Ester 9:12

Ang Biblia 2011

Ug ang hari miingon kang Rayna Ester, “Ang mga Judio nakapatay ug 500 ka tawo didto sa Susa nga mao ang ulohang siyudad ug lakip ang napulo ka anak nga lalaki ni Haman. Unsa man diay ang ilang gibuhat sa nahibilin sa mga lalawigan sa hari! Karon unsa man ang imong hangyo? Kini ihatag kanimo. Ug unsa pa gayod ang imong pangayoon? Kini matuman.”

Cross References

Ester 5:3

Ug ang hari misulti kaniya, “Unsa kana, Rayna Ester? Unsa ang imong hangyo? Ihatag kini kanimo, bisan ang katunga sa akong gingharian.”

Ester 5:6

Ug samtang nag-inom sila ug bino, ang hari miingon kaniya, “Unsa man ang imong hangyo? Ihatag kini kanimo. Unsa man ang imong pangayoon? Bisan ang katunga sa akong gingharian, matuman kini.”

Ester 7:2

Sa ikaduhang adlaw, samtang nag-inom sila ug bino, ang hari miingon pag-usab kang Ester, “Unsay imong hangyo, Rayna Ester? Ihatag kini kanimo. Ug unsa man ang imong pangayoon? Bisan ang katunga sa akong gingharian, kini matuman.”

Ester 9:11

Niadto gayong adlawa ang gidaghanon sa gipamatay didto sa Susa nga mao ang ulohang siyudad gitaho ngadto sa hari.

Ester 9:15

Ang mga Judio nga didto sa Susa nagtigom sa ikanapulo ug upat nga adlaw sa bulan sa Adar, ug gipamatay nila ang tulo ka gatos ka tawo sa Susa apan wala nila hilabti ang mga kabtangan.

Mga Buhat 23:19

Ug ang komandante mikupot kaniya diha sa kamot, ug sa nadala na siya sa daplin, hilom niya kining gipangutana, “Unsa bay imong isulti kanako?”