Exodo 10:25

Ang Biblia 2011

Apan si Moises mitubag, “Ikaw kinahanglan usab nga magtugot kanamo sa paghalad ug halad nga inihaw, ug mga halad nga sunogon aron kami makahalad ngadto sa Ginoo nga among Dios.

Cross References

Genesis 8:20

Unya si Noe nagbuhat ug usa ka halaran alang sa Ginoo, ug nagkuha siya gikan sa tanan nga mananap nga hinlo ug sa tanan nga langgam nga hinlo ug naghalad siya ug mga halad nga sunogon didto sa halaran.

Exodo 10:24

Unya ang Paraon mipatawag kang Moises, ug miingon, “Panglakaw kamo aron mag-alagad kamo sa Ginoo. Ang inyong mga kabataan makauban kaninyo apan kinahanglang ibilin ninyo ang inyong mga karnero ug ang inyong mga baka.”

Exodo 10:26

Ang among kahayopan kinahanglang uban usab kanamo. Walay bisan usa ka kuko nga mahibilin kay kami magkuha gikan niini aron mag-alagad sa Ginoo nga among Dios. Wala kami mahibalo kon unsang butanga ang kinahanglan sa among pag-alagad sa Ginoo, hangtod nga moabot kami didto.”

Exodo 20:24

Paghimo kamo ug usa ka halaran nga yuta alang kanako, ug ihalad sa ibabaw niini ang inyong mga halad nga sunogon ug ang inyong mga halad sa pakigdait, ang inyong mga karnero, ug ang inyong mga baka. Sa bisan diing dapit diin himoon nako nga mahinumdoman ang akong ngalan, moanha ako kaninyo, ug panalanginan ko kamo.

Levitico 16:9

Ug ihalad ni Aaron ang kanding nga naripahan nga alang sa Ginoo ug ihalad niya kini ingon nga halad tungod sa sala.

Levitico 9:22

Unya giisa ni Aaron ang iyang mga kamot ngadto sa katawhan ug iyang gipanalanginan sila ug mikanaog siya human sa paghalad sa halad tungod sa sala ug sa halad nga sunogon ug sa mga halad sa pakigdait.