Exodo 10:26

Ang Biblia 2011

Ang among kahayopan kinahanglang uban usab kanamo. Walay bisan usa ka kuko nga mahibilin kay kami magkuha gikan niini aron mag-alagad sa Ginoo nga among Dios. Wala kami mahibalo kon unsang butanga ang kinahanglan sa among pag-alagad sa Ginoo, hangtod nga moabot kami didto.”

Cross References

Exodo 10:25

Apan si Moises mitubag, “Ikaw kinahanglan usab nga magtugot kanamo sa paghalad ug halad nga inihaw, ug mga halad nga sunogon aron kami makahalad ngadto sa Ginoo nga among Dios.

Exodo 10:9

Si Moises miingon, “Manglakaw kami uban ang among mga bata ug mga tigulang. Manglakaw kami uban ang among mga anak nga lalaki ug mga anak nga babaye, uban ang among mga panon sa mga karnero ug sa baka kay kinahanglan nga maghimo kami ug kasaulogan alang sa Ginoo.”

Exodo 12:32

Dad-a usab ninyo ang inyong mga karnero ug ang inyong mga baka sumala sa inyong gisulti. Ug panglakaw kamo ug panalangini usab ako ninyo!”

Exodo 8:27

Manglakaw kami ug tulo ka adlaw nga panaw ngadto sa kamingawan ug maghalad kami ngadto sa Ginoo nga among Dios sumala sa iyang isugo kanamo.”

Mga Panultihon 3:9

Pasidunggi ang Ginoo pinaagi sa imong katigayonan ug sa mga unang bunga sa tanan nimong abot;

Isaias 23:18

Ang iyang patigayon ug ang iyang suhol ipahinungod ngadto sa Ginoo; kini dili tigomon o tipigan apan ang iyang patigayon maghatag ug daghang pagkaon ug maayong bisti alang niadtong nagpuyo atubangan sa Ginoo.

Oseas 5:6

Uban sa ilang mga panon ug sa ilang kahayopan sila mangadto aron sa pagpangita sa Ginoo, apan dili nila makit-an siya; siya nagpalayo gikan kanila.

Zacarias 14:20

Nianang adlawa adunay isulat diha sa mga lingganay sa mga kabayo, “Balaan alang sa Ginoo.” Ug ang mga kulon sa balay sa Ginoo mahimong sama sa mga panaksan sa atubangan sa halaran.

2 Mga Taga-Corinto 8:5

Ug dili sumala sa among gilaoman, una sa tanan gihatag nila ang ilang kaugalingon ngadto sa Ginoo ug unya ngari kanamo pinaagi sa kabubut-on sa Dios.

Mga Hebreo 11:8

Tungod sa pagtuo si Abraham mituman sa diha nga gitawag siya sa pag-adto sa usa ka dapit nga iyang madawat ingon nga panulundon, ug siya miadto nga wala mahibalo kon asa siya paingon.