Ester 7:3

Ang Biblia 2011

Unya si Rayna Ester mitubag, “Kon ako nakakaplag ug kahimuot diha kanimo sa imong panan-aw, O hari, ug kon kini nakapahimuot sa hari, ihatag kanako ang akong kinabuhi sa akong paghangyo ug ang akong katawhan sa akong pagpangayo.

Cross References

1 Mga Hari 20:31

Ug ang iyang mga sulugoon miingon kaniya, “Kami nakadungog karon nga ang mga hari sa balay sa Israel maluluy-on nga mga hari, kami naghangyo kanimo, tugoti kami nga magbutang ug sako sa among mga hawak ug mga pisi sa among mga ulo ug mangadto sa hari sa Israel, kay basin ug luwason niya ang imong kinabuhi.”

2 Mga Hari 1:13

Ug nagpadala na usab ang hari sa ikatulo nga pangulo sa tag-50 uban sa iyang 50 ka tawo. Ug ang ikatulo nga pangulo sa tag-50 mitungas ug miabot ug miluhod sa atubangan ni Elias ug naghangyo kaniya, “O tawo sa Dios, ako naghangyo kanimo, himoon unta nimo nga ang akong kinabuhi ug ang kinabuhi niining 50 nga imong mga sulugoon bililhon sa imong panan-aw.

Ester 4:8

Si Mardoqueo mihatag usab kaniya ug kopya sa sinulat nga sugo nga gihimo didto sa Susa aron sa paglaglag kanila, aron ipakita niya kini kang Ester ug ipasabot kini kaniya ug sugoon siya sa pag-adto sa hari aron hangyoon siya ug mangaliyupo kaniya alang sa iyang katawhan.

Ester 5:8

Kon ako nakakaplag ug kahimuot diha sa panan-aw sa hari ug kon ikalipay sa hari ang paghatag sa akong gihangyo, ug ang pagtuman sa akong gipangayo, paadtoa ang hari ug si Haman sa kombira nga akong giandam alang kanila ug akong buhaton ugma ang gisulti sa hari.”

Ester 7:7

Ang hari suko nga mitindog gikan sa kan-anan ug miadto sa tanaman sa balay sa hari. Apan si Haman mipabilin aron sa paghangyo sa iyang kinabuhi kang Rayna Ester kay nakita niya nga may daotan nga gihunahuna batok kaniya ang hari.

Ester 8:5

Busa si Ester mitindog ug mibarog sa atubangan sa hari. Ug siya miingon, “Kon kini nakapahimuot sa hari ug kon ako nakakaplag ug kahimuot diha sa iyang panan-aw, ug kon ang maong butang daw matarong sa atubangan sa hari, ug ako nakapahimuot sa iyang mga mata, ipasulat ang usa ka mando sa pagbakwi sa mga sulat nga gimugna ni Haman nga Agaghanon nga anak ni Hamedata, nga iyang gisulat aron sa paglaglag sa mga Judio nga anaa sa tanang mga lalawigan sa hari.

Job 2:4

Unya si Satanas mitubag sa Ginoo, “Panit alang sa panit! Ang tanan nga iya sa usa ka tawo iyang ihatag alang sa iyang kinabuhi.

Jeremias 38:26

ingna sila, ‘Naghimo ako ug mapaubsanong paghangyo ngadto sa hari, nga dili niya ako ipadala pagbalik ngadto sa balay ni Jonatan aron mamatay didto.’ ”