos alang sa bisan unsa.

Jeremias 13:18

Sultihi ang hari ug ang rayna nga inahan, “Lingkod sa ubos nga lingkoranan, kay ang inyong mga matahom nga korona nahulog gikan sa inyong ulo.”

Jeremias 50:29

“Ipatawag ang mga tigpana batok sa Babilonia, kadtong tanan nga nagbingat sa pana. Pagpahiluna kamo libot kaniya; walay usa nga paikyason. Balosi siya sumala sa iyang mga binuhatan, buhata kaniya sumala sa tanan nga iyang nabuhat, kay siya mapagarbohong nakigbatok sa Ginoo, ang Balaan sa Israel.

Ezequiel 5:6

Ug siya misupil batok sa akong mga tulumanon pinaagi sa pagbuhat ug daotan labaw pa kay sa mga nasod, ug batok sa akong mga lagda labaw pa kay sa kayutaan nga naglibot kaniya pinaagi sa pagsalikway sa akong mga tulumanon ug sa wala pagsubay sa akong mga lagda.

Daniel 5:22

Ug ikaw, Belsasar nga iyang anak, wala magpaubos sa imong kasingkasing bisan ug nasayod ikaw niining tanan.

Numeros 14:27

“Hangtod kanus-a ba nga kining daotan nga katilingban magbagulbol batok kanako? Nabati nako ang mga pagbagulbol sa katawhan sa Israel nga ilang gibagulbol batok kanako.

Roma 2:4

O nagsalig ba ikaw sa kadagaya sa iyang kaayo ug pagkamainantoson ug pagkamapailobon? Wala ba ikaw masayod nga ang kaayo sa Dios alang man sa pagdala kanimo ngadto sa paghinulsol?

Mga Hebreo 12:25

Tan-awa nga dili ninyo isalikway siya nga nagsulti. Kay kon wala man gani sila makaikyas sa dihang gisalikway nila siya nga nagpasidaan kanila dinhi sa yuta, labaw pa gayod nga dili kita makaikyas kon kita magsalikway kaniya nga nagpasidaan kanato gikan sa langit.

Santiago 4:10

Ipaubos ang inyong kaugalingon atubangan sa Ginoo ug siya magtuboy kaninyo.

1 Pedro 5:6

Busa pagpaubos kamo ilalom sa gamhanang kamot sa Dios, aron kamo iyang ituboy unya sa gitakda nga panahon.