Exodo 10:27

Ang Biblia 2011

Apan gipagahi sa Ginoo ang kasingkasing sa Paraon ug wala niya sila tugoti sa paglakaw.

Cross References

Exodo 10:1

Unya ang Ginoo miingon kang Moises, “Adtoa ang Paraon, kay akong gipagahi ang iyang kasingkasing ug ang kasingkasing sa iyang mga alagad aron sa paghatag ngadto kanila niining akong mga ilhanan,

Exodo 10:20

Apan gipagahi sa Ginoo ang kasingkasing sa Paraon ug wala niya tugoti sa paglakaw ang mga anak ni Israel.

Exodo 11:10

Si Moises ug si Aaron mibuhat niining tanang mga kahibulongan sa atubangan sa Paraon. Ug gipagahi sa Ginoo ang kasingkasing sa Paraon ug wala siya motugot sa pagpalakaw sa katawhan sa Israel gawas sa iyang yuta.

Exodo 14:4

Ug pagahion nako ang kasingkasing sa Paraon ug iyang gukdon sila ug himayaon ako ibabaw sa Paraon ug sa tanan niyang kasundalohan, ug ang mga Ehiptohanon mahibalo nga ako mao ang Ginoo.” Ug sila nagbuhat sa ingon.

Exodo 14:8

Ug gipagahi sa Ginoo ang kasingkasing sa Paraon nga hari sa Ehipto ug gigukod niya ang katawhan sa Israel kay migikan man sila nga maisogon.

Exodo 4:21

Ug ang Ginoo miingon kang Moises, “Sa imong pagbalik sa Ehipto, tan-awa nga imong buhaton sa atubangan sa Paraon ang tanang kahibulongan nga akong gibutang sa imong kamot, apan akong pagahion ang iyang kasingkasing aron dili niya tugotan sa paglakaw ang katawhan.

Roma 9:18

Busa ang Dios may kaluoy kang bisan kinsa nga buot niya, ug magpagahi sa kasingkasing ni bisan kinsa nga buot niya.

Gipadayag 9:20

Ang nahibilin nga mga tawo nga wala mangamatay pinaagi sa maong mga katalagman wala maghinulsol sa mga nabuhat sa ilang mga kamot, ug wala usab nila biyai ang pagsimba ug mga demonyo ug mga larawan nga bulawan ug plata ug bronsi ug bato ug kahoy nga dili makakita o makadungog o makalakaw.