Exodo 1:11

Ang Biblia 2011

Busa gibutangan nila sila ug mga tigdumala sa buhat aron sa paglisodlisod kanila pinaagi sa mga bug-at nga palas-anon. Ug nagtukod sila alang sa Paraon ug mga siyudad nga tigomanan sa mga bahandi nga mao ang Pitom ug Raamses.

Cross References

Genesis 15:13

Ug ang Ginoo miingon kang Abram, “Hibaloi gayod kini nga ang imong mga kaliwat mahimong dumuduong sa usa ka yuta nga dili ila ug sila mahimong mga ulipon didto ug sila daogdaogon sulod sa upat ka gatos ka tuig.

Genesis 47:11

Busa gipahiluna ni Jose ang iyang amahan ug ang iyang mga igsoon, ug iyang gihatag kanila ang usa ka katigayonan sa yuta sa Ehipto, sa labing maayo nga yuta, sa yuta ni Rameses sumala sa gisugo sa Paraon.

1 Mga Hari 9:19

ug sa tanang mga siyudad nga tipiganan nga iya ni Solomon ug sa mga siyudad alang sa iyang mga karwahi ug sa mga siyudad alang sa iyang tigpangabayo, ug bisan unsa nga gitinguha nga tukoron ni Solomon sa Jerusalem, sa Lebanon ug sa tibuok yuta sa iyang gingharian.

2 Cronicas 16:4

Si Ben-hadad namati kang Hari Asa ug gipadala ang mga tigmando sa iyang kasundalohan batok sa mga siyudad sa Israel ug ilang nabuntog ang Ion, ang Dan, ang Abel-maim ug ang tanang mga siyudad nga tipiganan sa Neftali.

2 Cronicas 8:4

Iyang gitukod ang Tadmor didto sa kamingawan ug ang tanang mga siyudad nga tipiganan nga iyang gitukod didto sa Hamat.

Salmo 105:13

naglatagaw gikan sa usa ka nasod ngadto sa usa ka nasod, gikan sa usa ka gingharian ngadto sa usa ka katawhan,

Salmo 129:1

“Sa makadaghan gisakit nila ako sukad pa sa akong pagkabatan-on,” —pasultia ang Israel karon—

Salmo 129:2

“Sa makadaghan gisakit nila ako sukad pa sa akong pagkabatan-on, apan sila wala mopatigbabaw batok kanako.

Salmo 68:13

bisan ug nagpabilin sila sa mga toril sa karnero, ang mga pako sa salampati nga gisapawan ug plata ang mga dagang niini sa dalag nga bulawan.

Salmo 81:6

“Gipagaanan nako ang imong abaga gikan sa palas-anon; ang imong mga kamot gipalingkawas gikan sa bukag.

Exodo 1:14

ug gihimo ang ilang mga kinabuhi nga makaluluoy tungod sa bug-at nga buhat, sa pagmasa ug yuta, sa pagbuhat ug tisa ug sa tanang matang sa buhat diha sa uma, ug sa tanan nilang buluhaton gipabuhat sila sa walay kaluoy.

Exodo 2:11

Usa niana ka adlaw, sa dihang midako na si Moises, miadto siya sa iyang katawhan ug misud-ong sa ilang mga paghago ug nakita niya ang usa ka Ehiptohanon nga midagmal sa usa ka Hebreo nga usa sa iyang mga kadugo.

Exodo 3:7

Unya ang Ginoo miingon, “Nakita nako ang kasakit sa akong katawhan nga atua sa Ehipto ug nadungog nako ang ilang pagtuaw tungod sa mga tigdumala sa buhat ug nahibaloan nako ang ilang kasakitan.

Exodo 5:10

Busa ang mga tigdumala sa buhat sa katawhan ug ang ilang mga kapatas miadto ug miingon sa katawhan, “Mao kini ang giingon sa Paraon, ‘Ako dili manghatag kaninyo ug dagami.

Exodo 5:15

Unya ang mga kapatas sa katawhan sa Israel miadto ug nagpakitabang sa Paraon “Nganong nagbuhat man ikaw sa ingon ngadto sa imong mga ulipon?

Exodo 5:8

Apan ang gidaghanon sa mga tisa nga ilang gibuhat kaniadto maoy inyong ipahamtang kanila ug ayaw ninyo kini paubsi bisan diyotay kay sila tapolan, ug tungod niana sila nagsinggit, ‘Tugoti kami sa paglakaw aron maghalad sa among Dios.’

Mga Panultihon 27:4

Ang kasuko bangis, ug ang kapungot makapalumos; apan kinsa ba ang makabarog atubangan sa pangabubho?

Numeros 20:15

nga ang among katigulangan miadto sa Ehipto ug mipuyo kami sa Ehipto sa dugay nga panahon ug ang mga Ehiptohanon midaogdaog kanamo ug sa among katigulangan.

Deuteronomio 26:6

Ug ang mga Ehiptohanon midaogdaog kanamo ug mipaantos kanamo ug mipapas-an kanamo sa pait nga pagkaulipon.