Exodo 10:1

Ang Biblia 2011

Unya ang Ginoo miingon kang Moises, “Adtoa ang Paraon, kay akong gipagahi ang iyang kasingkasing ug ang kasingkasing sa iyang mga alagad aron sa paghatag ngadto kanila niining akong mga ilhanan,

Cross References

Salmo 7:11

Ang Dios matarong nga maghuhukom ug usa ka Dios nga may kaligutgot matag adlaw.

Exodo 10:20

Apan gipagahi sa Ginoo ang kasingkasing sa Paraon ug wala niya tugoti sa paglakaw ang mga anak ni Israel.

Exodo 3:20

Busa tuy-oron nako ang akong kamot ug hampakon nako ang Ehipto pinaagi sa tanang mga katingalahan nga buhaton nako taliwala niini, ug human niana tugotan kamo niya sa paglakaw.

Exodo 4:21

Ug ang Ginoo miingon kang Moises, “Sa imong pagbalik sa Ehipto, tan-awa nga imong buhaton sa atubangan sa Paraon ang tanang kahibulongan nga akong gibutang sa imong kamot, apan akong pagahion ang iyang kasingkasing aron dili niya tugotan sa paglakaw ang katawhan.

Exodo 7:4

Unya ang Paraon dili mamati kaninyo ug ibutang nako ang akong kamot ibabaw sa Ehipto, ug kuhaon nako ang akong mga panon, ang akong katawhan nga mga anak ni Israel, gikan sa yuta sa Ehipto pinaagi sa dagkong mga buhat sa paghukom.

Exodo 9:12

Apan gipagahi sa Ginoo ang kasingkasing sa Paraon ug siya wala mamati kanila, sumala sa gisulti sa Ginoo kang Moises.

Exodo 9:16

Apan gitugotan ko ikaw nga mabuhi alang niining maong tuyo, aron sa pagpakita kanimo sa akong gahom ug aron ang akong ngalan masangyaw sa tibuok kalibotan.

Exodo 9:27

Unya ang Paraon misugo sa pagpatawag kang Moises ug kang Aaron ug miingon kanila, “Nakasala ako niining panahona. Ang Ginoo matarong ug ako ug ang akong katawhan daotan.

Juan 12:40

“Iyang gibutaan ang ilang mga mata ug gipagahi ang ilang kasingkasing, kay tingali unya ug makakita sila pinaagi sa ilang mga mata, ug makasabot pinaagi sa ilang kasingkasing, ug mamalik kanako aron ayohon nako sila.”

Roma 9:17

Kay ang kasulatan nag-ingon sa Paraon, “Gituboy ko ikaw aron mapadayag ang akong gahom, aron ang akong ngalan masangyaw diha sa tibuok kalibotan.”

Roma 9:18

Busa ang Dios may kaluoy kang bisan kinsa nga buot niya, ug magpagahi sa kasingkasing ni bisan kinsa nga buot niya.

Josue 11:20

Kay kadto buhat man sa Ginoo sa pagpagahi sa ilang mga kasingkasing, aron nga makig-away sila batok sa Israel aron malaglag gayod sila ug dili makadawat ug kaluoy, kondili aron mangapuo sumala sa gisugo sa Ginoo kang Moises.

1 Samuel 4:8

Pagkaalaot nato! Kinsa ba ang makaluwas kanato gikan sa kamot niining gamhanang Dios? Mao kini ang Dios nga nagpaantos sa mga Ehiptohanon pinaagi sa nagkalainlaing katalagman didto sa kamingawan.