Exodo 1:9

Ang Biblia 2011

Ug siya miingon sa iyang katawhan, “Tan-awa, ang katawhan sa Israel hilabihan ka daghan ug mas lig-on pa kay kanato.

Cross References

Genesis 26:16

Ug si Abimelek miingon kang Isaac, “Palayo kanamo kay ikaw labaw pa ka gamhanan kay kanamo.”

Genesis 46:3

Unya siya miingon, “Ako mao ang Dios, ang Dios sa imong amahan. Ayaw kahadlok sa pag-adto sa Ehipto kay didto himoon ko ikaw nga usa ka dakong nasod.

Job 5:2

Ang kapungot mopatay gayod sa buangbuang, ug ang kasina molaglag sa yano.

Exodo 5:5

Ug ang Paraon miingon, “Tan-awa, ang katawhan sa yuta daghan na ug inyo silang pahunongon sa ilang mga buhat!”

Mga Panultihon 14:28

Diha sa daghan kaayong katawhan anaa ang himaya sa hari, apan kon walay katawhan ang pangulo malaglag.

Mga Panultihon 27:4

Ang kasuko bangis, ug ang kapungot makapalumos; apan kinsa ba ang makabarog atubangan sa pangabubho?

Ecclesiastes 4:4

Unya nakita nako nga ang tanang paghago ug ang tanang kabatid diha sa buhat naggikan sa kasina sa tawo sa iyang isigkatawo. Kini kakawangan usab ug usa lamang ka paggukod sa hangin.

Tito 3:3

Kay kaniadto kita usab mga walay kahibalo, mga masukihon, nahisalaag, nagpaulipon sa nagkalainlaing mga pangibog ug mga kahilayan, nagkinabuhi diha sa daotan ug kasina, gidumtan sa mga tawo ug nagdumtanay sa usa ug usa.

Santiago 4:5

Naghunahuna ba kamo nga ang kasulatan nag-ingon sa walay hinungdan, “Uban sa pangabubho, siya nangandoy sa espiritu nga nagpuyo sa sulod nato”?