Ester 8:9

Ang Biblia 2011

Unya ang mga sekretaryo sa hari gipatawag niadtong panahona, sa ikatulong bulan nga mao ang bulan sa Sivan, sa ika-23 nga adlaw. Ug ang usa ka balaod gisulat sumala sa tanang gisugo ni Mardoqueo mahitungod sa mga Judio alang sa mga tinugyanan ug sa mga gobernador ug sa mga pangulo sa mga lalawigan gikan sa India ngadto sa Etiopia, 127 ka lalawigan, alang sa matag lalawigan sumala sa sinulatan niini, ug alang sa matag katawhan sumala sa ilang pinulongan, ug sa mga Judio sumala sa ilang sinulatan ug sa ilang pinulongan.

Cross References

2 Mga Hari 18:26

Unya si Eliakim nga anak ni Hilkias ug si Sebna ug si Joas miingon sa Rabsakes, “Naghangyo kami kanimo, sulti sa imong mga sulugoon sa pinulongan nga Aramaiko, kay kami makasabot niana. Ayaw pagpakigsulti kanamo sa pinulongan sa Juda, kay makadungog ang katawhan nga anaa sa ibabaw sa kuta.”

2 Cronicas 15:10

Busa sila nagkatigom didto sa Jerusalem sa ikatulong bulan, sa ikanapulo ug lima nga tuig sa paghari ni Asa.

Ester 1:1

Sa mga adlaw ni Ahasuero, ang Ahasuero nga naghari sukad sa India hangtod sa Etiopia, ibabaw sa 127 ka lalawigan,

Ester 1:22

Nagpadala siya ug mga sulat sa tanang mga lalawigan sa hari, sa matag lalawigan sumala sa nasulat niini ug sa matag katawhan sumala sa ilang pinulongan nga ang matag lalaki maghari sa iyang kaugalingong balay ug magsulti sumala sa pinulongan sa iyang katawhan.

Ester 10:1

Si Hari Ahasuero nagpabuhis sa yuta ug sa mga pulo sa dagat.

Daniel 4:1

Si Hari Nabucodonosor, alang sa tanang mga katawhan, mga nasod, ug mga pinulongan nga nagpuyo sa tibuok nga yuta: Ang kalinaw modagaya unta kaninyo!

Daniel 6:1

Nakapahimuot kang Dario ang pagbutang ibabaw sa gingharian ug 120 ka tinugyanan nga maoy mangulo sa tibuok gingharian.

Daniel 6:25

Unya si Hari Dario misulat sa tanang mga katawhan, mga nasod ug mga pinulongan nga nagpuyo sa tibuok yuta: “Ang pakigdait modagaya unta kaninyo!