Ester 7:8

Ang Biblia 2011

Unya ang hari mibalik gikan sa tanaman sa balay sa hari ngadto sa dapit diin sila nag-inom sa bino samtang si Haman nag-akbo sa sopa diin didto sa Ester. Unya miingon ang hari, “Iya ba diayng panamastamasan ang rayna sa akong atubangan, dinhi sa akong kaugalingong balay?” Samtang ang mga pulong migula sa baba sa hari, ilang gitabonan ang nawong ni Haman.

Cross References

Ester 1:5

Ug sa natapos na kining mga adlawa, ang hari naghatag ug kombira sulod sa pito ka adlaw didto sa hawanan sa tanaman sa palasyo sa hari alang sa tanang katawhan, dagko ug gagmay, nga didto sa Susa nga ulohang siyudad.

Ester 1:6

Didtoy mga tabil nga puting panapton nga gapas ug asul nga gihigot ug mga linubid nga pinong lino ug mahalong panapton nga tapol ngadto sa mga argulya nga plata ug sa mga haligi nga marmol ug mga higdaanan usab nga bulawan ug plata, ibabaw sa usa ka salog nga dibuho ginamit ang batong porperyo, marmol, takubo ug mga mahalong bato.

Ester 6:12

Unya si Mardoqueo mibalik ngadto sa ganghaan sa hari. Apan si Haman midali pag-adto sa iyang balay, masulob-on ug ang iyang ulo tinabonan.

Ester 7:10

Ug ang hari miingon, “Bitaya siya niini.” Busa ilang gibitay si Haman sa bitayan nga iyang giandam alang kang Mardoqueo. Unya ang kasuko sa hari napuypoy.

Job 9:24

Ang kalibotan gitugyan ngadto sa kamot sa daotan; siya nagtabon sa mga nawong sa mga maghuhukom niini, kon siya dili mao, kinsa man diay?

Isaias 22:17

Tan-awa, ang Ginoo, magsalibay kanimo sa kusog gayod, O ikaw nga tawong kusgan. Hugton gayod ikaw niya pagkupot,

Isaias 49:23

Ang mga hari mahimo nga imong ama-ama ug ang ilang mga rayna mahimong inahan nga mag-atiman. Sila magyukbo kanimo, nga ang ilang nawong anha sa yuta ug magtilap sa abog sa imong mga tiil. Unya ikaw masayod nga ako mao ang Ginoo; ug sila nga maghulat kanako dili maulawan.”

Amos 3:12

Mao kini ang giingon sa Ginoo, “Ingon nga ang usa ka tigbantay magluwas gikan sa baba sa liyon sa duha ka paa, o usa ka dalunggan, luwason usab ang katawhan sa Israel nga nagpuyo sa Samaria bisan diha sa daplin sa higdaanan ug diha usa ka bahin sa higdaanan.”

Marcos 14:65

Unya ang pipila misugod sa pagpangluwa kaniya, ug sa pagtabon sa iyang nawong ug sa pagbunal kaniya ug sa pag-ingon, “Tag-ana!” Ug gidawat siya sa mga bantay ug gibun-og siya.