Ester 9:29

Ang Biblia 2011

Unya si Rayna Ester nga anak ni Abihail ug si Mardoqueo nga Judio mihatag ug sinulat nga hingpit nga pagbuot, nagpamatuod niining ikaduhang sulat mahitungod sa Purim.

Cross References

Ester 2:15

Sa diha nga miabot na ang panahon ni Ester nga anak ni Abihail nga uyoan ni Mardoqueo nga nagsagop kaniya ingon nga iyang anak, nga siya moadto na sa hari, wala siya mangayo ug bisan unsa gawas sa gitambag ni Hegai nga yunoko sa hari, ang gitugyanan sa mga babaye. Ug si Ester nakabaton ug kahimuot diha sa mga mata sa tanan nga nakakita kaniya.

Ester 3:15

Ang mga sinugo midali pag-adto sumala sa sugo sa hari ug ang usa ka sugo gimantala didto sa Susa nga mao ang ulohang siyudad. Ug ang hari ug si Haman milingkod aron sa pag-inom apan ang siyudad sa Susa nagubot.

Ester 8:10

Ang sinulat gihimo diha sa ngalan ni Hari Ahasuero, ug gisilyohan sa singsing sa hari, ug gipadala ang mga sulat pinaagi sa mga sinugo nga nagkabayo sa mga tulin nga mga kabayo nga gigamit sa pag-alagad sa hari gikan sa mga kabayo sa hari.

Ester 9:20

Unya si Mardoqueo nagsulat niining mga butanga ug nagpadala ug mga sulat sa tanang mga Judio nga didto sa tanang lalawigan ni Hari Ahasuero, duol ug layo,

Ester 9:21

aron sa pag-awhag kanila nga magsaulog sila sa ikanapulo ug upat nga adlaw sa bulan sa Adar ug usab sa ikanapulo ug lima nga adlaw sa maong bulan, matag tuig,

Ester 9:28

nga kining mga adlawa hinumdoman ug tumanon hangtod sa tanang kaliwatan, sa matag panimalay, lalawigan ug siyudad ug nga niining mga adlawa sa Purim dili mahimong walay pulos alang sa mga Judio o ang handomanan niining mga adlaw mahunong sa ilang mga kaliwatan.