Ester 8:15

Ang Biblia 2011

Unya si Mardoqueo migula gikan sa atubangan sa hari diha sa harianong bisti nga asul ug puti, uban sa usa ka dakong korona nga bulawan ug usa ka kupo nga pinong lino ug mahalong panapton nga tapol samtang ang siyudad sa Susa nagsinggit ug naglipay.

Cross References

Genesis 41:42

Unya gikuha sa Paraon ang singsing nga silyo gikan sa iyang kamot ug gisul-ob kini sa kamot ni Jose ug gibistihan siya sa mga panapton nga pinong lino ug gibutangan siya ug usa ka kuwentas nga bulawan sa iyang liog.

Ester 1:6

Didtoy mga tabil nga puting panapton nga gapas ug asul nga gihigot ug mga linubid nga pinong lino ug mahalong panapton nga tapol ngadto sa mga argulya nga plata ug sa mga haligi nga marmol ug mga higdaanan usab nga bulawan ug plata, ibabaw sa usa ka salog nga dibuho ginamit ang batong porperyo, marmol, takubo ug mga mahalong bato.

Ester 10:2

Ug ang tanang mga buhat sa iyang gahom ug sa iyang pagkagamhanan, ug ang tanang kasaysayan sa pagkadungganan ni Mardoqueo, diin ang hari nagpauswag kaniya, wala ba kini masulat sa basahon sa mga Kasaysayan sa mga hari sa Media ug Persia?

Ester 3:15

Ang mga sinugo midali pag-adto sumala sa sugo sa hari ug ang usa ka sugo gimantala didto sa Susa nga mao ang ulohang siyudad. Ug ang hari ug si Haman milingkod aron sa pag-inom apan ang siyudad sa Susa nagubot.

Ester 5:1

Sa ikatulo nga adlaw, si Ester nagsul-ob sa iyang harianong bisti, ug mitindog sa sulod nga hawanan sa balay sa hari atbang sa hawanan sa hari. Ang hari naglingkod sa iyang harianang trono sulod sa balay atbang sa pultahan sa balay.

Ester 5:11

Ug si Haman misugilon kanila sa himaya sa iyang mga bahandi, sa gidaghanon sa iyang mga anak, ug sa tanang mga pagtuboy diin ang hari nagpasidungog kaniya ug giunsa sa hari sa pagpauswag kaniya labaw sa mga pangulo ug mga alagad sa hari.

Ester 6:11

Busa gikuha ni Haman ang mga bisti ug ang kabayo ug gibistihan si Mardoqueo ug gipakabayo siya agi sa hawanan sa siyudad ug nagmantala, “Mao kini ang buhaton ngadto sa tawo nga gikahimut-an sa hari pagpasidungog.”

Ester 6:8

ipadala ang harianong bisti nga gisul-ob sa hari ug ang kabayo nga gisakyan sa hari ug nga ang ulo gibutangan ug usa ka harianong korona

Ester 8:14

Busa ang mga sinugo nga nagkabayo sa tulin nila nga mga kabayo nga gigamit sa pag-alagad sa hari, midali pagsakay tungod sa sugo sa hari ug ang balaod gihatag didto sa Susa nga mao ang ulohang siyudad.

Mga Panultihon 11:10

Kon maayo ang kahimtang sa mga matarong, ang siyudad maglipay; ug kon malaglag ang daotan, adunay panaghugyaw.

Mga Panultihon 28:12

Sa diha nga ang matarong modaog, adunay dakong himaya; apan sa diha nga ang daotan mobarog, ang mga tawo magtago sa ilang kaugalingon.

Mga Panultihon 29:2

Kon ang matarong anaa sa gahom, ang katawhan malipay; apan kon ang daotan mangulo, ang mga tawo mag-agulo.

Mateo 11:8

Nganong miadto man kamo didto? Aron ba sa pagtan-aw sa usa ka tawo nga nagsul-ob ug luho nga mga bisti? Tan-awa, ang nagsul-ob ug luho nga mga bisti anaa sa mga balay sa mga hari.

Mateo 6:29

Apan sultihan ko kamo nga bisan pa si Solomon sa tibuok niyang himaya wala gani makabisti sama sa usa kanila.

Lucas 16:19

“Dihay usa ka tawong dato nga nagbisti ug mahalong panapton nga tapol ug pino nga lino ug nagkaon sa makabuhong nga pagkaon matag adlaw.